روتين لمنع تساقط الشعر وحل مشاكل الشعر بشكل عام

بقلمريهام محمود فيشعر visibility409

احنا اتكلمنا قبل كده بالتفصيل عن مشكلة تساقط الشعر وانه اسبابه كتير جدا, وقولنا ماسكات كتير لعلاج المشكلة دي, ولكن لو انتي بتحسي انك متشتتة ما بين الماسكات ومش عارفة تعملي ايه, النهاردة هنقولك على روتين لمنع تساقط الشعر, الروتين ده هيعالج مشاكل الشعر بشكل فعال جدا وهيساعد على نمو الشعر بشكل صحي.

روتين لمنع تساقط الشعر:

1- الخطوة (1): حافظي على فروة نضيفة تماما

اغسلي شعرك وفروة راسك بانتظام باستخدام اي شامبو او بلسم مناسب لشعرك يكون خالي من البارابين.

اثناء الغسيل استخدمي المية الدافية او الباردة.

اتجنبي استخدام المية الباردة اوي او السخنة اوي, لانه ده ممكن يأدي لتلف بصيلات الشعر الموجودة في منطقة فروة الراس.

الخطوة دي هتساعدك على تنضيف فروة الراس من اي زيوت او اتربة او منتجات.

روتين لمنع تساقط الشعر
روتين لمنع تساقط الشعر

2- الخطوة (2): دلكي فروة الراس بخليط زيوت منع تساقط الشعر

عشان تحضري خليط زيوت منع تساقط الشعر محتاجة

المكونات:

– 2 معلقة كبيرة من زيت جوز الهند.

– ½ كوباية زيت زيتون.

– 1 بصلة متوسطة الحجم.

– 1 معلقة صغيرة من بودرة الاملا “من عند العطار”.

– 1/3 كوباية من زيت اللوز الحلو.

الطريقة:

1- هاتي طاسه او طبق حطي فيه زيت جوز الهند وسخنية شوية على نار هادية.

2- ضيفي زيت الزيتون لزيت جوز الهند السخن وقلبيهم مع بعض كويس.

3- هاتي البصلة قطعيها شرايح صغيرة وحطيها في خليط زيت جوز الهند وزيت الزيتون السخن.

4- سيبي الزيت يغلي على نار هادية مع البصل لمدة 5 دقايق.

5- ارفعي الطاسة من على النار وسيبي الخليط يهدى شوية, وبعدين صفيه, واتخلصي من شرايح البصل.

6- استني لحد ما الزيت يوصل لدرجة حرارة معقولة يبقى يادوب دافي, ضيفي له زيت اللوز وقلبي الخليط كويس.

7- خدي من الزيت ده بايدك ودلكي بيه فروة الراس والشعر كله من الجذور للاطراف, لمدة 5 دقايق.

8- سيبي الزيت على شعرك لمدة 10 دقايق, وبعدين اغسليه.

9- كرري الوصفة دي من 1 – 2 مرة في الاسبوع بانتظام.

الخليط ده بيحتوي على مجموعة من الخصائص الغذائية, اللي بتساعد على نمو الشعر بشكل كثيف وقوي, وكمان بيمنع كل مشاكل الشعر من الجفاف والتقصف والتلف والتكسر.

روتين لمنع تساقط الشعر

3- الخطوة (3): استخدام ماسك تساقط الشعر مرة في الاسبوع

عشان تعملي ماسك تساقط الشعر انتي محتاجة

المكونات:

– قطعة جنزبيل فريش.

– 1 معلقة كبيرة من زيت جوز الهند.

– 1 معلقة صغيرة من الشاي الاخضر او عصير البصل.

– كاب للشعر او كيس بلاستيك.

الطريقة:

1- هاتي قطعة الجنزبيل وقشريها, ابشريها واستخرجي منها العصير بتاعها.

2- اخلطي كمية من عصير الجنزبيل مع كمية قدها 3 مرات من زيت جوز الهند, وقلبيهم مع بعض كويس.

3- ضيفي عصير البصل او الشاي الاخضر لخليط الجنزبيل وقلبيهم.

4- حطي الخليط على فروة الراس والشعر كله من الجذور للاطراف, ودلكيه لمدة 5 دقايق, وبعدين غطيه بكاب الشعر او كيس بلاستيك, وسيبيه لمدة من 20 – 30 دقيقة, وبعدها اغسليه بمية فاترة.

5- وبعدين اشطفي الشعر شطفة اخيرة بالمية الباردة.

6- كرري الماسك ده مرة واحدة في الاسبوع لحل كل مشاكل الشعر.

الماسك ده بيساعد على تغذية فروة الراس بالعناصر الغذائية الاساسية اللازمة لنمو الشعر, وهيخلي شعرك قوي وصحي وبيلمع وهيمنعه من التساقط.

روتين لمنع تساقط الشعر

4- الخطوة (4): الحفاظ على نظام غذائي صحي

النظام الغذائي الصحي ممكن يبقى حل رائع جدا لحل كتير من مشاكل الشعر, بننصحك باكل الخضروات والفواكة الطازة اللي بتحتوي على العناصر الغذائية المفيدة للشعر زي البنجر, الجزر, الخيار, الفلفل الاخضر, الثوم, البصل, الخضار والفاكهة اللي لونها برتقاني واصفر, السبانخ, الطماطم, الخضروات الورقية الخضرا, البطاطا.

اكل الاطعمة الصحية دي هتساعد فروة راسك على الحصول على التغذية السليمة من العناصر الغذائية الاساسية اللي موجودة فيها اللازمة لنمو الشعر, وهتساعدك على تقوية بصيلات الشعر وتمنع التساقط.

روتين لمنع تساقط الشعر

5- الخطوة (5): حافظي على رطوبتك كول الوقت

المية عنصر اساسي للنمو السليم لكل اجزاء الجسم بما فيهم الشعر, عشان كده شرب كمية كافية من المية هيخلي الجسم كله مترطب طول الوقت.

لان الجفاف بيسبب مشكلات صحية كتير, ومن ضمنها انه ممكن يأثر على شعرك ويخليه يفقد قوته ويتساقط.

حاولي انك تشربي من 2 – 3 لتر مية في اليوم, هيكون ليها تأثير كبير جدا في زيادة نمو الشعر, ومنع كل مشاكل الشعر بشكل عام.

6- الخطوة (6): حماية الشعر من اشعة الشمس المباشرة

التعرض المباشر لاشعة الشمس الضارة, ممكن يبقى ليه تآثير مضر على الشعر, ويخليه ضعيف وجاف, ويبدأ يتساقط, عشان كده حاولي تغطية الشعر لو هتقعدي فترة طويلة في الشمس, وادهنيه قبل الخروج بسيروم لمنعه من الجفاف, ده هيحمي شعرك وفروة الراس من كل اضرار اشعة الشمس.

7- الخطوة (7): مارسي اليوجا بانتظام لمدة 5 دقايق

الاجهاد ممكن يكون عامل كبير في التسبب في مشاكل تساقط الشعر, وعشان تقللي من الاجهاد والتوتر, ممكن تمارسي اليوجا لمدة 5 دقايق على الاقل كل يوم الصبح, للتوازن الروحي والجسدي.

واليوجا كمان هتساعدك انها تخلي الجسم كله بشكل عام صحي.

اليوجا ممكن كمان انه تمنع مشاكل تانية للشعر زي الشيب المبكر, وتلف الشعر.

ومن انواع اليوجا المفضلة لمشاكل تساقط الشعر هي Adho Mukha Svanasana, Uttanasana, Vajrasana, Sarvangasana, Pawanmuktasana.

ايه هي الهرمونات المسؤولة عن زيادة نمو الشعر ومنع تساقط الشعر؟ وازاي تعالجي التساقط

الهرمونات المسؤولة عن صحة الشعر
الهرمونات المسؤولة عن صحة الشعر