10 اسباب ليه معظم الرجالة مش بيحبوا يرتبطوا بالست القوية!

بقلمريهام محمود فيعلاقات visibility338

الست بتكتسب قوة الشخصية من مواقف الحياة اللي ممكن تكون اتعرضت لها, وانها مرت بتجارب ممكن تكون صعبة ومؤلمة عليها, علمتها انها تبقى معتمدة على نفسها ومستقلة ومكتفية بذاتها, لكن في رجالة كتير مش بيحبوا يرتبطوا بالست القوية او مش بيعرفوا يتعاملوا معاها, والنهاردة من خلال موضوعنا هنقولك ليه الراجل مش بيحب الست القوية في حياته.

ليه الراجل مش بيحب الست القوية:

1- الست القوية مش بتحتاج راجل يحارب عشانها:

الراجل بيحتاج يحس ان هو مطلوب او انك محتاجة له, هو محتاج يعرف انه بيحارب عشان الحب وعشان يعجبك, والمرأة القوية هتبين للراجل انها بتحبه, لكن في نفس الوقت مستقلة وتقدر تدير شؤونها بنفسها, المرأة القوية ممكن تخوض الحرب عشانك وعشان نفسها, لكن مش محتاجة راجل يخوض معارك عشانها, المرأة القوية لو عندها مشكلة هي بتقدر تتعامل معاها بنفسها وتحلها.

المرأة القوية مش بتقعد تستنى, وتعيش دور الضحية, لحد ما الراجل يلاقي لها الحل, وفي رجالة كتير مش بتتعرف تتعامل مع القوة دي, فلو انت اخترت النوع ده من النساء يبقى لازم تكون مستعد انك تمشي جنبها مش قدامها, وانك تسحبها للمكان اللي انت عايزة اللي ممكن تفكر انها المفروض تكون فيه.

2- المرأة القوية عارفة هي عايزة ايه:

النساء القويات بيبقوا عارفين هما عايزين ايه, وعارفين ازاي يحققوا ده, ودايما حاطين في بالهم كل الصعوبات اللي ممكن يواجهوها عشان يوصلوا للي هما عايزينه, والمرأة اللي زي دي عارفة هي عايزة ايه, فلو بتحب راجل معين هتلاحقه وهتفضل وراه, ومش هتستنى الراجل انه يقوم بالخطوة الاولى, المرأة القوية شخصيتها بتكون عنيدة ممكن انها تكون مخيفة جدا للراجل, لانها مش بتكون تحت سيطرته, لكن بتكون مخلصة جدا في حبها, ومستعدة انها تواجه كل الصعوبات مع الراجل اللي بتحبه, والراجل اللي يسمح للست اللي من النوع ده تكون في حياته لازم يكون عنده ثقة عالية بالنفس.

ليه الراجل مش بيحب الست القوية
ليه الراجل مش بيحب الست القوية

3- المرأة القوية بتحتاج للاخلاص والامان:

الرجالة عموما بيلاقوا صعوبة انهم ينفتحوا اوي في الاسئلة الصعبة او الموضوعات الشائكة في الحياة او الحساسة بالنسبة له, ولكن المرأة القوية بتخوض بعمق في الاذى والصدمات والتجارب المتغيرة في الحياة, وبتحتاج لراجل يكون امين ومخلص معاها, لانها بتحمله حاجات كتير في حياتها, وبتبقى عايزة تحس بأمان معاه وانها مش لوحدها, بتبقى محتاجة تحس ان الراجل اللي معاها ممكن يواجه معاها اي حاجة.

المرأة القوية مش بتخاف من الماضي, هي بتقدر تعديه وتكمل حياتها, وبتكون محتاجة لراجل يواجه معاها كل صعوبات الحياة, عشان كده الراجل بيخاف من النوع ده من الستات لانه بيحس بالضعف قصادها, فلو انت عايز تنول اعجاب المرأة القوية في حياتك, يبقى متخافش من لحظات الضعف.

4- المرأة القوية منفتحة على الحياة:

المرأة القوية بتحب تجرب كل حاجة ومنفتحة على كل حاجة في الحياة, وبتكون متوقعة ان الراجل اللي معاها يكون زيها ومنفتح على كل جوانب الحياة.

ليه الراجل مش بيحب الست القوية

5- الست القوية بتقدر تحس بالكدب:

المرأة القوية بتكون صادقة جدا وبتتوقع الثقة الكاملة في العلاقة, وممكن انها تحس بالكدب في لحظة, عشان كده متحاولش انك تكدب عليها ولو حتى كذبة بيضا, ومتديش المرأة القوية في حياتك اي تفسيرات وهمية, لان عندها قدرة رهيبة على كشف الكدب, ولما تكون في علاقة مع امرأة قوية لازم تكون صادق لانها مش بتسامح ولا بتغفر ابدا الكدب والانانية, لو انت صادق معاها مش هتواجه معاها اي مشكلة.

6- المرأة القوية بتحب النزاهة والثبات على الموقف:

النساء اللي عندهم قوة داخلية, مش بيحبوا الشخصية الغير الحاسمة او اللي معندهاش ثبات على الموقف, بيحبوا يشوفوا الراجل اللي معاهم نزيه وعنده مبدأ واحترام لنفسه, وراجل في كلامه وتصرفاته, فلو المرأة اللي من النوع ده حست ان الراجل اللي معاها عكس كده, مش هتتردد لحظة انها تسيبه يخرج من حياتها بكل سهولة, وبتحب تحس دايما انها محبوبة من غير شروط, فلو حست في لحظة بعدم احترام من ناحيتك ليها, مش هتلاقي اي مشكلة ابدا انها تاخد قرار لحسم العلاقة بينكم, لان اسوأ حاجة ممكن تعملها مع امرأة قوية انك تحسسها بالضعف.

7- المرأة القوية بتكون انفعالية:

المراة القوية اتحملت تحديات وعقبات مش عادية في حياتها, او بمعنى تاني هي قوية لسبب ما, لانها اضطرت انها تكون قوية خلال لحظات مظلمة جدا ومأساوية في حياتها, وعرفت انها تقدر تتحمل اي حاجة تمر بيها في الحياة, والنوع ده من النساء في كتير من الاوقات بيكون صعب على الراجل انه يفهمه, وبيكون مخيف بالنسبة له مع كل المشاعر والافكار اللي بتيجي مع النوع ده من الشخصية, المرأة القوية بتحتاج اللي يشارك معاها جروحها, وبتتوقع منك انك تعمل ده, وبيبقى مافيش اسرار في عالمها.

8- المرأة القوية مش هتستناك:

النوع ده من النساء ممكن تروح وراك للجحيم لو حست بس انك ملتزم من ناحيتها, ولكن مع ذلك في اللحظة اللي هتحس انك بتنسحب من حياتها, هتسيبك تمشي بكل بساطة, مش هتستنى لما انت تقرر عايزها ولا لا, لان الست القوية قرارتها حاسمة ياما تبقى في حياتها او بره حياتها, وهتقدر تواجه الجرح او الاذى وتخف منه بسرعة وتستعيد قوتها للتغلب على اي حاجة تانية هتمر في حياتها.

9- المرأة القوية هتحبك من غير قيد ولا شرط:

حب المرأة القوية بيكون باخلاص جدا, بالظبط زي حب الام لاطفالها, المرأة القوية بترعى وبتحب الراجل بشدة, ولما تحس كمان بالمقابل للحب ده, هتعمل كل اللي تقدر عليه وتبذل اقصى ما عندها عشان تبينلك هي قد ايه بتحبك, هتدعمك وتحارب عشانك وتساعدك انك توصل لكل اللي انت عايزة, بعض الرجالة مش بيعرفوا يتعاملوا مع الحب الغير مشروط ده, وبيحسوا بالخوف منشدة وعمق العطاء ده, وفي كتير من الاوقات في المرحلة دي الرجالة بيهربوا من المرأة القوية, ولو ده حصل, بصرف النظء عن حبها العميق والكبير ليك هتسيبك تمشي, لانها عارفة قيمتها كويس.

10- المرأة القوية هتكون مرايتك:

معظمنا بيكون صعب اننا نتقبل اننا فينا عيوب او نعترف بالحاجات اللي مش بنحبها في نفسنا لما حد يحط ايده او يشاورلنا عليها, لكن المرأة القوية هتتكلم مع الراجل اللي معاها في الجوانب اللي محتاجة تتغير او تتعالج, وهتبقى معاك كمان لمساعدتك في اظهار قد ايه انت قوي ورائع, وهتقف جنبك وتبين لك القبول والثقة الخالصة, بعض الرجالة مش بيعرفوا يتعاملوا مع الفوضى العاطفية اللي بتيجي مع النوع ده من السلوك, عشان كده هنلاقي ان النساء الاقوياء هيتوافقوا مع الرجالة الاقوياء اللي من نفس نوعهم, لكن الضعفاء مش هيتجاوزوا حتى المرحلة الاولى مع الست القوية, الرجالة الضعفاء مش بيعرفوا يتعاملوا مع الامانة والقوة والذكاء والاستقلالية اللي بتتميز بيها المرأة القوية.

من ناحية تانية الرجل القوي اكيد هتربيه امرأة قوية, وهيطلع بيعرف يتعامل مع مختلف مواقف الحياة ومع الصعوبات اللي ممكن تقابل اي علاقة, والمرأة القوية مش اي شخص يعرف يتعامل معاها, لازم يكون شخص واثق من نفسه كشخص وكرجل, ويحس انه يقدر يلبي احتياجات المرأة اللي معاه, ويوفرلها الامن والامان المادي والعاطفي, وبما ان النساء في الفترة الاخيرة حققوا استقلاليتهم المادية, فالرجالة مبقوش عارفين تقريبا امتى الست ممكن تكون محتاجة لهم, والموضوع بينتهي انه مش بيبقى متأكد من قيمتة واهميته في العلاقة, وكتير من النساء اكدوا ان الدعم العاطفي من الراجل ميقلش اهمية عن الدعم المادي والبدني, ولكن لسوء الحظ, ان الرجالة مش متعودين بتحديد او تعريف الرجولة بتقديم الدعم العاطفي.

ليه البنات اللي بيفضلوا سنجل لفترة طويلة بيبقوا أسعد؟