6 نصايح تتجنبي بيهم الضرر اللي بيسببه برد الشتاء للبشرة.. اعرفيهم واستفيدي منهم

آية حسان
آية حسان
في
بشرة
632

الطقس البارد قاسي على الجلد  وتؤدي درجات الحرارة الباردة ومستويات الرطوبة المنخفضة إلى وجود الهواء الجاف اللي بيسحب الرطوبة بعيد عن الجلد،  والحرارة الداخلية الجافة ممكن تزود من مشاكل البشرة زي انها تؤدي إلى تشقق الجلد وممكن كمان النزيف. الأمراض الجلدية زي الأكزيما أو الصدفية  ممكن كمان تزيد في شهور الشتاء الباردة والجافة. عشان كده في المقال ده هنقولك على شوية نصايح تساعدك في تقليل التشقق والاحمرار والحفاظ على صحة بشرتك، هنقولك على 6 نصايح تتجنبي بيهم الضرر اللي بيسببه برد الشتاء للبشرة.. اعرفيهم واستفيدي منهم 

6 نصايح تتجنبي بيهم الضرر اللي بيسببه برد الشتاء للبشرة.. اعرفيهم واستفيدي منهم 

اتجنبي الحمامات السخنة الطويلة 

 الحمام السخن أو الدش السخن الطويل في الشتاء من الحاجات اللي بتكون مغرية جدا  خصوصا في ايام الشتاء الباردة، لكن الحمام السخن الطويل بزيادة  بيجرد بشرتك من الزيوت المهمة، الأفضل انك تستخدمي الماء الدافئ أو الفاتر في الإستحمام وكمان لما تغسلي ايديكي او وشك. 

اتجنبي الحمامات السخنة الطويلة
اتجنبي الحمامات السخنة الطويلة

استخدمي مرطب مناسب 

نفس المرطب القديم اللي بتستخدميه  طول السنة ممكن مايبقاش مناسب في الشهور الباردة والجافة. لكن بشكل عام مفيش مانع تستخدمي نفس المرطب لكن المهم تبعدي عن المرطبات اللي بتحتوي على  الصيغ البترولية أو القائمة على النفط.  استخدمي مرطب بيحتوي على الدهون ولو كانت بشرتك جافة جدًا ، استخدمي مرطب عميق الترطيب وبعده تونر او طبقة تانية تحافظ على الترطيب على بشرتك لأطول فترة ممكنة. 

استخدمي مرطب مناسب
استخدمي مرطب مناسب

ماتنسيش تستخدمي الصن بلوك

الصن بلوك مش لأشهر الصيف بس لكن لشمس الشتاء  كمان، لأن حتى شمس الشتاء ممكن تسبب ضرر شديد لبشرتك. استخدمي طبقة من الصن بلوك على وشك وايديكي قبل 30 دقيقة تقريبًا من الخروج، وحطي طبقة جديدة كل 3 ساعات لو بتفضلي في البيت فترات طويلة. 

صن بلووك
صن بلووك

ابعدي عن الشمس 

كتير بنقعد نقول ان شمس الشتاء باردة ومابتأذيش وما بنصدق نستمتع بيها في أيام الشتاء الباردة فبنقف في الشمس او بنقعد فيها كتير، لكن ده غلط كبير.. ضروري تتجنبي التعرض لأشعة الشمس المباشرة  لأنها بتحتوي على الأشعة فوق البنفسجية اللي بتسبب تلف الخلايا وده ممكن يؤدي إلى سرطان الجلد.

اعرفي بشرتك

مهم تعرفي بشرتك وتفحصيها بانتظام وتلاحظي  ظهور أي شامات أو نموات جديدة وأي تغييرات في النمو الحالي حتى لو كنتي اهتميتي بحماية بشرتك كويس طول الصيف مهم تستمري في فحص بشرتك والاهتمام بيها في الخريف والشتاء والربيع. عشان تقدري تلاحظي اي تغيير في وقت مبكر وبالتالي يكون أسهل في علاجه. 

اعرفي بشرتك
اعرفي بشرتك

اعرفي امتى تروحي لمتخصص

مهم جدا تزوري دكتور او متخصص الجلد بشكل منتظم لأنه بيقدر يعمل تحليل لنوع بشرتك واستكشاف أخطاء نظام العناية بالبشرة الحالي ويديكي نصيحة صحيحة عن منتجات العناية بالبشرة اللي محتاجة تستخدميها.  ولو لاحظتي تغيرات غريبة او جديدة في بشرتك  مهم تشوفي دكتور الجلدية فورا. 

اعرفي امتى تروحي لمتخصص
اعرفي امتى تروحي لمتخصص

شوفي كمان 6 اسرار جمالية بسيطة وسهلة ماسمعتيش عنها قبل كده.. اعرفيهم

مقالات متعلقه

9 نصايح جمالية فعالة محتاجة تجربيهم

9 نصايح جمالية فعالة محتاجة تجربيهم

10 نصايح جمالية دخليهم في روتينك هيفرقوا معاكي

10 نصايح جمالية دخليهم في روتينك هيفرقوا معاكي

5 نصايح وحيل هتساعدك تحققي التوازن الطبيعي لبشرتك

5 نصايح وحيل هتساعدك تحققي التوازن الطبيعي لبشرتك