ازاي تستخدمي مية الاكسجين لتبييض البشرة بشكل فعال

ريهام محمود
ريهام محمود
في
بشرة
19672

مية الاكسجين ليها فوايد صحية كتير واحنا اتكلمنا عليها قبل كده بالتفصيل, لكن في المقال بتاعنا النهاردة هنتكلم عن فوايدها للبشرة وبشكل خاص استخدام مية الاكسجين لتبييض البشرة, وكمان هنقولك نصايح مهمة لاستخدامها, وازاي تدخليها في الوصفات الطبيعية, عشان توصلي لبشرة فاتحة ونقية.

ليه مية الاكسجين فعالة في تبييض البشرة:

مية الاكسجين بتساعد على اكسدة الميلانين واللي معروف انه المسؤول عن لون البشرة, وده بيساعد على التخلص من غمقان البشرة وتفتيح البقع الغامقة, وبيساعد كمان على تقشير البشرة وازالة طبقة الجلد الميت والتخلص من اي بقع غامقة, وبالتالي كل ده في النهاية بيساعد على تفتيح البشرة بشكل فعال, ولكن لازم يستخدم بتركيز خفيف جدا.

مية الاكسجين لتبييض البشرة 1
مية الاكسجين لتبييض البشرة 1

نصايح مهمة لاستخدام مية الاكسجين في الوصفات الطبيعية:

1- استخدمي مية الاكسجين بتركيز 10% بس, عشان متسببش اي التهاب للبشرة.

2- متستبدليش مية الاكسجين ابدا بالاكسجين المستخدم في تشقير الشعر, لان الاتنين مختلفين عن بعض.

3- التزمي بالكمية المحددة اللي هنقولها في الوصفات متزوديش عنها.

4- لو بشرتك حساسة او جافة اوي جربي الوصفة الاول على جزء صغير من البشرة, عشان تتأكدي انه مش هيحصل التهاب او اي اثار جانبية على البشرة.

5- اتجنبي ان مية الاكسجين تلمس العين او المنطقة اللي حواليها, وكمان الحواجب لانها ممكن تفتح لونها.

6- اي ماسك هتعمليه بمية الاكسجين استخدميه على طول, لانه مينفعش يتخزن او تسيبيه لاستخدامه بعد فترة, يعني اعملي كمية على قد المنطقة اللي هتستخدميها عليها لمرة واحدة بس.

7- اتجنبي التعرض للشمس بعد تطبيق الماسك لكام ساعة, ومتنزليش من البيت غير لما تحطي واقي من الشمس, وافضل توقيت لتطبيق الماسكات بمية الاكسجين هي بالليل.

مية الاكسجين لتبييض البشرة 2
مية الاكسجين لتبييض البشرة 2

ماسكات مية الاكسجين لتبييض البشرة:

1- وصفة مية الاكسجين لتبييض الاماكن الغامقة:

المكونات:

5 نقط من مية الاكسجين بتركيز 10%.

قطعة قطن.

الطريقة:

حطي مية الاكسجين على قطعة القطن, ودلكي بيها الاماكن الغامقة في الجسم او الوش, لمد كام دقيقة, وبعدها اغسلي بشرتك بمية دافية.

كرري الوصفة دي مرتين في الاسبوع لنتايج افضل, وهتحسي بنتيجة بعد اسبوعين بس من استخدامها.

مية الاكسجين لتبييض البشرة 3
مية الاكسجين لتبييض البشرة 3

2- وصفة مية الاكسجين مع اللبن البودرة والليمون لتبييض الوش والرقبة:

المكونات:

1 معلقة لبن بودرة.

1 معلقة مية ورد.

1 معلقة عصير ليمون.

10 نقط من مية الاكسجين بتركيز 10%.

الطريقة:

اخلطي المكونات كلها مع بعض لحد ما توصلي لخليط زي الكريم, وزعيه على الوش والرقبة وسيبيه لمدة نص ساعة, وبعدين اغسلية بمية فاترة.

كرري الوصفة مرتين في الاسبوع لافضل النتايج, وهتحسي بنتيجة بعد اسبوعين من الاستخدام.

مية الاكسجين لتبييض البشرة 4
مية الاكسجين لتبييض البشرة 4

3- ماسك مية الاكسجين وبياض البيض لتبييض البشرة الدهنية:

الماسك ده بيساعد على علاج البشرة من الحبوب الصغيرة والدهون الزيادة, وتفتيح البشرة.

المكونات:

عصير ليمون واحدة.

بياض بيضة واحدة.

10 نقط من مية الاكسجين بتركيز 10%.

الطريقة:

اخلطي المكونات كويس مع بعض, وزعي الخليط على الوش والرقبة بالتساوي, ومتفركيش او تدلكي البشرة وانتي بتحطي الماسك , سيبيه لمدة 10 دقايق, وبعدين اغسليه بمية باردة.

ممكن تكرري الماسك ده كل 15 يوم, هتوصلي لنتيجة ملحوظة بعد شهرين تقريبا من الاستخدام.

مية الاكسجين لتبييض البشرة 5
مية الاكسجين لتبييض البشرة 5

4- ماسك مية الاكسجين والزبادي والليمون لتفتيح البشرة العادية والمختلطة:

المكونات:

عصير ليمون واحدة.

3 نقط من مية الاكسجين بتركيز 10%.

3 معالق زبادي.

3 معالق صغيرة دقيق.

الطريقة:

اخلطي المكونات مع بعض كويس, لحد ما توصلي لعجينة ناعمة, وزعي الخليط على البشرة, سيبيه لمدة 20 دقيقة, وبعدين اغسليه بمية باردة.

كرري الوصفة مرة واحدة في الاسبوع, وهتوصلي لنتيجة ملحوظة بعد شهر تقريبا من الاستخدام.

مية الاكسجين لتبييض البشرة 6

5- ماسك مية الاكسجين والنشا والليمون لتفتيح الركبتين والكوعين:

المكونات:

معلقة كبيرة نشا.

معلقة مية ورد.

معلقة عصير ليمون.

4 نقط من مية الاكسجين بتركيز 10%.

الطريقة:

اخلطي المكونات كلها مع بعض كويس, وزعي الخليط على منطقة الركبتين والكوعين, سيبيه لمدة 15 دقيقة, وبعدين اغسليه بمية باردة.

كرري الوصفة مرة واحدة في الاسبوع, وهتحسي بنتيجة ملحوظة بعد شهر تقريبا من الاستخدام.

مية الاكسجين لتبييض البشرة 7

6- ماسك مية الاكسجين والدقيق واللبن لتبييض البشرة:

المكونات:

2 ½ معلقة دقيق.

شوية مية لعجن الخليط.

1 معلقة كبيرة لبن.

2 معلقة صغيرة مية اكسجين.

الطريقة:

اخلطي المكونات كلها مع بعض كويس, وضيفي المية بالتدريج لحد ما تتكون عندك عجينة ناعمة, وزعي الخليط على البشرة, وسيبيه لمدة 15 دقيقة, وبعدين اغسلي بشرتك بالمية الفاترة.

كرري الوصفة مرتين في الاسبوع.

مية الاكسجين لتبييض البشرة 8

استخدامات مية الاكسجين الجمالية والصحية والمنزلية .. اعرفيها معانا

استخدامات مية الاكسجين
استخدامات مية الاكسجين

مقالات متعلقه

تحدي اليوم الواحد لتوهج بشرتك قبل الفرح

تحدي اليوم الواحد لتوهج بشرتك قبل الفرح

علاج الايورفيدا للبشرة في البيت في 3 خطوات سهلة

علاج الايورفيدا للبشرة في البيت في 3 خطوات سهلة

5 علاجات طبيعية بتستخدمها كارينا كابور لبشرة نضرة وشباب

5 علاجات طبيعية بتستخدمها كارينا كابور لبشرة نضرة وشباب