طرق ازاي تستخدمي العدس الاصفر لتبييض البشرة

بقلمريهام محمود فيبشرة visibility303

يمكن يكون اول مرة نسمع عن فوايد العدس الاصفر لتبييض البشرة, العدس غني بالبروتين ومجموعة من العناصر اللي بتساعد على تبييض البشرة, وازالة تان الشمس, وازالة الشعر الزائد, والتخلص من الجلد الميت, والنهاردة هنتعرف من خلال موضوعنا على وصفات بالعدس الاصفر لتبييض البشرة.

العدس غير انه بيساعد على تفتيح البشرة, كمان تقدري تستخدميه لعمل سكراب للجسم والوش للتخلص من الجلد الميت وتنعيم البشرة, وبيساعد كمان على التخلص من اثار الشمس, وعيوب البشرة, والبثور, وحب الشباب, وعلاج مشاكل البشرة الدهنية بشكل عام.

ازاي تحولي العدس لبودر لاستخدامه:

عشان تستخدميه في الوصفات محتاجة انك تطحنية وتحولية لبودر عشان تقدري تضيفيه بسهولة لاي مكونات تانية.

1- هاتي كوباية عدس اصفر وحطيه في المطحنة بتاعة الخلاط.

2- اضربيه كويس لحد ما يبقى ناعم خالص ويتحول لبودر.

3- احفظي العدس البودر في اي برطمان عندك لاستخدامه في الوصفات.

العدس الاصفر لتبييض البشرة
العدس الاصفر لتبييض البشرة

وصفات العدس الاصفر لتبييض البشرة:

1- ماسك العدس الاصفر مع الحمص والزبادي:

المكونات:

1 معلقة كبيرة زبادي.

1 معلقة كبيرة حمص مطحون.

1 معلقة كبيرة عدس اصفر مطحون.

½ معلقة صغيرة كركم.

الطريقة:

اخلطي الزبادي مع الحمص والعدس وضيفي لهم الكركم وقلبي المكونات كلها مع بعض كويس, اغسلي بشرتك وحطي الخليط على الوش كله, سيبيه لحد ما ينشف, وبعدين اغسلي بشرتك وشيلي الماسك بحركات دائرية بمية فاترة او باردة.

الماسك ده بيساعد على ازالة الجلد الميت من البشرة وتفتيحها, وبيساعد على ازالة اثار الشمس وحب الشباب.

العدس الاصفر لتبييض البشرة

2- ماسك العدس الاصفر المنقوع في المية:

هاتي من 3 – 4 معالق كبيرة عدس اصفر سليم مش مطحون, وانقعيه في المية من بالليل للصبح, وتاني يوم اطحنيه لحد ما تتكون عندك عجينة طرية, افردي العجينة دي على بشرتك, وسيبيها لحد ما تنشف وبعدين اغسلي وشك بالمية, كرري الماسك من 2 – 3 مرات في الاسبوع لافضل النتايج.

الماسك ده بيساعد على ازالة ندبات البشرة, وتفتيحها.

العدس الاصفر لتبييض البشرة

3- ماسك العدس الاصفر واللبن:

المكونات:

2 معلقة كبيرة عدس اصفر مطحون.

4 معالق كبيرة لبن.

الطريقة:

اخلطي العدس مع اللبن وقلبيهم مع بعض, لحد ما تتكون عندك عجينة سميكة, افرديها على البشرة وسيبيها لحد ما تنشف, وبعدين اغسلي وشك, كرري الماسك مرتين في الاسبوع لافضل النتايج.

الماسك ده بيساعد على ازالة تان الشمس, وبينقي البشرة من اي شوائب وعيوب.

العدس الاصفر لتبييض البشرة

4- ماسك العدس الاصفر والعسل:

المكونات:

1 معلقة صغيرة عدس اصفر مطحون.

1 معلقة صغيرة عسل.

الطريقة:

اخلطي العدس مع العسل كويس, افردي الخليط على البشرة, وسيبيه لحد ما ينشف لمدة من 10 – 15 دقيقة, بعدها اغسلي بشرتك مع التدليك في حركات دائرية.

الماسك بيساعد على تقشير الجلد وازالة الجلد الميت, ومفيد جدا لصاحبات البشرة الجافة لانه بيساعد على التخلص من قشور البشرة وبيحافظ عليها رطبة.

العدس الاصفر لتبييض البشرة

5- سكراب العدس الاصفر:

المكونات:

3 معالق كبيرة عدس اصفر مطحون.

2 معلقة كبيرة لبن.

2 معلقة كبيرة من مسحوق خشب الصندل.

2 معلقة كبيرة قشر برتقان مجفف ومطحون.

الطريقة:

اخلطي المكونات كلها مع بعض وقلبيها كويس, واستخدمي الخليط في تدليك البشرة بحركات دائرية, كرري السكراب مرة واحدة في الاسبوع.

السكراب بيساعد على ازالة خلايا الجلد الميتة, وازالة الشعر الزائد, بينضف وبيغذي البشرة بعمق, وبالتالي بيديها مظهر مشرق وملمس ناعم.

6- ماسك العدس الاصفر وزهرة القطيفة:

المكونات:

2 معلقة كبيرة عدس اصفر مطحون.

1 معلقة كبيرة من عجينة زهرة القطيفة او زهرة المخمل “متوفرة في اي مشتل”.

الطريقة:

انقعي زهرة القطيفة في شوية مية ورد لحد ما تتحول لعجينة خدي منها معلقة كبيرة وضيفيها للعدس الاصفر, قلبي المكونات مع بعض, افردي الخليط على البشرة وسيبيه لمدة 15 دقيقة, وبعدين اغسلية بمية فاترة.

الماسك ده فعال جدا للتخلص من مشاكل البشرة, بيساعد على تحسين نسيج الجلد عن طريق ازالة الجلد المتقشر وترطيبه, وبيساعد كمان في ازالة ندبات البشرة الناتجة عن حب الشباب.

7- سكراب العدس الاصفر مع اللبن واللوز:

المكونات:

3 معالق كبيرة عدس اصفر مطحون.

2 معلقة كبيرة لبن.

لوز مطحون.

الطريقة:

اخلطي المكونات مع بعض كويس, واستخدمي الخليط كسكراب للوش والجسم, السكراب بيساعد على تقشير البشرة وتنعيمها وتفتيحها.

8- ماسك العدس الاصفر والعسل والحمص:

المكونات:

2 معلقة كبيرة عدس اصفر مطحون.

2 معلقة كبيرة عسل.

2 معلقة كبيرة حمص مطحون.

الطريقة:

اخلطي المكونات مع بعض لحد ما تتكون عدك عجينة, افرديها على البشرة, وسيبيها لحد ما تنشف, وبعدين اغسليها بالمية, كرري الماسك مرتين في الاسبوع.

الماسك بيساعد على تفتيح ونضارة البشرة وترطيبها.

11 ماسك سهل وفعال لعلاج مشاكل البشرة باستخدام الرمان