6 اسرار جمالية بسيطة وسهلة ماسمعتيش عنها قبل كده.. اعرفيهم
أوقات كتير بتكون التغييرات البسيطة هي الحل لصحة أفضل لجسمك وبشرتك وشعرك، والاهتمام بنفسك وبجمالك مش بالضرورة يكون دايما مكلف أو متعب، في المقال ده هنقولك على 6 اسرار جمالية بسيطة وسهلة ماسمعتيش عنها قبل كده.. اعرفيهم واستفيدي منهم
6 اسرار جمالية بسيطة وسهلة ماسمعتيش عنها قبل كده.. اعرفيهم
استخدمي الفوطة صح
لازم تختاري فوطة قطنية ناعمة من غير ألياف عشان ماتسببيش التلف لشعرك، وبلطف جدا ابدأي لفي الفوطة على شعرك واضغطي عليها بشكل لطيف على مناطق مختلفة لحد ما الفوطة تتشرب البلل، وممكن بعد كده باستخدام فوطة تانية جافة تلفي بيها شعرك من 20 لـ 30 دقيقة عشان تتشرب البلل كله.
زودي كثافة رموشك
قبل النوم بلي عود أذن بزيت جوز الهند أو زيت الزيتون او زيت الخروع و امسحي بيه على رموشك كل يوم، الزيوت دي هتقوي رموشك وتخليها كثيفة أكتر وأطول وتبان النتيجة من بعد أسبوعين من الاستخدام المنتظم.
ضيفي السمك لنظامك الغذائي
السمك غني جدا بالعناصر الغذائية المهمة لبشرتك وشعرك وصحتك بشكل عام، العناصر دي زي البروتين وفيتامين د، وكمان السمك يعتبر مصدر رائع ومهم لأحماض أوميجا 3 الدهنية ، واللي تعتبر مهمة جدا لجسمك وعقلك.
استخدمي السبراي المرطب
السبراي الرطب بيعتبر من أجدد المستحضرات في روتين ترطيب البشرة، بيترش منه على الوجه والبشرة قبل وضع الكريم المرطب وده لأنه بيساعد البشرة على امتصاص أفضل وبالتالي استفادة أكبر من الترطيب، استخدميه مرتين في اليوم قبل الكريم المرطب وممكن كمان طبقة خفيفة جدا منه قبل المكياج.
ضيفي لمسة من اللون
دايما خلي خدودك تبان موردة بلمسة من اللون، استخدمي مسحة خفيفة من البلاشر او التنت بلون وردي خفيف ومناسب لبشرتك من غير مبالغة عشان تدي لوشك لوك نضر وصحي.
سرعي من نمو شعرك
عشان تسرعي من نمو وصحة شعرك دايما قصي الأطراف بشكل منتظم وحاولي تبعدي عن الصبغة تماما لأنها بتضر بصحة شعرك، كمان مهم كل يوم تسرحي شعرك مرة على الأقل عشان تساعدي في توزيع الزيوت الطبيعة اللي بتفرزها فروة الرأس بدل من تراكمها لأن التراكم بيستبب في سد مسام فروة الرأس، وحاولي بانتظام تعملي حمام زيت دافي من الزيوت المرطبة والمعززة لنمو الشعر زي خليت زيت الخروع وزيت جوز الهند أو زيت اللوز الحلو.