4 ستايلات من موضة الشنطة و الشوز في خريف 2019 لازم يكونوا في دولابك

بقلمآية حسان فيموضة وأزياء visibility181

مع كل موسم جديد بتحصل تغييرات في كل التفاصيل اللي بتخص الأزياء، ولأن الشنطة والشوز من أهم قطع الملابس اللي لازم تهتمي بيهم وبشكلهم وتعرفي كل جديد يخصهم، اعرفي  في المقال ده 4 ستايلات من موضة الشنطة و الشوز في خريف 2019 لازم يكونوا في دولابك

4 ستايلات من موضة الشنطة و الشوز في خريف 2019 لازم يكونوا في دولابك 

الشنطة بإيد سلسة والشنطة الصغيرة 

السلسلة الفضية او الذهبية بتضيف لمسة من الشياكة والعصرية للشنطة بشكل كبير، خصوصا لو كانت الشنطة من خامة الجلد، وكمان هتلاقي منها من نوع الشنط الصغيرة والي بتعتبر تريندي جدا الفترة دي لكنها مساحتها صغيرة فبتناسب الضروريات بس ، عشان كده بتعتبر عملية في الخروجات والمشاوير السريعة لكنها غير مناسبة لأوقات الشغل. 

الشنطة بإيد سلسة والشنطة الصغيرة

الشنطة والشوز الجلد 

سواء كان الجلد طبيعي أو صناعي، مزيف أو حقيقي .. الشنطة والشوز الجلد بيدوا شكل شيك جدا لأي لوك بيدخلوا فيه، مناسبين  لستايلات الشغل والخروجات الفورمال خوصا لو كانوا من ألوان غير الأسود زي الرمادي والجملي والنبيتي، هيضيفوا لمسه من الرقي والشياكة لأي outfit  تعمليه، عشان كده مهم جدا يكون فيه شوز أو شنطة جلد في دولابك السنة دي. 

الشنطة والشوز الجلد

الشنطة والشوز الفرو 

أساسية في وقت الخريف وخصوصا أيام الشتاء الباردة، عملية ومناسبة للخروج بالليل خصوصا لو في أماكن الارض فيها صعبة وهتدفيكي طبعا، ممكن تلبسيهم مع بلوفر صوف لخروجاتك أو للشغل أو مع فستان شتوي من التريكو ، ومع جينز وتيشيرت وجاكيت لخروجات مع صحباتك والمشاوير الكاجوال. 

الشنطة والشوز الفرو

اللوفر شوز  – loafers 

أكتر ستايل عملي ومريح من موضة الشنطة و الشوز في خريف 2019، هتلاقيهم في كل الألوان اللي تحتاجيها وخصوصا ألوان ودرجات الباستيل الجميلة والهادية، وبخامات مختلفة سواء الشامواه او الجلد او الفرو، ولو بتدوري على شوز من النوع ده لكن مميز أكتر دوري منهم على المزينة بتفاصيل ذهبية او بكعب شكله مميز.

اللوفر شوز  – loafers

اعرفي معانا كمان  الستايل المناسب ليكي في الخريف حسب برجك