طريقة عمل انشيلادا بالارز والخضروات بالخطوات والفيديو

ريهام محمود
ريهام محمود
638

لو زهقتي من الطريقة التقليدية للارز وعايزة تجربي طريقة جديدة ومختلفة, النهاردة هنقولك طريقة عمل انشيلادا بالارز والخضروات وهي اكلة مكسيكية سهلة وطعمها لذيذ جدا, تعالوا نعرف مع بعض الطريقة بالخطوات والفيديو.

انشيلادا بالارز والخضروات:

المقادير:

– 1 معلقة كبيرة زيت.

– 1 معلقة كبيرة ثوم مفروم.

– ½ كوباية بصل احمر مفروم “75 جرام”.

– 1 كوباية فلفل رومي مفروم “100 جرام”.

– 1 كوباية طماطم مفرومة “200 جرام”.

– 3 كوبايات مية “720 مل”.

– 1 ½ كوباية ارز “300 جرام”.

– 1 كوباية فاصوليا سودا وممكن تستخدمي فاصوليا حمرا “170 جرام”.

– 1 معلقة كبيرة كزبرة خضرا مفرومة.

– 1 كوب صلصة طماطم “260 جرام.

– 1 معلقة صغيرة شطة.

– 1 معلقة صغيرة كمون.

– 1 معلقة صغيرة ملح.

– 1 معلقة صغيرة فلفل.

– ½ كوباية جبنة مبشورة “50 جرام” – اختياري.

– ½ ثمرة افوكادو مكعبات “للتزيين”.

انشيلادا بالارز والخضروات 1
انشيلادا بالارز والخضروات 1

طريقة التحضير:

1- سخني الفرن على درجة حرارة 200 درجة مئوية.

2- في طاسة حديد او تيفال حطي الزيت على نار متوسطة, ضيفي الثوم والبصل وقلبيهم مع بعض لحد ما لون الثوم يبقى دهبي فاتح والبصل يدبل.

3- ضيفي الفلفل وقلبيه لمدة من 2 – 3 دقايق او لحد ما يدبل.

4- ضيفي الطماطم وقلبيها لمدة دقيقة.

انشيلادا بالارز والخضروات 2
انشيلادا بالارز والخضروات 2

5- شيلي الخضار من الطاسة في طبق على جنب.

6- في نفس الطاسة حطي المية وسيبيها لحد ما تغلي.

7- ضيفي الارز للمية وقلبيه وسيبيه لمدة من 12 – 15 دقيقة لحد ما ينفش او حجمه يكبر, ويكون مستوي بشكل جزئي.

8- اعملي دايرة في نص الارز وضيفي الخضار اللي جهزناه والفاصوليا وقلبيهم كلهم مع بعض.

انشيلادا بالارز والخضروات 3
انشيلادا بالارز والخضروات 3

9- ضيفي الكزبرة, وصلصة الطماطم, والشطة, الكمون, الملح, الفلفل, وقلبي كل المكونات مع بعض.

10- حطي الجبنة على الوش “اختياري”.

11- دخلي الارز في فرن سخن لمدة من 20 – 25 دقيقة.

12- بعدها طلعيه من الفرن وسيبيه يبرد لمدة 5 دقايق.

13- زينيه بالكزبرة الخضرا والافوكادو “اختياري”, وبالهنا والشفا.

انشيلادا بالارز والخضروات 4
انشيلادا بالارز والخضروات 4

الطريقة بالفيديو:

مقالات متعلقه

وصفة الفراخ على الطريقة الرومانية

وصفة الفراخ على الطريقة الرومانية

طريقة عمل فاهيتا الفراخ واللحمة

طريقة عمل فاهيتا الفراخ واللحمة

طريقة عمل صدور الفراخ المشوية بتتبيلة الثوم

طريقة عمل صدور الفراخ المشوية بتتبيلة الثوم