موضة تصميم الاظافر لموسم الخريف السنة دي

ريهام محمود
ريهام محمود
في
أظافر
1525

كل موسم جديد بتظهر معاه موضة جديدة مناسبة ليه, والاظافر ليها نصيب في الموضة دي بالتصاميم والالوان المختلفة الخريفية, والنهاردة من خلال موضوعنا هنشوف موضة تصميم الاظافر للخريف والالوان الموضة.

موضة تصميم الاظافر للخريف:

1- تصميم Odd Shapes:

التصميم ده من التصميمات البسيطة الموضة لموسم الخريف, واللي بيعتمد على تنسيق الالوان بشكل غريب او متعرج ومش منتظم على الضوافر.

2- تصميم Metallic Strokes:

اللون الميتاليك من الالوان المناسبة اوي لموسم الخريف, تقدري تعملي بيها تصميم بسيط جدا, حطي على الضوافر كلها لون نيود, وبعدها حطي لمسة من اللون الميتاليك بالفرشة زي ما هو باين قدامنا في الصورة.

3- تصميم Tonal Studs:

واحد من الاتجاهات الموضة للموسم ده, هو استخدام الستراس على الضوافر بنفس لون المانيكير اللي انتي استخدمتيه.

4- تصميم Amber Stone:

التصميم ده من التصاميم المميزة جدا والمختلفة, لو هنلاحظ شكل الضوافر طالعة زي الاحجار الكريمة وبشكل خاص زي حجر العنبر, والتصميم زي ما هو قدامنا في الصورة هتستخدمي فيه لونين هما الاصفر الغامق مع البني الغامق, حطي الاول على الضوافر طبقة من اللون الاصفر والطبقة الاولى لسه رطبه قبل ما تنشف اوي حطي اللون البني, ومتمزجيش اللونين مع بعض اوي عشان يديكي شكل الحجر, وبمجرد ما الطبقة التانية تنشف حطي طبقة كمان من اللون الاصفر للون اعمق, وعلى اطراف الضوافر استخدمي لون دهبي ميتاليك عشان يحدد شكل الحجر.

موضة تصميم الاظافر للخريف 6
موضة تصميم الاظافر للخريف 6

5- تصميم Pumpkin Spice Neutrals:

لون القرع او اللون المسطردة من الالوان المرتبطة بالخريف ولون ورق الشجر في الوقت ده, عشان كده يعتبر من انسب الالوان لموسم الخريف.

6- تصميم Glitter Accent:

لو عايزة لمسة لمعان على ضوافرك التصميم ده هيكون مناسب ليكي جدا, هتعتمدي فيه على استخدام الجليتر بالتصميم اللي تختاريه.

7- تصميم Monochromatic:

التصميم ده ليه طريقتين, ياما تعمليه زي ما هو باين قدامنا في الصورة التصميم بيكون شبه الرسومات الهندسية على الضوافر باستخدام الابيض والاسود, او تعملي كل ضوفر بلون مانيكير مختلف.

8- تصميم Tortoise Shell:

تصميم بالوان السلحفة من التصاميم الموضة جدا لموسم الخريف.

9- تصميم Fall Florals:

اكيد في الخريف مش هننسى تصميم اظافر بلون ورق الشجر المتساقط المشهور بيه موسم الخريف, مع لمسة من الورد.

10- تصميم Flames:

تصميم النار كمان من التصاميم الموضة لموسم الخريف, وتقدري تعتمدي فيه على مختلفة من الالوان, ممكن تعملي تصميم ثلاثي الابعاد باستخدام 3 درجات عشان تعملي شكل النار, او تعمليه باللون الابيض لو عايزة تصميم ناعم او هادي اكتر.

11- تصميم Chipped Black:

من الاتجاهات الموضة الغريبة جدا الموسم ده هو استخدام اللون الاسود ولكن مش بطريقة عادية او تقليدية, التصميم بيعتمد على اللون الاسود المكسر او التجريدي اللي بيدي شكل كانه مقشر, والاتجاه ده كان منتشر في عروض ازياء مارك جاكوبس السنة دي.

موضة تصميم الاظافر للخريف 13
موضة تصميم الاظافر للخريف 13

12- تصميم Abstract Painting:

تصميم اللوحة التجريدية من التصاميم المناسبة جدا للخريف لو استخدمتي فيها مجموعة الالوان المناسبة, وهي بتعتمد على ان المانيكير يكون كانه لون مائي مع لون اساسي تحته.

13- تصميم Dotted Nails:

تصميم النقط على الضوافر الشفافة او الالوان النيود من التصاميم الموضة البسيطة جدا لموسم الخريف.

14- التصميم الفرنش French Manicure:

تصميم الفرنش مانيكير من تصاميم الضوافر اللي تقريبا مش بتبطل ابدا, ومناسبة لكل المواسم, وهي زي ما كلنا عارفين بتعتمد على الرسم باللون الابيض على طرف الضوافر بس على لون وردي نيود او ممكن على ضوافر شفافة, وتقدري تكملي التصميم برسمة نص قمر على الضوافر من تحت بلون مختلف.

15- تصميم Rose Quartz Marbled:

تصميم تاني مستوحى من الاحجار الكريمة, ولكن المرة دي الرسمة على شكل حجر الكوارتز الوردي, والتصميم اعتمد على اللون الوردي الشفاف على الضوافر كلها, وباستخدام فرشة رفيعة اعملي خطوط متعرجة باللون الابيض, وفوقيها طبقة تانية من اللون الوردي الشفاف عشان يديكي شكل حجر الكوارتز.

16- تصميم Chrome Nails:

الضوافر الكروم كمان من تصاميم موسم الخريف, وهنلاقيه متوفر بالوان كتير, والنتيجة بتعتمد على قاعدة اللون اللي انتي مستخدماها, لازم اللون الاساسي يكون لون خالص من غير لمعة او جليتر, والحاجة التانية لازم تستخدمي طبقة اخيرة غير قابلة للكسر.

17- تصميم Negative Space:

تصميم الضوافر ده موضة بقاله فترة ومستمر معانا لموسم لخريف, استخدمي لون نيود على الضوافر, وبفرشة رفيعة اعملي نقط حوالين داير باللون الاسود.

موضة تصميم الاظافر للخريف 19
موضة تصميم الاظافر للخريف 19

18- الاظافر النيون:

الالوان النيون من الالوان الموضة لموسم الصيف ومكملة معانا لموسم الخريف, تقدري تستخدمي اي لون نيون تختاريه.

مقالات متعلقه

الوان المانيكير التريندي لموسم الشتا السنة دي

الوان المانيكير التريندي لموسم الشتا السنة دي

تصاميم مانيكير تستوحي منها اللوك بتاعك في موسم الخريف السنة دي

تصاميم مانيكير تستوحي منها اللوك بتاعك في موسم الخريف السنة دي

تصاميم مانيكير نيود بسيطة وانيقة

تصاميم مانيكير نيود بسيطة وانيقة