اعرفي الستايل المناسب ليكي في الخريف حسب برجك

آية حسان
آية حسان
1690

كل برج بيبقى له صفاته المتميزة في كل حاجة، الشخصية و الأكل والخروجات وطبعا الستايل، وعشان مهم دايما ستايلاتك تعبرعنك، في المقال ده هاتعرفي معانا الستايل المناسب ليكي في الخريف حسب برجك

اعرفي الستايل المناسب ليكي في الخريف حسب برجك 

برج الحمل

بنات برج الحمل مابيخافوش انهم يجربوا الحاجات الجديدة ومفيش حاجة بتوقفهم، ومتصالحين جدا مع نفسهم ودايما مستعجلين، عشان كده الجاكيت الكاجوال مع الشنطة الباك مناسب جدا لستايلاتهم في الخريف ويقدروا بالنوع ده من الجاكت يحولوا أي outfit ويخلوه عملي وعفوي، لو انتي من برج الحمل جربي الخريف ده تلبسي الجاكيت الكاجوال القصير مع جينز أسود وشنطة ضهر بحجم مناسب. 

برج الحمل
برج الحمل

برج الثور

برج الثور بقى دايما بيميلوا للمبالغة شوية حتى في اللبس، عشان كده توقعي انك تشوفيهم طول الوقت آخر شياكة وجاهزين، فلو كنتي من بنات برج الثور وبتدوري على حاجة تجددي بيها دولابك وتخلي ستايلاتك الخريف ده مختلفة عن ستايلات الخريف اللي فات يبقى جربي تدمجي بين خامتين هما الجلد والكاشمير، إما بإنك تلبسي بنطلون أو سكيرت من الجلد مع توب من الكاشمير أو جاكيت جلد على توب كاشيمر وجينز سكيني مثلا. 

برج الثور
برج الثور

برج الجوزاء

بنات برج الجوزاء الراحة عندهم هي رقم واحد، بيحبوا الستايلات العملية واللي تكون شيك في نفس الوقت. عشان كده الفلورال دريس والكارديجان الواسع  والأوفرسايز عموما هي أنسب ستايلات ليهم في الخريف، وعشان تدي الفستان الفلورال لوك خريفي أكتر جربي تلبسيه مع بوت. 

برج الجوزاء
برج الجوزاء

برج السرطان

أنسب حاجة لشخصية برج السرطان في الخريف هي الألوان الفاتحة والدافية في نفس الوقت، خصوصا في الجاكيت والاكسسوارات، جربي تلبسي ألوان زي البيج الفاتح والألوان النيود والأبيض الخريف ده. 

برج السرطان 1
برج السرطان 1

برج الأسد

برج الأسد الخريف ده ستايلاته كلها بسيطة ورقيقة، لكنها بتجمع بين أكتر من خامة،  جربي تنسقي تيشيرت basic  مع جاكيت جلد أو كشمير من اللون البينك الهادي وجينز أزرق وشوز جلد من درجات البيج، عشان تعملي لوك عصري اكتر ودافي ومريح في نفس الوقت. 

برج الأسد
برج الأسد

برج العذراء

ملكات لوك الـ business causal ودايما بيحاولوا يطوروا من ستايلاتهم، لكن المهم عندهم دايما هو التنظيم والترتيب، واللوك اللي ينفع معاهم من بداية اليوم لحد الليل، جربي تلبسي بنطلون كاروهات مثلا مع شنطة جملي وتيشيرت سادة عشان تعمل لوك عملي وخريفي.

برج الميزان

مرحين وعندهم جاذبية طبيعية بتشد أي حد ليهم، عشان كده جربي الخريف ده تعملي ستايل احتفالي خفيف، البسي جاكيت جينز قصير مع تيشيرت وسكيرت بنقشة التايجر أو أي نقشة تانية تفضليها. 

برج الميزان
برج الميزان


برج العقرب

ستايلات بنات العقرب عفوية وطفولية وتشبه ستايلات بنات المدارس، جربي سكيرت ميني مع تيشيرت سادة وشوز جلد باللون الأسود. 

برج العقرب
برج العقرب


برج القوس

بنات برج القوس معروفين بإنطلاقهم وجرأتهم وانهم بيحبوا يجربوا الجديد ودايما يجروا ورا سعادتهم، لكن روح المغامرة فيهم دايما بتخليهم يجربوا و يختبروا ستايلات جديدة عليهم طول الوقت لأن آخر حاجة هما عايزينها هي انهم يحسوا بالتكرار او الملل، الخريف ده ممكن تجربي الوان جديدة عليكي زي السيمون او الفوشيا الهادي أو حتى الاحمر لو كنتي ماجربتيهوش قبل كده وجربي تلبسي بلوزة بستايل فيكتوري شوية مع بوت برقبة عالية او شوز سيفتي. 

برج القوس
برج القوس

برج السرطان

مركزين جدا على المتاح والمهم هو اللي يتعمل مش اللي نفسهم يعملوه، وده بينعكس بشكل كبير على ستايلاتهم خصوصا في ستايلات ولبس الشغل، لو كنتي من بنات الجدي جربي الصيف ده تلبسي بلوزة حرير مع شوز كعب عالي من نقشة التايجر و جينز أسود. 

برج السرطان 2
برج السرطان 2

برج الدلو

إجتماعيين جدا لكن معظم الأوقات بيكون ليهم ستايلات وأذواق غريبة وده طبعا بيبان في لبسهم، جربي تلبسي جينز واسع مع سويتر مريح بألوان غريبة مع بعضها عشان تعملي لوك مميز. 

برج الدلو
برج الدلو

برج الحوت

ملوك الدراما، لكنهم مبدعين وعندهم ذوق عالي وده بينعكس في اختيارهم للألوان وقطع الملابس اللي بيدخلوها في ستايلاتهم وحسهم الإبداعي ده بيخليهم يبقوا مهتمين يجربوا حاجات جديدة، الخريف ده جربي تلبسي مام جينز مع بلوزة قصيرة بزراير من اللون الطوبي وشنطة صغيرة من اللون البيج وإكسسوارات مناسبة. 

برج الحوت
برج الحوت

مقالات متعلقه

ايه اللي محتاجة فعلا تلغيه من حياتك حسب برجك

ايه اللي محتاجة فعلا تلغيه من حياتك حسب برجك

اغرب الصفات الموجودة في شخصيتك حسب برجك

اغرب الصفات الموجودة في شخصيتك حسب برجك

اعرفى اكتر عن برجك الفرعونى!

اعرفى اكتر عن برجك الفرعونى!