بالصور .. اعرفي ازاي تنسقي اكسسوارات الجسم مع الـ outfit بتاعك في الستايلات المختلفة
الاكسسوارات بالنسبة للبس زي الملح بالنسبة للأكل.. مابتكملش الا بيه، عشان كده اهتمامك باختياراتك من الاكسسوارات لازم يكون مهم ودقيق زي اهتمامك وانتي بتختاري اللبس بالضبط، في المقال ده هنقولك بالصورتعرفي ازاي تنسقي اكسسوارات الجسم مع الـ outfit بتاعك في الستايلات المختلفة
بالصور .. اعرفي ازاي تنسقي اكسسوارات الجسم مع الـ outfit بتاعك في الستايلات المختلفة
ايه هي المناسبة
القاعدة الأولى والأساسية هي انك تفهمي المناسبة اللي انتي رايحاها وتحدديها كويس، لأن ستايل اللبس بيتحدد تبعا للمناسبة والوقت طبعا فبالتالي من المناسبة هتعرفي انتي المفروض تلبسي ايه وعلى اساس ده هتحددي كل الإكسسوارات اللي انتي محتاجاها، يعني لو رايحة الشغل او لو عندك ميتنج معهم محتاج منك انك تلبسي حاجة فورمال ممكن تكتفي بساعة واضحة مع عقد او سلسلة طويلة وشنطة فورمال مع شوز بكعب وكده يبقى انتي قدرتي تختاري اكسسوارات جسم متناسبة تماما مع المناسبة.
اختاري الـ outfit صح
النقطة دي بتشبه كتير النقطة اللي لسه متكلمين عنها من، بنأكد انه قبل ما تختاري الاكسسوارات لازم تختاري الـ outfit صح، فلو عندك الاكسسوارات فعلا بس مش الطقم المناسب ليها يبقى حاولي تستكشفي كل الخيارات المتاحة عشان تقدري تختاري الـ Outfit صح وتكون الاكسسوارات مناسبة له.
استكشفي الخيارات المختلفة
لو مفيش خيارات كتير متاحة ولقيتي نفسك مضطرة تشتري كل حاجة من جديد، يبقى لازم تستكشفي كل الخيارات المتاحة ، دوري على التريندات الجديدة في الفاشون والاكسسوارات والصيحات الجديدة اللي تخص ستايل اللبس اللي هتحتاجيه حسب المناسبة عشان تقدري تختاري المناسب بشكل صحيح من غير ما تضيعي وقت ولا مجهود ولا فلوس.
لازم الاكسسوارات تبقى مناسبة لشخصيتك
اختيارك للاكسسوارات بيعكس ذوقك والحاجات اللي بتفضليها وده لأن كل قطعة اكسسوارات بيبقى ليها معنى، يعني مثلا الاكسسوارات اللي حجمها كبيرة والملونة بألوان فاتحة بتعكس صفات زي الجرأة والشجاعة، الاكسسوارات بالألوان الهادية والأحجام الصغيرة بتعتبر عن صفات زي الرقة والبساطة، عشان كده لازم تتأكدي انه كل اختياراتك من الاكسسوارات تكوني مرتاحة فيها وتكون بتعبر عن ستايلك المتفرد وشخصيتك.
استخدمي قطعة أساسية
قاعدة تانية مهمة جدا هي انك ماتبالغيش في حجم أو عدد الاكسسوارات اللي هتلبسيها، خصوصا في حالة استخدامك قطعة أساسية، يعني لو مثلا لابسة عقد حجمه كبير او سكارف فيه تفاصيل كتيرة يبقى البسي معاه شنطة بسيطة مع خاتم صغير، ده هيحافظ على ان اللوك بتاعك يبان مترتب بعيد عن المبالغة.
ماتنسيش ايدك
منطقة الرسغ أو المعصم واكسسوارات الايد عموما بنعتبرها الأهم، عشان كده مهم ماتنسيش إيدك جربي تلبسي bracelet أو أنسيال بسيط يكمل اللوك بتاعك مع فستان والاختيارات بسيطة وسهلة: مع الكم القصير البسي بريسليت حجمه كبير نسبيا ولو الكم طويل يبقى حاولي يكون البريسليت رفيع وبسيط. اعرفي معانا كمان صور وأفكار تعرفي بيها أفضل ستايلات اكسسوارات صيف 2019