نقطة واحدة من السيروم ده هتساعدك على تغذية وتفتيح ونضارة البشرة

ريهام محمود
ريهام محمود
في
بشرة
2593

دايما كل بنت في حالة بحث عن منتج يخلي بشرتها نضرة وصحية وبتلمع بشكل طبيعي, والنهاردة من خلال موضوعنا هنقول لكل بنات حوا على طريقة سيروم لنضارة البشرة, وكمان بيساعد على تفتيحها وتغذية الجلد, والسيروم كل مكوناته طبيعية ومتوفرة وطريقة تحضيره سهلة وبسيطة.

سيروم لنضارة البشرة:

المكونات اللي هتحتاجيها:

– 6 معالق كبيرة عصير خيار.

– 2 كبسولة فيتامين E.

– 1 معلقة كبيرة زيت زيتون.

– 2 معلقة كبيرة من جل الالوفيرا.

– 3 معالق كبيرة مية ورد.

– ازازة فاضية.

سيروم لنضارة البشرة 1
سيروم لنضارة البشرة 1

طريقة التحضير:

1- في طبق او بوله اخلطي عصير الخيار مع زيت الزيتون وجل الالوفيرا ومية الورد.

2- افتحي كبسولات فيتامين E وضيفي الزيت اللي جوه الكبسولة لباقي المكونات.

3- قلبي كل المكونات لمدة دقايق كويس جدا, لحد ما تمتزج كويس مع بعض.

4- حطي الخليط في اي ازازة فاضية عندك, وكده يبقى السيروم جاهز للاستخدام.

سيروم لنضارة البشرة 2

طريقة استخدام السيروم:

– اغسلي بشرتك كويس, وبعدين خدي كام نقطة من السيروم على ايدك, وادهني بيه البشرة كلها والرقبة.

– دلكي بشرتك في حركات دائرية لمدة من 2 – 3 دقايق.

– حطي السيروم كل يوم قبل النوم وسيبيه على البشرة واغسليه الصبح.

– الصبح اغسلي بشرتك بمية باردة.

سيروم لنضارة البشرة 3
سيروم لنضارة البشرة 3

فوايد السيروم للبشرة:

1- السيروم بيعمل زي طبقة عازلة او واقية على الوش بتحميه من اضرار اشعة الشمس.

2- جل الالوفيرا بيساعد على تجديد البشرة, وبيحسن نسيج البشرة.

3- زيت فيتامين E معروف انه بيساعد على زيادة انتاج الكولاجين في البشرة, وبيمنع الاضرار اللي ممكن تحصل لبشرتك.

4- الخيار بيساعد على تفتيح البشرة, وبيحافظ على رطوبتها.

5- زيت الزيتون بيساعد على ترطيب وتغذية البشرة.

وبالتالي مكونات السيروم كلها مع بعض هتساعد على علاج كل اثار الشيخوخة, التجاعيد, الجروح, الندبات, والبقع الغامقة من البشرة, وهتحافظ عليها صحية ونضرة بشكل طبيعي.

سيروم لنضارة البشرة 4
سيروم لنضارة البشرة 4

طرق عمل سيروم بمكونات طبيعية لكل انواع البشرة

طرق عمل سيروم البشرة
طرق عمل سيروم البشرة

مقالات متعلقه

3 نقط من السيروم ده هتخليكي ماتحتاجيش للمكياج

3 نقط من السيروم ده هتخليكي ماتحتاجيش للمكياج

8 تمارين للتخلص من التجاعيد للحصول على بشرة نضرة ومشدودة

8 تمارين للتخلص من التجاعيد للحصول على بشرة نضرة ومشدودة

مشروب قوي لبشرة صافية وصحية ونضرة

مشروب قوي لبشرة صافية وصحية ونضرة