ازاي تتخلصي من المسام الواسعة حسب عمرك

ريهام محمود
ريهام محمود
في
بشرة
13119

المسام الواسعة مشكلة بيعاني منها كتير من البنات, وهي مش بس بتأثر على جمال البشرة, لكن كمان بتخلي العناية بالبشرة اصعب, لانها بتسبب مشاكل بشكل متكرر زي الالتهاب, ده غير انها بتبينك اكتر من عمرك, وعشان تتخلصي من المشكلة دي انتي محتاجة تمشي على روتين للعناية بالبشرة معتمد على حاجتين عمرك ونوع بشرتك, عشان يجيب معاكي نتيجة فعالة, والنهاردة من خلال المقال بتاعنا هنقولك طرق علاج المسام الواسعة حسب عمرك.

حجم المسام:

المسام العادية: البشرة طبيعي انه يكون فيها مسام وهي بتبقى عبارة عن فتحات صغيرة على البشرة بتساعد على نقل الزيت من الغدد الدهنية للبشرة, وبتسمح لبشرتك بالتنفس والحفاظ عليها رطبة, وبتفرز كمان عنصر وقائي بيحمي البشرة وبيكون حاجز ما بين بشرتك وبين العوامل الخارجية اللي ممكن تضرها.

المسام الواسعة: ودي اللي بتكون المشكلة لما بتكون كبيرة زيادة عن اللزوم, بتأدي لافراز زيادة في الدهون, وده بيخلي بشرتك معرضة اكتر للالتهابات وحب الشباب, والمسام الواسعة ليها اسباب كتير منها العمر والجينات والتعرض للشمس واكيد روتين العناية بالبشرة الغلط, وضروري جدا انك متسيبيش المسام مسدودة, لانك لو اهملتيها ده هيخلي المسام تظهر بشكل اكبر ما هي كبيرة بالفعل.

علاج المسام الواسعة 1
علاج المسام الواسعة 1

علاج المسام الواسعة لو عمرك ما بين 20 – 25 سنة:

في المرحلة دي بشرتك بتكون اصغر وبالتالي العناية بيها بتكون اسهل, عشان كده لو بدأتي دلوقتي هتوصلي لنتايج ملحوظة في حجم المسام في فترة قصيرة, والتنضيف العميق للبشرة لازم يكون هو هدفك, وممكن تعتمدي على منتجات زي الكريمات والماسكات والسيروم عشان تتحكمي في انتاج الزهم “الزيوت الزيادة”, لان ده هيساعد على ازالة خلايا الجلد الميت وبالتالي تصغير او تضييق المسام, ولكن اوقات كتير بتكون منتجات البشرة غالية عشان كده احنا هنقولك على بديل منزلي سهل.

علاج المسام الواسعة 2
علاج المسام الواسعة 2

ماسك هيساعدك على تنضيف البشرة, وفعال جدا في علاج المسام الواسعة وتقدري تعمليه بكل سهولة في البيت من مكونات طبيعية.

المكونات:

– طين.

– نقطتين من زيت الجوجوبا.

– من 2 – 3 نقط من زيت شجرة الشاي.

– 1 معلقة صغيرة عصير ليمون.

– ½ معلقة صغيرة مية.

الطريقة:

في طبق صغير اخلطي الطين مع زيت الجوجوبا وزيت شجرة الشاي وعصير الليمون والمية, قلبيهم كويس مع بعض لحد ما يتكون عندك خليط ناعم سهل الفرد على الوش.

ادهني بشرتك بالخليط, وسيبيه لمدة 15 دقيقة, وبعدها اغسليه بالمية.

الطين هيساعد على التحكم في انتاج الزهم وتقليل حجم المسام, وزيت شجرة الشاي يعتبر مطهر ومضاد للالتهابات, وزيت الجوجوبا بيساعد على تجديد البشرة, وعصير الليمون بيقتل كل انواع البكتيريا.

علاج المسام الواسعة 4
علاج المسام الواسعة 4

علاج المسام الواسعة لو عمرك فوق ال 25 سنة:

مجرد ما عمرك يعدي 25 سنة هتبدأ المسام الواسعة تظهر بسبب الجفاف والفقد التدريجي لمرونة الجلد, وده السبب ان الحفاظ على رطوبة البشرة وتغذيتها في الفترة دي مهم جدا, وواحدة من افضل الطرق عشان تمدي بشرتك بالتغذية والرطوبة اللي محتاجاها هي باستخدام ماسك الموز وكريمة الطبخ.

علاج المسام الواسعة 5
علاج المسام الواسعة 5

المكونات:

– ¼ موزة.

– ¼ معلقة صغيرة كريمة طبخ “Sour cream”.

الطريقة:

اهرسي الموز كويس جدا لحد ما تبقى ناعمة تماما وبعدين ضيفي لها الكريمة, قلبيهم مع بعض كويس, حطي الخليط على بشرة نضيفة وسيبيه 15 دقيقة وبعدين اغسليه.

علاج المسام الواسعة 2 1

المساج لعلاج المسام الواسعة:

ممكن كمان عشان تتخلصي من المسام الواسعة تعتمدي على طريقة التدليك او المساج بشكل يومي لمدة من 10 – 15 دقيقة, الطريقة دي فعالة جدا وهتشوفي نتايج ملحوظة خلال اسبوعين بس, اول حاجة هتحتاجي تنضفي بشرتك, وبعدين دلكي بشرتك بخفة بصوابعك, ابدأي من منتصف الجبين لبره, وبعدين تنزلي لجنب الانف وتمشي على الخدود لبره, طريقة التدليك تبقى زي الصورة اللي قدامنا كده.

علاج المسام الواسعة 3

امشى على الوصفات دى و هتتخلصى من المسام الواسعة فى 3 أيام بس وبشكل نهائى !

امشى على الوصفات دى و هتتخلصى من المسام الواسعة فى 3 أيام بس وبشكل نهائى !
امشى على الوصفات دى و هتتخلصى من المسام الواسعة فى 3 أيام بس وبشكل نهائى !

مقالات متعلقه

5 علاجات طبيعية بتستخدمها كارينا كابور لبشرة نضرة وشباب

5 علاجات طبيعية بتستخدمها كارينا كابور لبشرة نضرة وشباب

مكون واحد بس لمنع علامات الشيخوخة

مكون واحد بس لمنع علامات الشيخوخة

مكونات طبيعية اساسية ومتعددة الاستخدامات للبشرة والشعر

مكونات طبيعية اساسية ومتعددة الاستخدامات للبشرة والشعر