بالصور والخطوات .. طريقة عمل وصفة الفراخ بالكريمة والمسطردة

آية حسان
آية حسان
688

بتدوري على وصفة جديدة وير تقليدية للغداء عشان زهقتي من الوصفات المعتادة لكل يوم؟ بسيطة .. في المقال ده هنعرفك على وصفة جديدة وسهلة ولذيذة تعمليها في 4 خطوات بس، اعرفي معانا بالصور والخطوات طريقة عمل وصفة الفراخ بالكريمة والمسطردة

بالصور والخطوات .. طريقة عمل وصفة الفراخ بالكريمة والمسطردة 

مدة التحضير: 

50 دقيقة. 

المقادير 

صدور فراخ مخلية من العظم 

ملح وفلفل.

معلقة طعام زيت زيتون

1 بصلة صفراء  مفرومة ناعم (حوالي نصف كوباية)

 2 فص ثوم  مفروم ناعم 

3 أكواب  من شوربة الفراخ أو من المرقة 

1/4  كوباية مستردة 

2 معلقة كبيرة من كريمة الخفق الثقيلة

 معلقة طعام زبدة

ثوم مفروم للزينة (اختياري)

صدور الدجاج بالمسطردة والكريمة
صدور الدجاج بالمسطردة والكريمة

الخطوات 

1- سخني طاسة كبيرة على نار عالية إلى متوسطة، نتبل الفراخ بالملح والفلفل، لما الطاسة تسخن يُضاف زيت الزيتون وسيبي الفراخ تستوي  لمدة 8 دقائق لكل جانب  لحد ما يبقى لونها بني دهبي، بعد كده انقلي الفراخ من الطاسة إلى طبق ،ولفيها بورق الألومنيوم عشان تفضل دافية.

 2- اطبخي البصل في نفس الطاسة اللي سويتي فيها الفراخ، ولو احتجتي ممكن تزودي نقطتين من زيت الزيتون وضيفي الملح والفلفل. اطبخي المزيج لمدّة 4 دقائق ، أو لحد ما البصل يبقى شفاف البصل بعد كده ضيفي التوم وسيبيى الطسة على النار حوالي 30 ثانية أو لحد ما ريحة الثوم تظهر.

3- ضيفي الشوربة أو المرقة وعلى النار وبعد كده ضيفي المسطردة وقلبي كويس، سيبيها تغلى على النار لحد ما يقل حجم المزيج إلى النص يعني حوالي 5 دقايق، بعد كده ضيفي الكريمة الثقيلة والزبدة وهخلى النار هادية 

4- ضيفي مزيج البصل والمسطردة والكريمة للطاسة اللي فيها الفراخ ورجعيها على النار دقيقتين بس تسخن، قدميها سخنة مع صلصة المسطردة والثوم المفروم وبالهنا والشفا.

الشكل النهائي مع الأرز
الشكل النهائي مع الأرز

اعرفي كمان طريقة عمل انشيلادا بالارز والخضروات بالخطوات والفيديو

مقالات متعلقه

طريقة عمل صدور الفراخ بالسبانخ والجبنة Hasselback Chicken

طريقة عمل صدور الفراخ بالسبانخ والجبنة Hasselback Chicken

طريقة عمل رول البطاطس باللحمة المفرومة والجبنة

طريقة عمل رول البطاطس باللحمة المفرومة والجبنة

وصفة يخنة الفراخ مع السجق الاسبانية السهلة

وصفة يخنة الفراخ مع السجق الاسبانية السهلة