اطعمة المفروض تتجنبيها للحصول على بطن مسطحة

ريهام محمود
ريهام محمود
3490

كلنا اكيد بنكون عايزين بطن مسطحة, لكن هل تعرفي ان دهون البطن هي الاصعب في التعامل معاها والتخلص منها, يعني ممكن تكوني بتمارسي رياضة وماشية على نظام غذائي, ومع ذلك مش بتشوفي نتايج ملحوظة على منطقة البطن, وان جسمك خس لكن دهون البطن لسه موجودة, عشان كده احنا النهاردة من خلال موضوعنا هنقولك على اطعمة بتسبب الكرش عشان تتجنبيها وتوصلي للبطن المسطحة والمثالية اللي بتحلمي بيها.

اطعمة بتسبب الكرش:

1- تجنب المشروبات الغازية:

معظمنا بنسمع كتير عن تأثير المشروبات الغازية في زيادة الوزن لكن بيكون صعب على ناس كتير انهم يستغنوا عنها, لكن لو عايزة فعلا تتخلصي من دهون البطن يبقى لازم تتوقفي عن شرب المشروبات الغازية فورا, حتى كمان المشروبات الدايت او منخفضة السعرات الحرارية لانها بتبطء عملية التمثيل الغذائي وبتحفز جسمك على زيادة الدهون.

اطعمة بتسبب الكرش 1
اطعمة بتسبب الكرش 1

2- تجنب اللبان:

لما بتمضغي اللبان, المخ والبطن بتوصلهم اشارات وبتهيئهم ان في وجبة داخلة الجسم, بالاضافة ان مضغ اللبان بيأدي للافراط في انتاج حمض المعدة, ونتيجة لده هتحسي بالجوع.

اطعمة بتسبب الكرش 2
اطعمة بتسبب الكرش 2

3- اعتمدي على نظام غذائي منخفض الصوديوم:

افتكري دايما انك لازم تاخدي السكرو الملح بكميات صغيرة, خصوصا لو بتعاني من ارتفاع ضغط الدم, والاطعمة اللي بتحتوي على نسبة عالية من الصوديوم مش بس مضره بالصحة, لكن كمان بتحتفظ بالسوائل اللي بتمنعك من فقدان الدهون في البطن بشكل فعال.

اطعمة بتسبب الكرش 3
اطعمة بتسبب الكرش 3

4- قولي باي باي للوجبات السريعة:

اكيد مش سر ان الوجبات السريعة بتحتوي على كمية عالية جدا من السعرات الحرارية, اللي ممكن تسبب مشاكل صحية مختلفة مش بس زيادة الوزن, ولو انتي مش قادرة تبطلي اكل الوجبات السريعة ومعندكيش الارداة انك تتخلي عنها, افتكري دايما انك المسؤولة عن دهون بطنك اللي انتي عايزة تتخلصي منها ومش عارفة.

اطعمة بتسبب الكرش 4
اطعمة بتسبب الكرش 4

5- انسي اكل المايونيز:

لو انتي من عشاق المايونيز او الصوصات اللي داخل فيها مايونيز, يبقى لازم تعرفي ان ان المايونيز بيحتوي على نسبة 80% على الاقل من الدهون, والافضل انك تستبدلي المايونيز بصوص الطماطم الطبيعي او بالخضروات المهروسة.

اطعمة بتسبب الكرش 5
اطعمة بتسبب الكرش 5

6- قولي “لا” للبطاطس المحمرة:

قد ما بتحبي البطاطس المحمرة لازم تتخلي عنها في اقرب وقت, البطاطس المحمرة زيها زي كل الاطعمة المقلية, بتبقى زي السفنجة بتمتص كل الدهون المشبعة, والحقيقة ان الدهون المشبعة مش بس بتأثر على الوزن لكن كمان بتأثر بشكل كبير على وظائف المخ وهيخليكي متعرفيش تفكري كويس او بذهن صافي قد الوزن اللي انتي بتكتسبيه, ونتيجة لده هتلاقي نفسك بتاكلي كمية كبيرة من البطاطس من غير ما تحسي.

اطعمة بتسبب الكرش 6

7- مافيش ايس كريم تاني:

اكيد ده واضح جدا ان الايس كريم من الممنوعات, لان الاطعمة الغنية بالسكر لما بتدخل الجسم بتتحول لدهون في البطن, وهي اكتر الدهون المضره في جسمك.

اطعمة بتسبب الكرش 7
اطعمة بتسبب الكرش 7

8- متاكليش الاطعمة اللي بتعملك انتفاخ:

حتى اكتر الاشخاص نحافة ممكن يكون ليهم بطن الى حد ما بسبب الاطعمة اللي بتسبب غازات معوية او اضطراب في المعدة وانتفاخات زي البقوليات, البصل, الثوم, الخضروات اللي بتحتوي على كبريت”البروكلي,القرنبيط, الكرنب, الفجل”, ولو انتي بتعاني بالفعل من المشكلة دي, يبقى كل اللي محتاجة تعمليه انك تتجنبي الاطعمة دي, وتمشي على روتين رياضة كويس يساعد على تسريع عملية الهضم في جسمك.

اطعمة بتسبب الكرش 8
اطعمة بتسبب الكرش 8

9- متقعيش في فخ المنتجات “الخالية من السكر”:

الاطعمة اللي بتحتوي على بدائل للسكر فعالة ومفيدة بس للاشخاص اللي بيعانوا من مرض السكر, لكن المنتجات الخالية من السكر ما زالت مشكلة وبتساهم في حجم البطن بشكل كبير.

اطعمة بتسبب الكرش 9

مقالات متعلقه

تمارين ونظام غذائي فعال للحصول على بطن مسطحة

تمارين ونظام غذائي فعال للحصول على بطن مسطحة

دايت القلب لمدة 3 ايام: هيساعدك تخسي 4 كيلو مع الاطعمة الصحية للقلب

دايت القلب لمدة 3 ايام: هيساعدك تخسي 4 كيلو مع الاطعمة الصحية للقلب

تمرين بسيط للتخلص من ترهل البطن في 3 اسابيع بس

تمرين بسيط للتخلص من ترهل البطن في 3 اسابيع بس