8 حاجات متعمليهاش ابدا بعد الاكل

ريهام محمود
ريهام محمود
في
صحة
808

ساعات كتير ممكن نكون بنعمل عادات في يومنا وبنمارسها بشكل يومي عادي, لكن منعرفش انها ممكن تضرنا, ومنها عادات بنعملها بعد الاكل بشكل خاص, وده اللي هنعرفه النهاردة مع بعض من خلال السطور الجايه, هنقولك 8 حاجات تتجنبيها بعد الاكل.

حاجات تتجنبيها بعد الاكل:

1- توسيع الحزام:

لو في عزومة او مناسبة وقدام كل اصناف الاكل واكلتي كمية كبيرة, اول حاجة هتعمليها عشان تحسي براحة لو لابسة حزام هتوسعيه, ممكن تحسي براحة وقتية لكن في الحقيقة ان الحركة دي ممكن تسبب لك مشاكل في الهضم.

وممكن انه يتسبب في مشكلة في الامعاء ويعملك احساس بعدم راحة, ولازم كمان تفتكري ان الحركة دي ممكن توفرلك مساحة انك تاكلي اكتر وبالتالي هتزودي المشكلة, فحركة توسيع الحزام ظاهريا ممكن تكوني شيفاها كويسة او مريحة ولكن هي ممكن تسبب لك مشاكل, عشان كده الافضل انك تاكلي لحد ما تبقي حاسه بشعور مريح وانتي لابسة الحزام ده معناه ان المعدة متملتش على الاخر ومش هيحصلك اي مشاكل.

حاجات تتجنبيها بعد الاكل 1
حاجات تتجنبيها بعد الاكل 1

2- النوم:

كتير من الاشخاص ممكن بعد الغدا على طول يدخلوا يناموا شوية او ياخدوا فترة القيلولة بتاعتهم, لكن كمان ده مش صح ممكن ظاهريا تحسي انه مريح لكن في الحقيقة ان الجسم مش هيهضم الاكل وانتي نايمة, وده يمكن يفسر احساس كتير من الاشخاص بعدم راحة لما بيناموا بعد الغدا بشكل متكرر.

حاجات تتجنبيها بعد الاكل 2
حاجات تتجنبيها بعد الاكل 2

3- التدخين:

من المقولات المنتشرة جدا ان تدخين سيجارة واحدة بعد الاكل بتساوي تدخين 10 سجاير في الاوقات التانية, ولكن بغض النظر ان المقولة دي صح او غلط, التدخين مضر بشكل عام في اي وقت واكيد هيكون من العادات اللي مش مستحبة بعد الوجبة.

حاجات تتجنبيها بعد الاكل 3
حاجات تتجنبيها بعد الاكل 3

4- الشاور:

الشاور بعد الاكل بيمنع عملية الهضم, لان الدم هيتدفق لاجزاء تانية من الجسم اثناء الشاور غير المعدة, وبالتالي الافضل تجنب الشاور لحد ما تتهضم الوجبة بشكل تام.

حاجات تتجنبيها بعد الاكل 4
حاجات تتجنبيها بعد الاكل 4

5- اكل الفاكهة:

الفاكهة بتتهضم اسرع وقبل انواع الاكل التانية, وبالتالي اكل الفاكهة بعد الوجبة فكرة غير صحية, لان كده الجهاز الهضمي هيدخله اكل تاني هضمه اسرع اثناء عملية هضم وجبتك الاساسية, وده هيعملك مشاكل في الهضم وهيخلي العملية تتم بشكل مش صح.

حاجات تتجنبيها بعد الاكل 5

6- شرب الشاي:

اوراق الشاي معروف انها حمضية وده هيمنع عملية الهضم, والحمض هيسبب تصلب البروتين من وجبتك, وده هيخلي الهضم صعب, بالاضافة ان الشاي هيمنع الجسم من امتصاص الحديد, عشان كده الافضل تجنب شرب الشاي قبل وبعد الوجبة على طول, ولو بتعاني من نقص الحديد هتظهر عندك علامات زي الم الصدر, بهتان الجلد, التعب الشديد, برودة الايدين والقدمين, الدوخة.

حاجات تتجنبيها بعد الاكل 6

7- المشي بعد الاكل على طول:

كتير يمكن بنسمع ان المشي بعد الاكل على طول مفيد في حرق السعرات الحرارية, وبالتالي بيتم استخدامه في كل انحاء العالم كنوع من التمارين للتخسيس, لكن مع ذلك, يقال ان اي شكل من اشكال النشاط البدني بعد الوجبة على طول ممكن انه يسبب عسر الهضم وحرقة المعدة, عشان كده الافضل انك بعد الوجبة على طول ترتاحي شوية وبعدها بفترة كافية بعد ما تهضمي الاكل تقدري انك تمارسي اي نشاط بدني انتي عايزاه.

حاجات تتجنبيها بعد الاكل 7

8- شرب المية الباردة:

شرب المية الباردة بعد الاكل ممكن انه يأدي لسوء الهضم, وممكن انه يتسبب في ربط الاكل مع بعضه بشكل قوي جدا, وده هيأدي لصعوبة امتصاصه, هيأدي لمشاكل في امتصاص المواد الغذائية وفصل النفايات.

حاجات تتجنبيها بعد الاكل 8

مقالات متعلقه

6 عادات بنعملها دايما ممكن تضرنا اكتر ما تنفعنا

6 عادات بنعملها دايما ممكن تضرنا اكتر ما تنفعنا

9 اخطاء صحية بنعملها من غير ما نعرف انها مضره

9 اخطاء صحية بنعملها من غير ما نعرف انها مضره

8 حاجات بنعملها كل يوم بتضرنا من غير ما نعرف

8 حاجات بنعملها كل يوم بتضرنا من غير ما نعرف