6 خصائص للأيفون مش معروفة هتساعدك تستفيدي منه أكتر

آية حسان
آية حسان
910

الأيفون دايما بيتهاجم لأنه موبايل غالي نسبيا مقارنة بالأنواع التانيةاللي بتنافسه، لكن الحقيقة هي انه الأيفون غالي لانه بيستاهل وده بسبب الخصائص المميزة اللي فيه واللي صعب تلاقيها موجودة في أي تليفون تاني، في المقال ده اعرفي معانا 6 خصائص للأيفون مش معروفة هتساعدك تستفيدي منه أكتر

6 خصائص للأيفون مش معروفة هتساعدك تستفيدي منه أكتر 

1- هزي التليفون عشان تصلحي أخطاء الكتابة :

أوقات كتير بيبقى صعب انك تكتبي على شاشة الموبايل، خصوصا لو بتكتبي كلام كتير او مستعجلة وانتي بتكتبي او لو بتعملي أكتر من حاجة في نفس الوقت، الأيفون حل المشكلة دي خالص. كل اللي انتي محتاجة تعمليه هو انك تهزي التليفون عشان توقفى كتابة وتختاري تكملي أو تصححي اخطاء الكتابة او تحذفي كل اللي كتبتيه. 

shake to undo
shake to undo

2- استخدمي راسك للتحكم في التليفون : 

أيوة انتي قريتي صح، ممكن تستخدمي راسك عشان تتحكمي في التليفون او الخاصية المعروفة بـ Switch Control وممكن تفتحيها من Settings >> Accessibility menu ، الخاصية دي مصممة خصيصا لمساعدة المستخدمين من الاحتياجات الخاصة او أصحاب الإعاقات وبتقدري من خلالها تفتحي التليفون و تشوفي الـ lock screen  من بره بمجرد ما تحركي راسك وتبصيله. 

3- التذكير حسب المكان : 

التذكير حسب المكان او الـ Location-Based Notices خاصية عظيمة ومفيدة جدا خصوصا لو كنتي بتنسي كتير ومابتحبيش تمشي بـ reminder  في ايدك، هنا تقدري تحولي الأيفون لمساعد شخصي ليكي عن طريق انك تفعلي خاصية تحديد الموقع و بعد كده التليفون بيبعتلك يفكرك بالحاجات اللي انتي حددتيها لما تبقي موجدة في المكان ده. 

Location-Based Notices
Location-Based Notices

4- بلوك المتصلين: 

خاصية البلوك في الأيفون أسهل من أي موبايل تاني، ادخلي على الاعدادات و افتحي قائمة البلوك وضيفي كل الأرقام اللي بتضايقك في خطوة واحدة بس.

Block Callers
Block Callers

5- الشحن السريع: 

محتاجة التليفون يتشحن لكن بسرعة عشان مفيش وقت؟ بسيطة.. شغلى وضع الطيران او الـ airplane mode  واقفلي الـ wifi  كمان وهتلاقي الموبايل هيتشحن أسرع لأنه مش هيبقى بيهدر طاقة على تشغيل الواي فاي او التقاط الشبكة. 

air plane mode
air plane mode

6- القطي أكتر من صورة في نفس الوقت: 

خاصية كمان مهمة من خصائص للأيفون هتساعدك كتير هي انك تقدري تلقطي أكتر من صورة في نفس الوقت، فكري كده كام مرة أخدتي صورة مهمة وطلعت مهزوزة أو مش واضحة؟ خاصية الـ Burst Pictures في الأيفون بتقدري من خلالها تلتقطي عدد كبير من الصور في لقطة واحدة وبعد كده تقدري تشيلي الصور الزيادة، كل اللي محتاجة تعمليه هوانك تضغطي على زر الإلتقاط ضغطة طويلة أثناء إلتقاط الصورة. 

Burst Pictures
Burst Pictures

اعرفي كمان 13 سر من المحترفين عشان تطلعي صور رائعة بالموبايل

مقالات متعلقه

حكاية وتاريخ فانوس رمضان

حكاية وتاريخ فانوس رمضان

برامج ومسلسلات راديو نجوم اف ام في رمضان 2024

برامج ومسلسلات راديو نجوم اف ام في رمضان 2024

برامج ومسلسلات الراديو 9090 في رمضان 2024

برامج ومسلسلات الراديو 9090 في رمضان 2024