اهم 10 انواع من الفيتامينات والمعادن الاساسية اللازمة لنمو الشعر بشكل اسرع

بقلمريهام محمود فيشعر visibility584

شعرنا مع الوقت ومع كتر استخدام الحرارة عليه ومنتجات تصفيف الشعر بيفقد لمعانه وبيتكسر, والاسوأ من كل ده انه بيبدأ يتساقط وبياخد وقت على ما يرجع ينمو تاني, ولكن الخبر الحلو ان نقص الفيتامينات هو واحد من اكتر اسباب تساقط الشعر وبطء النمو, وليه ده كويس؟ لانه ممكن علاجه عن طريق استهلاك الفيتامينات والمعادن الاساسية اللازمة لنمو الشعر بشكل اسرع, والنهاردة من خلال المقال بتاعنا هنقولك على افضل 10 انواع من الفيتامينات والمعادن الاساسية لنمو الشعر بشكل سريع.

الفيتامينات والمعادن الاساسية لنمو الشعر:

1- البروتين:

من اكتر الحاجات اللي بتساعد على نمو شعر صحي اكتر من اي فيتامينات او معادن تانية هنقولها النهاردة, لو عايزة توصلي لشعر صحي ونمو سريع فانتي محتاجة الحصول كمية كافية من البروتين, وليه البروتين مهم؟ لان شعرنا هو عبارة عن بروتين, وتقدري تحصلي عل البروتين من اللحوم الحمرا, الفراخ, سمك السلمون, البيض, السبانخ, الفاصوليا, الكينوا, والبروكلي.

الفيتامينات والمعادن الاساسية لنمو الشعر
الفيتامينات والمعادن الاساسية لنمو الشعر

2- الحديد:

الحديد من العناصر الغذائية الرئيسية  اللي بتضمن نقل الدم لكل اجزاء الجسم, وده بدوره بيخلينا نحس بالنشاط والحيوية, وبيقوي الشعر وبيزود نموه بششكل سريع, ولو نظامك الغذائي مافيش فيه كمية حديد كافية, هتلاقي شعرك جاف ورقيق وسهل التكسر, وفي مصادر كتير للحديد زي السبانخ, البيض وبشكل خاص الصفار, الفراخ, اللحوم الحمرا, الزبيب, المشمش, البقوليات, الكبدة, المحار, الحبوب الكاملة.

الفيتامينات والمعادن الاساسية لنمو الشعر

3- البيوتين:

لو بتابعي دايما انواع المكملات الغذائية اكيد هتكوني سمعتي عن البيوتين, وهو فيتامين B الاساسي اللي بيحافظ على صحة الشعر عن طريق تحطيم البروتينات لاحماض امينية وانتاج الجلوكوز.

وكتير مننا ممكن يكو نبيدخل البيوتين في النظام الغذائي بشكل يومي, ولكن بيكون مش كفاية للحصول على الكمية اللازمة من البيوتين, لان الجسم بيطرد نسبة كبيرة منه, وبالتالي انتي محتاجة تستهلكيه بشكل اكتر من العادي عشان ما يحصلش فيه عجز وينتهي بتساقط الشعر, ومن افضل مصادر البيوتين زبدة الفول السوداني, السلمون, البيض, الافوكادو, المشروم, اللحوم الحمرا, الكبدة, الكلاوي, الجبنة, الخضروات الورقية, القرنبيط, المكسرات, البقوليات زي فول الصويا والفول السوداني.

الفيتامينات والمعادن الاساسية لنمو الشعر

4- فيتامين E:

فيتامين E يعتبر مضاد للاكسدة وبيساعد على اصلاح الانسجة قبل اعادة بنائها مرة تانية, وده اللي انتي محتاجاه بالظبط عشان شعرك ينمو بشكل صحي, ومن الاطعمة الغنية بفيتامين E البروكلي, الافوكادو, بذور عباد الشمس, اللوز, الخضروات الورقية, البطاطا, الاعشاب المجففة, المأكولات البحرية.

وبالاضافة للحصول على الفيتامين عن طريق الاكل, تقدري تستخدميه بشكل مباشر على الشعر, عن طريق تدليك فروة الراس بيه, الطريقة دي بتزود الاكسجين في فروة الراس, وبيعزز الدورة الدموية وبيقلل الالتهاب, خدي كبسولتين من فيتامين E, واخلطيهم مع زيت جوز الهند, ودلكي فروة الراس بالخليط, وسيبيه 20 دقيقة وبعدين اغسليه.

الفيتامينات والمعادن الاساسية لنمو الشعر

5- الزنك:

من غير كمية كافية من الزنك في جسمك, ممكن تعاني من مشكلة تساقط الشعر, لو انتي ملاحظة انه في الفترة الاخيرة شعرك بيتساقط اكتر من الطبيعي, ده ممكن يكون سببه انك مش بتستهلكي كمية كافية من الزنك, لان نقص الزنك ممكن يأدي لخلل هرموني, واللي بدوره ممكن يسبب تساقط الشعر, ومن افضل المصادر الغذائية للزنك هي السبانخ, البطاطا, الحمص, البيض, المكسرات, المحار.

الفيتامينات والمعادن الاساسية لنمو الشعر

6- فيتامين C:

فيتامين C بيعزز نظام المناعة في الجسم, وبالتالي بيحمي من نزلات البرد, وكمان بيحفز نمو الشعر وبيقوي بصيلات الشعر عن طريق انتاج بروتين مهم وهو “الكولاجين”, ومن الاطعمة الغنية بفيتامين C الفلفل, الكيوي, الفراولة, البروكلي, اللفت, البرتقان, براعم بروكسل, بالاضافة للمكملات الغذائية اللي ممكن تشتريها من الصيدلية.

7- فيتامين B12:

فيتامين B12 يعتبر واحد من عيلة فيتامين B وهو فيتامين اساسي لتعزيز انقسام الخلايا ونموها, وهما عمليتين مهمين جدا لنمو الشعر بشكل سريع وصحي اكتر, لو ماخدتيش كمية كافية من فيتامين B12 هتلاحظي ان شعرك بينمو ببطء جدا, لكن لو اخدتيه بكمية كافية هيساعدك على نمو الشعر اسرع وكمان هيوقف تساقط الشعر تماما, من الاطعمة الغنية بفيتامين B12 منتجات الالبان زي اللبن والجبن والزبادي, والبيض.

8- النياسين:

هو يعتبر واحد تاني من عيلة فيتامين B وممكن يكون النياسين من انواع الفيتامينات اللي معروفة اوي, لكنه بيعزز الدورة الدموية بشكل افضل, وبيساعد على تسريع نمو الشعر, ومهمتة الاساسية بتكون تحويل الكربوهيدرات لطاقة مع تعزيز الدورة الدموية, وجه بدوره معناه عناصر غذائية اكتر واكسجين اكتر هيوصل لبصيلات الشعر.

9- حمض الفوليك:

حمض الفوليك بيساعد على تكثيف الشعر وبيديه لمعان ورطوبة, وممكن كمان انه يمنع شيب الشعر, هنلاقي فين حمض الفوليك في نظامنا الغذائي؟ الى حد كبير حمض الفوليك موجود في كل الاطعمة اللي بتحتوي على فيتامين B, واللي منها الحبوب, المكسرات, الطماطم, الشوفان, الافوكادو, الموز, المحار, الكبدة, اللحم البقري, التونة, السردين, منتجات الالبان, والحليب الخالي من الالبان زي حليب الصويا, حليب اللوز, حليب جوز الهند, حليب الشوفان, حليب الارز.

10- فيتامين D:

اخر فيتامين معانا في القايمة هو فيتامين D اللي بيجي بنسبة كبيرة من الشمس, ضروري جدا لتحسين نمو الشعر, ومن اسهل الطرق للحصول على الفيتامين ده هو التعرض للشمس, ومن الاطعمة بفيتامين D الاسماك الغنية بالاوميجا3 زي السلمون والتونة والماكريل, المشروم, اللبن, البيض, عصير البرتقان, الشوفان, الجمبري, الزبادي, الزبدة, منتجات الصويا زي حليب الصويا وزبدة الصويا.

روتين لمنع تساقط الشعر وحل مشاكل الشعر بشكل عام

روتين لمنع تساقط الشعر