5 نصايح سهلة هتساعدك في تقليل التوتر والقلق وانتي في الشغل

آية حسان
آية حسان
في
صحة
480

التوتر والقلق بتعتبر أمور عادية جدا بتقابلك كل يوم وسط شغلك خصوصا مع زيادة حجم الشغل اللي بيبقى مطلوب منك تعمليه في وقت معين، ولأنه الإحساس المتزايد بالقلق والتوتر بيكون له تأثير سلبي كبير على طاقاتك وإنتاجك كل ييوم وكمان قدرتك على الإستمرار في الشغل، في المقال ده هنقولك على 5 نصايح سهلة هتساعدك في تقليل التوتر والقلق وانتي في الشغل

5 نصايح سهلة هتساعدك في تقليل التوتر والقلق وانتي في الشغل

ابدأي اليوم بخطة 

مهم جدا انك تبدأي كل يوم بخطة تكتبي فيها اللي وراكي النهاردة بالترتيب،  to do list  تكتبي فيها المهام اللي موجودة وراكي والوقت اللي انتي محتاجاها تخلصيه فيها، الخطة مش ملزمة ولو ماقدرتيش تمشي عليها بالضبط دي مش حاجة محبطة أبدا لكن الخطة دي بتعتبر دليل ليكي عشان تعرفي ايه اللي وراكي النهاردة وكمان بيساعدك ماتنسيش حاجة وان مفيش حاجة تاخد وقت زيادة عن اللازم،  فورقة وقلم  في بداية اليوم واكتبي اللي وراكي.

ابدأي اليوم بخطة
ابدأي اليوم بخطة

ترتيب الوقت ضروري جدا 

التوتر والقلق بيتولد من تزايد الشغل والتاسكات المطلوبة منك، عشان كده مهم جدا كمان انك تعرفي ازاي تنظمي وقت وتستغليه صح وأفضل حاجة لتجنب تضييع الوقت هي تنظيمه. ده كمان هيساعدك انك ماتبقيش مضطرة تاخدي معاكي اي شغل للبيت وده مهم  لراحتك النفسية وصحتك العقلية كمان نظمي وقتك وخلي وقت الشغل للشغل ووقت البيت لراحتك بس.

ترتيب الوقت ضروري جدا
ترتيب الوقت ضروري جدا

حافظي على الفرق بين علاقتك مع زملائك وعلاقتك مع رؤسائك

زمايلك في الشغل هما تاني حاجة ممكن يسببولك توتر وضغط عصبي كبير جدا، عشان كده تنظيم علاقاتك مع زمايلك في الشغل من أهم الحاجات اللي مهم تكوني حريصة على ان علاقتك معاهم تبقى مستقرة وواضحة ، مهما كانت علاقتك بيهم سيئة او جيدة لازم تحافظي على بعض من الود معاهم وكمان شوية مسافة آمنة، وافتكري دايما انهم زمايل شغل فقط فمش بالضرورة يكونوا أصدقاء مقربين ليكي ، ونفس الشئ في علاقتك مع رؤسائك. حتى لو كانوا عمرهم قريب منك فهما بيفضلوا رؤسائك ومديرينك مش أصدقائك المقربين، لأن كمان اختلاط العلاقات الشخصية بالشغل هيتسببلك في التوتر والقلق وانتي في الشغل.

حافظي على الفرق بين علاقتك مع زملائك وعلاقتك مع رؤسائك
حافظي على الفرق بين علاقتك مع زملائك وعلاقتك مع رؤسائك

اسألي عن الحاجات اللي مش عارفاها 

لو كنتي موظفة جديدة، لازم تعرفي انه لما تكوني شاكة في حاجة يبقى السؤال هو أفضل حاجة تعمليها، غالبا بنتكسف من الأسئلة الكتيرة او بنخجل منها وده بيخليكي تقعي في غلطات كتيرة ممكن تتجنبيها ببساطة لما تسألى عن الحاجات اللي انتي مش عارفاها او الحاجات اللي انتي شاكة فيها.

خدي بريك 

من الذكاء والعقل دائمًا انك تاخدي إجازة او استراحة من شغلك للاسترخاء وتجديد نفسك. الشغل باستمرار على الحاجات المطلوبة منك كتير وبشكل مكرر يوميا ممكن يسبب لك ملل، حاولي دايما تاخدي بريك وإجازة عشان تستريحي وتصفي ذهنك وتبعدي عن جو وتوتر الشغل، ده في الآخر هيخليكي تقدري تشتغلي بعقل صافي أكتر وبالتالي بآداء أفضل لأن الراحة سبب أساسي في  تقليل التوتر والقلق وانتي في الشغل

خدي بريك
خدي بريك

اعرفي كمان موضوعات ماينفعش تتكلمى فيهم فى الشغل

مقالات متعلقه

حاسه يومك كله بيضيع على الشغل؟ اعرفي إزاي تتكلمي مع رئيسك عن الحدود بين الشغل والحياة

حاسه يومك كله بيضيع على الشغل؟ اعرفي إزاي تتكلمي مع رئيسك عن الحدود بين الشغل والحياة

الخط الفاصل بين الشغل والحياة الشخصية رفيع.. اعرفي إزاي تسيطري علي عواطفك في الشغل

الخط الفاصل بين الشغل والحياة الشخصية رفيع.. اعرفي إزاي تسيطري علي عواطفك في الشغل

عندك انترفيو شغل مهم وخايفة من الأسئلة؟ هنقولك أصعب الأسئلة اللي ممكن تقابلك وازاي تجاوبي عليها

عندك انترفيو شغل مهم وخايفة من الأسئلة؟ هنقولك أصعب الأسئلة اللي ممكن تقابلك وازاي تجاوبي عليها