مكعبات ثلج البطاطس لتفتيح البشرة وعلاج مشاكل الجلد

بقلمريهام محمود فيبشرة visibility312

البطاطس واحدة من اكتر المكونات الفعالة جدا اللي بتساعد على تفتيح ونضارة البشرة وعلاج البقع الغامقة, وبتساعد على تصفية وتنقية البشرة من اي شوائب, والنهاردة من خلال موضوعنا هنشوف مع بعض طريقة مختلفة وسهلة للاستفادة من البطاطس للبشرة وهي مكعبات ثلج البطاطس.

مكعبات ثلج البطاطس لتفتيح البشرة:

1- الوصفة (1):

المكونات:

– بطاطس.

– ½ كوباية مية.

– 1 معلقة كبيرة عصير ليمون.

طريقة التحضير والاستخدام:

– هاتي البطاطس اضربيها في البلندر, وبعدين اضغطي عليها على مصفى او في قطعة شاش عشان تستخرجي منها العصير, واعملي حوالي ½ كوباية عصير بطاطس.

– حطي العصير في طبق صغير وضيفي عليه باقي المكونات.

– صبي الخليط في مكعبات الثلج وسيبيه في الفريزر لحد ما يتجمد خالص.

– خدي مكعب البطاطس والليمون افركيه على البشرة في حركات دائرية لحد ما المكعب يخلص, وسيبيه على البشرة من غير ما تغسليه لحد الصبح, كرريها يوميا.

مكعبات ثلج البطاطس لتفتيح البشرة
مكعبات ثلج البطاطس لتفتيح البشرة

2- الوصفة (2):

المكونات:

– بطاطس.

– ½ كوباية مية ارز.

طريقة التحضير والاستخدام:

– زي الوصفة اللي فاتت اضربي البطاطس واستخرجي منها ½ كوباية عصير بطاطس.

– هاتي كوباية ارز انقعيها في شوية مية بحيث تغطي الارز, سيبيه منقوع 20 دقيقة وبعدين صفيه, وخدي من المية دي ½ كوباية.

– في طبق اخلطي عصير البطاطس مع مية الارز كويس جدا.

– صبي الخليط في مكعبات الثلج وسيبيه لحد ما يتجمد, ودلكي مكعب على البشرة كل يوم قبل النوم.

– مية الارز يعتبر حل رائع جدا للاشخاص اللي بيعانوا من التهاب الجلد او مشاكل الجلد بشكل عام وكمان بتساعد على تفتيح البشرة ولما يتخلط مع عصير البطاطس فاعلية الوصفة هتزيد.

مكعبات ثلج البطاطس لتفتيح البشرة

3- الوصفة (3):

المكونات:

– بطاطس.

– ½ كوباية من حليب جوز الهند.

طريقة التحضير والاستخدام:

– اضربي البطاطس في الخلاط واستخرجي منها العصير بتاعها, خدي منه ½ كوباية.

– حطي عصير البطاطس في طبق, وضيفي عليه حليب جوز الهند, وقلبيهم مع بعض كويس.

– صبي الخليط في مكعبات الثلج وسيبيها في الفريزر لحد ما تتجمد, ودلكي مكعب على البشرة كل يوم قبل النوم.

– حليب جوز الهند ليه تأثير فعال جدا في حل مشاكل الجلد زي الجفاف, الشيخوخة, الاكزيما, الصدفية, وحتى كمان حروق الشمس.

زي ما احنا شوفنا كده العنصر الاساسي في كل الوصفات هو البطاطس, لانها من المكونات اللي بتساعد على تجديد البشرة لانها بتحتوي على فيتامين C, والنشا, والانزيمات اللي بتوفر التغذية للبشرة, وطبيعة البطاطس القلوية بتساعد على تزويد البشرة بمظهر شبابي وبتخلصها من التجاعيد والخطوط الرفيعة, بالاضافة كمان انها بتوفر الراحة لانتفاخات وتعب العين وبتعالج الهالات السودا.

ياللا جربوا الوصفات وشاركونا النتايج.

مكعبات ثلج البطاطس لتفتيح البشرة

طرق ازاي تستخدمي العدس الاصفر لتبييض البشرة

العدس الاصفر لتبييض البشرة