6 علامات واضحة تقولك انك بتعاني من مشاكل صحية

ريهام محمود
ريهام محمود
في
صحة
1917

لو عندنا اي مشكلة صحية, جسمنا بيدينا انذار واشارات اننا بنعاني من مشاكل, لكن اوقات كتير مش بناخد بالنا من الاشارات دي او بنتجاهلها, وعشان نقدر نحدد ايه اللي مسبب مشاكل لنظامنا الداخلي لازم نفهم العلامات دي عشان نلحق اي حاجة  في البداية قبل ما تتطور, والنهاردة من خلال موضوعنا هنقولكم علامات تحذرنا من مشاكل صحية ممكن تكون هتحصل.

علامات تحذرنا من مشاكل صحية:

1- تلف الاسنان:

الدكاترة بيقولوا ان في مرضى كتير ممكن ميحسوش باي حرقة او اي اعراض ارتجاع حمضي تانية, ولكن مينا اسنانهم بتبدأ تتآكل, ودي تعتبر علامة على ارتداد الحمض, وممكن لما المشكلة دي تحصل كتير يفكروا ان سببها المشروبات السكرية اللي ممكن تكون بتستهلك بكميات كبيرة, ولكن الحقيقة ان المشروبات السكرية بتأثر على مقدمة الاسنان ولكن حمض المريء بيدوب المينا في مؤخرة اسنانك, عشان كده لو انتي بتعاني من اي تلف في مينا الاسنان, هيبقى سببها مشاكل متعلقة بالحموضة ولازم تروحي للدكتور فورا.

علامات تحذرنا من مشاكل صحية 1
علامات تحذرنا من مشاكل صحية 1

2- الجسم على شكل تفاحة:

بسبب طريقة الحياة غير الصحية اللي بقينا نعيشها دلوقتي, بقت فرص زيادة الوزن اكبر, والاشخاص اللي بيعانوا من زيادة الوزن بينقسموا لفئتين, واحدة على شكل تفاحة, والتانية على شكل كمثرى, الاشخاص اللي جسمهم على شكل تفاحة هما اللي بيعانوا من زيادة الوزن حوالين منطقة البطن, اما الاشخاص اللي جسمهم على شكل كمثرى هما اللي بيعانوا من زيادة الوزن حوالين منطقة الفخدين والوركين, والاشخاص اللي بيعانوا من زيادة الوزن بشكل عام ده مؤشر ان الجسم غير صحي, ولكن الجسم اللي على شكل تفاحة هو الاكتر خطورة, لان الاشخاص من الفئة دي معرضين لخطر اكبر للاصابة بأمراض القلب مقارنة بالاشخاص التانيين اللي بيعانوا من زيادة الوزن.

علامات تحذرنا من مشاكل صحية 2
علامات تحذرنا من مشاكل صحية 2

3- البول باللون الاصفر الداكن:

الترطيب هو عملية حيوية بتحافظ على الجسم والقلب, واسهل طريقة عشان تعرفي جسمك فيه رطوبة كافية او لا هو بفحص لون البول, لو اللون فاتح ده علامة على صحة الجسم, ولكن لو اللون اصفر غامق ده معناه ان جسمك مش بيحصل على كمية كافية من السوايل, في الحالة دي بننصحك تشربي مية كتير وتشربي عصاير الفواكة الطازة او عصاير الخضار, ويفضل انك تبعدي عن المشروبات الغازية والكافيين, لانها بتأدي لجفاف الجسم.

علامات تحذرنا من مشاكل صحية 3
علامات تحذرنا من مشاكل صحية 3

4- الشعور بالقلق:

كنا بنتخيل ان القلق ده مجرد حالة ذهنية مش اكتر من كده, ولكن القلق يشبه البذرة اللي بتتزرع في دماغنا, وبما انها بتكبر وبتنبت في الدماغ ده هيأدي لمشاكل اكبر, وبعدها بيأثر ببطء في فسيولوجية الجسم, وهيخلينا معرضين للامراض الحرجة زي امراض القلب, والاعتقاد ان القلق ممكن انه يأثر بشكل كبير على صحتنا العقلية ده مش صح, واكيد القلق بيكون ناتج عن كتر التفكير, وعادة بيكون بسبب التفكير في افكار سلبية ومثيرة للقلق بتزعجنا, عشان كده افضل طريقة للعلاج هي تحليل نفسك عاطفيا, عشان توصلي للسبب الجذري للقلق وتحليه.

علامات تحذرنا من مشاكل صحية 4

5- الشعور بالحكة:

ممكن تحسي بالحكة في اوقات كتير, وبيكون صعب تمنعي نفسك من الرغبة في الكحة لما بيكون في تهيج في الجلد, وعلى الرغم من انك ممكن تفكري ان الحكة ممكن تكون بسبب حساسية في الجلد, او بسبب تعريض بشرتك للشمس, ولكن الحقيقة انه ممكن يكون في اسباب تانية, الحكة ممكن تكون علامة انك بتعاني من مشاكل في الكبد.

علامات تحذرنا من مشاكل صحية 5

6- تشقق الشفايف وخصوصا في الزوايا:

المصطلح التاني لتشقق الشفايف هو “التهاب الشفة”, وده بيكون بسبب نقص فيتامين B في الجسم, وبشكل خاص فيتامين B12, احنا طول عمرنا بنفكر ان تشقق او جفاف الشفايف سببه قلة ترطيب الشفايف, ولكن لو بتعاني من تشقق مفرط في اوقات كتير, يبقى في الحالة دي لازم تبدأي تزودي من اكل الاطعمة الغنية بفيتامين B12.

علامات تحذرنا من مشاكل صحية 6

في النهاية بننصحك انك متتجاهليش اي علامة جسمك بيقولها او بينبهك بيها لمشكلة, لان في فهم العلامات دي هتساعدك انك تحافظي على صحة بشكل احسن لما تنتبهي للمشكلة من بدايتها وتحليها, فلو بتعاني من اي علامة من العلامات دي يبقى ضروري انك تروحي للدكتور فورا وتطمني على نفسك لان اكيد الوقاية افضل من العلاج.

21 حاجة ممكن جسمك يقولهملك عن صحتك

علامات بيقولهم جسمك عن صحتك
علامات بيقولهم جسمك عن صحتك

مقالات متعلقه

استخدام موبايلك في الحمام ممكن يسبب لك المشكلة دي!

استخدام موبايلك في الحمام ممكن يسبب لك المشكلة دي!

10 نصايح صحية سهلة هيفرقوا معاكي

10 نصايح صحية سهلة هيفرقوا معاكي

10 نصايح ممكن تنقذ حياتك في يوم

10 نصايح ممكن تنقذ حياتك في يوم