اكتر 27 نوع فاكهة بيساعدوا على حرق الدهون

ريهام محمود
ريهام محمود
3181

لما الموضوع بيتعلق بتخسيس الوزن, فالاكل اللي بناكله ميقلش اهمية عن الاكل اللي احنا بنمتنع عنه خلال فترة الدايت, ومن حسن الحظ ان الفواكة تعتبر طريقة فعالة جدا لبدء حرق الدهون في الجسم والحفاظ على رغبتنا في اكل الحلويات, والابحاث اثبتت ان اكل الفاكهة مرتبطة بشكل ايجابي بفقدان الوزن, الفواكة بتحتوي على عدد قليل من السعرات الحرارية وفي نفس الوقت مليانة بالمواد المغذية الحيوية للحفاظ على امتلاء المعدة لفترة اطول, واحلى حاجة انك تقدري تاكلي الفاكهة في اي وقت واي مكان, سواء اثناء وجبة الفطار او الغدا او العشا, او كوجبة خفيفة بين الوجبات, والدراسات اثبتت كمان ان اكل انواع معينة من الفاكهة ممكن انها تساعد على حرق الدهون بشكل فعال جدا, وده اللي هنعرفه النهاردة من خلال المقال بتاعنا, هنتعرف على قائمة كاملة لافضل انواع فواكة لحرق الدهون.

افضل انواع فواكة لحرق الدهون:

1- التفاح:

التفاح من اكتر انواع الفواكة الغنية بالالياف, والدراسات اثبتت ان الالياف مهمة جدا وليها تأثير فعال في تقليل دهون البطن, والدراسات اكدت ان زيادة تناول الالياف القابلة للذوبان يوميا فعال جدا في تقليل دهون البطن بنسبة 3.7% خلال 5 سنوات.

فواكة لحرق الدهون 1
فواكة لحرق الدهون 1

2- المشمش:

المشمش كمان من مصادر الالياف الغير قابلة للذوبان, الالياف بتمتص كمية اكبر من المية وبتحافظ على الشعور بالامتلاء بعد الاكل, والالياف مادة طبيعية الدراسات اثبتت انها بتساعد على فقدان الوزن.

فواكة لحرق الدهون 2
فواكة لحرق الدهون 2

3- الافوكادو:

الافوكادو معروف انه بيحتوي على نسبة عالية من الدهون, ولكن المعلومة اللي مش معروفة انه بيساعد على حرق الدهون, الكميات الكبيرة من احماض الاوميجا 9 الدهنية المعروفة بانها دهون احادية التشبع, بتساعد على تحويل الدهون لطاقة خلال عملية التمثيل الغذائي.

فواكة لحرق الدهون 3
فواكة لحرق الدهون 3

4- الموز:

الموز كمان من انواع الفواكة اللي بتساعد على خفض الدهون في الجسم, وبيساعد انه يملى المعدة لفترة اطول, كمان الموز بيحتوي على نسبة عالية من المغنيسيوم والبوتاسيوم اللي بتساعد على علاج مشاكل الهضم والانتفاخ.

فواكة لحرق الدهون 4
فواكة لحرق الدهون 4

5- التوت:

بشكل عام كل انواع التوت مفيدة للصحة جدا, ولكن ال Blueberry او التوت الازرق بشكل خاص غني بالمواد المضادة للاكسدة اللي بتساعد على حرق الدهون, مضادات الاكسدة بتساعد في تسريع عملية التمثيل الغذائي في الجسم واللي بتعلي نسبة حرق السعرات الحرارية في الجسم.

فواكة لحرق الدهون 5
فواكة لحرق الدهون 5

6- الكنتالوب:

الكنتالوب, بيحتوي على عوامل مضادة للالتهابات, والالتهاب الداخلي بيسمح للدهون انها تبقى اكتر راحة في الجسم, والشمام بيحتوي كمان على مضادات الاكسدة اللي بتساعد على التخلص من السموم الداخلية.

فواكة لحرق الدهون 6
فواكة لحرق الدهون 6

7- جوز الهند:

جوز الهند من انواع الفواكة الحلوة بشكل طبيعي, وكمية صغيرة منه ممكن انها تملى المعدة لفترة طويلة, وهتخلييكي تاكلي اقل, بالاضافة ان جوز الهند غني الدهون الثلاثية متوسطة السلسلة اللي بتزود من كفاءة عملية التمثيل الغذائي بنسبة 30%.

فواكة لحرق الدهون 7
فواكة لحرق الدهون 7

8- الجريب فروت:

اظهرت الابحاث ان اكل ½ ثمرة جريب فروت قبل الوجبات بيقلل من دهون البطن وبيخفض من مستوى الكوليسترول, واظهرت الدراسات اللي اتعملت على مجموعة من الاشخاص انخفاض في محيط الوسط بنسبة بوصة تقريبا عن طريق بس اكل الجريب فروت قبل الوجبات الصحية والمتوازنة.

فواكة لحرق الدهون 8
فواكة لحرق الدهون 8

9- الشمام:

الشمام غني بالعناصر الغذائية والفيتامينات, وعلى فيتامين C اللي بيحسن المناعة وبيحارب تراكم الدهون, كمان يعتبر مصدر غني بفيتامين B, اللي بيحطم الدهون وبيحولها لطاقة.

فواكة لحرق الدهون 9
فواكة لحرق الدهون 9

10- الليمون:

معروف ان الليمون مفيد لازالة السموم من الكبد, والكبد لما يكون صحي وشغال كويس ده معناه انه هيكون عنده القدرة على الحفاظ على هضم الاكل وحرق الدهون, والليمون كمان بيمنع تراكم الدهون في الجسم.

فواكة لحرق الدهون 10
فواكة لحرق الدهون 10

11- النكتارين:

النكتارين هو زي الخوخ ممكن انه يساعد في مكافحة متلازمة التمثيل الغذائي, والسمنة, ومرض السكر, والفواكة الحجرة بشكل عام بتنظم الجينات الدهنية بشكل فعال لانها بتحتوي على نسبة قليلة من الفركتوز, كمان غنية جدا بفيتامين A و C وسعراتها الحرارية قليلة.

فواكة لحرق الدهون 11
فواكة لحرق الدهون 11

12- الكمثرى:

الكمثرى غنية بالالياف والبوتاسيوم بشكل طبيعي, وده بيخليها تملى المعدة بشكل اسرع, وده معناه انك هتاكلي كميات اكل اقل, الكمثرى كمان مفيدة في مكافحة الانتفاخ والسيطرة على مستويات الكوليسترول في الدم.

فواكة لحرق الدهون 12
فواكة لحرق الدهون 12

13- الرمان:

اظهرت الدراسات ان المواد المضادة للاكسدة اللي موجودة في الرمان مفيدة في زيادة التمثيل الغذائي في الجسم, بالاضافة انه فعال جدا في خفض الشهية, وده بيخلي الرمان المشروب المثالي لوجبة الفطار.

فواكة لحرق الدهون 13
فواكة لحرق الدهون 13

14- الكريز:

الكريز غني بالمواد المضادة للاكسدة والمواد الغذائية اللي بتساعد ان المعدة تتملي بسرعة, والكريز بيحتوي كمان على انزيمات مضادة للشيخوخة.

فواكة لحرق الدهون 14
فواكة لحرق الدهون 14

15- البطيخ:

البطيخ على الرغم انه بيحتوي على نسبة عالية من السكر, الا ان المية اللي موجودة فيه بتساعد على تحييد تأثير اسكر, وعشان تستفادي بيه ممكن تدخليه في السلطات, او تاكليه لوحده.

فواكة لحرق الدهون 15
فواكة لحرق الدهون 15

16- البرقوق:

اظهرت كتير من الدراسات ان البرقوق فعال في الوقاية من متلازمة التمثيل الغذائي او على الاقل تجنبه, والحالة دي بتخلي عملية التمثيل الغذائي متمشيش بشكل صح في الجسم, وده بيخلي الشخص معرض اكتر للسمنة والامراض الرمتبطة بيها زي السكر, ده غير ان البرقوق بيحتوي على اقل محتوى من سكر الفركتوز او سكر الفاكهة.

فواكة لحرق الدهون 16
فواكة لحرق الدهون 16

17- توت العليق Raspberries:

بيحتوي على كمية كبيرة من البوليفينول, وهي مواد كيميائية طبيعية بتساعد على ايقاف زيادة الوزن او حتى تكوين الدهون, التوت هيخليكي تحسي بالشبع, وهيقلل رغبتك في اكل الاطعمة الغير صحية.

فواكة لحرق الدهون 17
فواكة لحرق الدهون 17

18- الطماطم:

الطماطم بالاضافة انها وجبة لذيذة وخفيفة فهي كمان بتساعد على حرق دهون البطن بشكل كبير, جوه كل ثمرة طماطم كميات كبيرة من فيتامين C والمغذيات النباتية اللي ليه تأثير فعال في قتل الدهون, بالاضافة ان فيتامين C مهم وضروري لجسمنا عشان نحافظ على صحتنا.

فواكة لحرق الدهون 18

19- البرتقان:

البرتقان زي الطماطم غني بفيتامين C اللي بيساعد في تحسين عملية التمثيل الغذائي في الجسم, وانها تشتغل بمعدل سريع وتحارب بطء عملية الحرق اللي بيجي مع التقدم في العمر بشكل طبيعي.

فواكة لحرق الدهون 19

20- الفراولة:

مش هتلاقي مصدر افضل للالياف والمواد الغذائية اكتر من الفراولة, والفوايد دي مفيدة في حرق الدهون, والفراولة بتحتوي على نسبة عالية من الالياف اللي بتحافظ ان البطن تفضل ممتلئة بين الوجبات, عشان متحسيش انك عايزة تاكلي وجبات تانية خفيفة.

فواكة لحرق الدهون 20

21- التمر:

على الرغم من ان التمر بيحتوي على نسبة اعلى من السعرات الحرارية مقارنة بانواع الفواكة التانية, الا انه بيحتوي على كتير من الفيتامينات والمعادن اللي محتاجها الجسم, بالاضافة ان التمر غني بالالياف.

فواكة لحرق الدهون 21

22- العنب:

العنب بيحتوي على نسبة عالية من الالياف وبيحتوي على نسبة سكر اقل من انواع الفواكة التانية, بيحتوي العنب كمان على مضادات اكسدة قوية وهي البوليفينول, واللي تعتبر مفيدة جدا للبشرة.

فواكة لحرق الدهون 22

23- التين:

كتير ممكن يفكرو ان التين مش مفيد في فقدان الوزن, لكن احنا النهاردة في موضوعنا بنتكلم على الانواع الغنية بالالياف اللي بتساعد انها تملى المعدة لفترة طويلة, والتين يعتبر واحد من افضل الانواع دي, بالاضافة انه غني بفيتامينات A, B1, B2, والمنجنيز, والبوتاسيوم, والحديد.

فواكة لحرق الدهون 23

24- المانجا:

المانجا كمان من انواع الفاكهة اللي اثبتت فعاليتها في انقاص الوزن, بتحتوي المانجا على نسبة عالية من الكربوهيدرات مقارنة ببعض الفواكة التانية, وغنية بالالياف والمواد المغذية والمعادن المختلفة.

فواكة لحرق الدهون 24

25- البابايا:

البابايا من انواع الفواكة منخفضة السعرات الحرارية, وبتحتوي على كمية كبيرة جدا من الفيتامينات والمعادن, بالاضافة انها غنية بمضادات الاكسدة اللي بتساعد على حرق السعرات الحرارية والتخلص من الدهون الزيادة في الجسم.

فواكة لحرق الدهون 25

26- الباذنجان:

على الرغم من اعتبار الباذنجان انه نوع من انواع الخضار, ولكن هو من الناحية الفنية يعتبر فاكهة, لانه بينمو من نبات مزهر وبيحتوي على بذور, الباذنجان غني بالفيتامينات والمعادن والالياف, وبيحتوي على سعرات حرارية منخفضة, تقريبا كوباية من الباذنجان بتحتوي على 20 سعرة حرارية بس.

فواكة لحرق الدهون 26

27- الكيوي:

الكيوي كمان من انواع الفواكة الغنية بالالياف, وزي ما قولنا الالياف هي تعتبر الحل السحري او المفتاح لانقاص الوزن, عشان كده احنا النهاردة جمعنا تقريبا كل انواع الفاكهة الغنية بالالياف اللي هتساعدك تخسي وتحافظي على وزنك.

فواكة لحرق الدهون 27

مقالات متعلقه

دايت القلب لمدة 3 ايام: هيساعدك تخسي 4 كيلو مع الاطعمة الصحية للقلب

دايت القلب لمدة 3 ايام: هيساعدك تخسي 4 كيلو مع الاطعمة الصحية للقلب

7 اطعمة ابعدي عنهم تماما لو بتحاولي تخسري وزن

7 اطعمة ابعدي عنهم تماما لو بتحاولي تخسري وزن

وصفات لسد الشهية وتخسيس الوزن

وصفات لسد الشهية وتخسيس الوزن