بالصور افكار تصاميم مطابخ حديثة..والخامات المناسبة لتصميم المطبخ

ريهام محمود
ريهام محمود
7051

الست تقريبا بتقضي نص عمرها في المطبخ, وعشان تبقي مرتاحة فيه, يبقى لازم تختاري التصميم بتاعه بعناية جدا, والنهاردة من خلال موضوعنا هنشوف مع بعض بالصور افكار تصاميم مطابخ حديثة.

مجموعة التصاميم اللي معانا النهاردة منوعة ما بين الكلاسيك والمودرن, مناسبة لكل الاذواق, وكل واحدة تختار التصميم اللي يناسب ذوقها اكتر.

هنلاحظ ان التصاميم خرجت من الالوان التقليدية للمطبخ زي البني, والابيض, اللي دايما كنا متعودين اننا نعتمد عليهم في تصاميم دواليب المطبخ, وهنلاقي الوان فاتحة زي الاخضر النعناعي, البيبي بلو, والوان غامقة زي الاسود, التركواز, الرمادي.

افضل انواع الخامات للمطابخ:

في اكتر من خامة لتصميم المطابخ, لكن ايه الخامة الافضل او الاكتر تحمل ومناسبة للاستعمال اليومي المختلف, هنتعرف على اشهر 3 خامات في تصميم المطابخ.

1- المطابخ الخشب:

الخشب من اكتر الانواع المستخدمة في تصاميم المطابخ, لانه انيق وسهل تصنيعه وتنفيذه لاي مساحة مطبخ, والاهم انه بيتحمل درجة الحرارة العالية, وفي اكتر من نوع خشب مناسب للمطبخ.

– خشب الارو: وده يعتبر افضل الانواع, واكترهم تحمل, ولكن اغلاهم في السعر, وممكن عشان توفري في التكلفة تستخدمي قشرة الارو مع درف من الخشب الكونتر هيديكي شكل حلو وفي نفس الوقت هيوفرلك في الفلوس.

– خشب الزان: مش من افضل الخامات لانه بيمتص المية بشكل كبير جدا.

– خشب الكونتر: ممكن تستخدميه في المطابخ مع دهانات دوكو عشان تديه شكل حلو.

الخشب زي ما ليه مميزات كمان ليه عيوب, مشكلته انه بيمتص الرطوبة بدرجة عالية جدا بسبب الابخرة ودرجات الحرارة العالية اللي على طول موجودة في المطبخ وده ممكن يخليه يتشقق بشكل اسرع من الانواع التانية.

تنضيفه صعب, لان مينفعش تنضفيه بالمية, وكمان يعتبر بيئة خصبة لتكاثر البكتيريا والحشرات.

لكن انتي ممكن تتفادي العيوب دي وتطولي عمر الخشب بانك تتأكدي وانتي بتصممي دواليب المطبخ انها تكون مرتفعة عن الارض شوية عشان تتجنبي تراكم المية تحتها, وكمان عشان تبعديه عن رطوبة الارض, كمان يبقى بعيد عن الحيطة عشان تبعديه عن رطوبة الحيطة, وبالنسبة لتنضيفه اتجنبي انك تنضفيه بالمية واستخدمي ادوات التنضيف الخاصة بالمطابخ الخشب, ونضفيه بشكل مستمر عشان تمنعي اي حشرات او بكتيريا.

تصاميم مطابخ 1
تصاميم مطابخ 1

2- المطابخ الالوميتال:

المطبخ الالوميتال اكيد مش بنفس اناقة وجمال المطابخ الخشب, ولكن هو ليه مميزات انه سهل تنضيفة تقدري تستخدمي معاه المية وادوات التنضيف العادية على عكس الخشب, كمان مش بيئة خصبة لنمو اي بكتيريا او حشرات, ومش بيمتص الرطوبة وبالتالي عمره اطول من الخشب, ولو عايزة خامة سهلة التشكيل عشان تناسب شكل مطبخك الالوميتال هيكون الاختيار المناسب ليكي.

اما عن عيوبه هو زي ما قولنا مش بيدي انافة وشياكة للمطبخ زي المطابخ الخشب, بالاضافة ان الحواف بتاعته بتبقى مدببة وممكن انها تسببلك جروح لو مش منتبهه كويس, كمان المفاصل بتاعته مش بتتحمل وعمرها الافتراضي قصير.

تصاميم مطابخ 44

3- المطابخ الخشمونيوم:

لو عايزة تجمعي بين مميزات المطابخ الخشب والالوميتال, هيكون الخشمونيوم هو الاختيار المناسب ليكي, هو بيجمع ما بين اناقة وجمال الخشب وسهولة تنضيف الالوميتال, ومش بيئة خصبة لنمو البكتيريا والحشرات, لكن عيبه انه هو تكلفته عالية, ولازم تتأكدي انه تصمميه في مكان مضمون وموثوق فيه.

تصاميم مطابخ 45

4- المطابخ الاكريلك:

الاكريلك مش بيستخدم في تصميم المطبخ كله ولكن لاجزاء معينة زي الدرف الخارجية بس, ولكن الدرف الداخلية تكون من الخشب, والاكريلك هو خامة ليها شفافية عالية جدا شبة الزجاج ولكن اكتر صلابة وقوة لتحمل الضغط العالي والصدمات, ولكن من عيوبه انه مش سهل تشكيله لمساحة وشكل مطبخك زي الخشب, لكن لو انتي عايزة مطبخ بتصميم مودرن تقدري تعتمدي على الاكريلك هتكون انسب خامة لان تصاميمه عصرية.

تصاميم مطابخ 46

تعالوا نشوف مع بعض بالصور افكار تصاميم مطابخ:

تصاميم مطابخ 2
تصاميم مطابخ 2

افكار مختلفة لاستخدام اللون الاسود في ديكور الحمام

افكار لديكور الحمام
افكار لديكور الحمام

مقالات متعلقه

تغيير وتطوير.. اعرفي إزاي تجددي بيتك من غير فلوس كتير

تغيير وتطوير.. اعرفي إزاي تجددي بيتك من غير فلوس كتير

افكار ديكور لغرفة المعيشة Living Room بستايلات مختلفة

افكار ديكور لغرفة المعيشة Living Room بستايلات مختلفة

ايه هو ستايل المودرن كلاسيك في الديكور وازاي تنفذيه

ايه هو ستايل المودرن كلاسيك في الديكور وازاي تنفذيه