افضل انواع غسول للمنطقة الحساسة للتنضيف العميق والتخلص من الروائح الكريهة

ريهام محمود
ريهام محمود
في
بشرة
151650

الاهتمام بنضافة المنطقة الحساسة مهم جدا مش بس عشان التخلص من اي روائح كريهة او مش مستحبه, ولكن كمان عشان نحمي المنطقة دي من الالتهابات والتهيج, والغسول من الحاجات اللي هتساعدنا على ده وهيوفر كمان تنضيف عميق للمنطقة الحساسة, والنهاردة من خلال موضوعنا هنقولك على افضل انواع غسول للمنطقة الحساسة.

افضل انواع غسول للمنطقة الحساسة:

1- غسول كيرفري بالالوفيرا:

غسول كيرفري يعتبر من افضل انواع الغسول اللي ممكن تستخدميها للمنطقة الحساسة, بينضف المنطقة بعمق, وبيدي ترطيب وانتعاش, مش بيحتوي على صابون, وتقدري تستخدميه يوميا بشكل آمن جدا على المنطقة الحساسة.

غسول للمنطقة الحساسة 1
غسول للمنطقة الحساسة 1

2- غسول كيرفري للترطيب:

الغسول ده ليه تقريبا نفس فوايد الغسول اللي فات اللي بخلاصة الصبار, الاختلاف بس في المكونات, ولكن الفوايد واحدة, والفرق بينهم بس ان كيرفري اللي بخلاصة الصبار يعتبر الاحداث في مجموعة كيرفري يعني نزل بعد النوع ده.

غسول للمنطقة الحساسة 2
غسول للمنطقة الحساسة 2

3- غسول سيباميد:

غسول سيباميد بيحتوي على نسبة حموضة 6.8 PH بتساعد على حماية الاعضاء التناسلية, خالي تماما من الصابون والقلويات, تركيبته عضوية وآمنه تماما, بيحتوي كمان على الكاموميل اللي بيساعد على تنعيم المنطقة الحساسة.

غسول للمنطقة الحساسة 3
غسول للمنطقة الحساسة 3

4- غسول يورياج:

غسول يورياج بيساعد على تهدئة المهبل والمنطقة الحساسة, بيساعد على توازن الحموضة في المنطقة الحساسة وبيمنع نمو البكتيريا والفطريات, بينعم ويرطب المنطقة الحساسة, وبيساعد في علاج فطريات المنطقة الحساسة, يستخدم للاستعمال الخارجي بس.

غسول للمنطقة الحساسة 4
غسول للمنطقة الحساسة 4

5- مناديل غسول باباريا:

تعتبر من افضل انواع مناديل الغسول, بتساعد على ازالة اي روائح كريهة طول اليوم, وتعتبر معطر طبيعي للمنطقة الحساسة بشكل آمن جدا, وبتساعد على التخلص من البكتيريا والفطريات المهبلية.

غسول للمنطقة الحساسة 5
غسول للمنطقة الحساسة 5

6- غسول فاجيسيل:

الغسول ده بيساعد على توازن الحموضة في المنطقة الحساسة, وبيساعد على الحفاظ على التوازن خلال ايام الدورة الشهرية, بيتميز بريحة خفيفة ومنعشة, وآمن لكل انواع البشرة.

غسول للمنطقة الحساسة 6

7- غسول فاجيسيل للروائح الكريهة:

النوع ده بيمنع اي روائح كريهة في المنطقة الحساسة وبيحافظ عليها نضيفة ومنتعشة طول اليوم, وآمن لكل انواع البشرة ومش بيسبب اي تهيج او حكه, ومالوش اي اثار جانبية.

غسول للمنطقة الحساسة 7

8- غسول فامينيل من اوريفليم:

بيساعد على تنضيف وترطيب المنطقة الحساسة وبيديها ريحة منعشة طول اليوم, بيحتوي على خلاصة الكاندويلا واللوز اللي بتحارب الجفاف.

غسول للمنطقة الحساسة 8

9- غسول سيتيال:

غسول طبي مطهر للمنطقة الحساسة بيمنع البكتريا والالتهابات والفطريات.

غسول للمنطقة الحساسة 9

10- غسول سيمبلي ديليكيت من ايفون:

بيساعد على قتل البكتيريا اللي بتسبب الروائح الكريهة في المنطقة الحساسة, بيعطر المنطقة ومتوفر منه 3 روايح مختلفة ريحة الزهور, وريحة البندق والكاموميل, وريحة بذرة القطن, ومناسب لكل انواع البشرة, بينضف وبيمنع اي روايح كريهة, وبيمنع الالتهابات.

غسول للمنطقة الحساسة 10

كل انواع الغسول اللي احنا قولناها آمنه تماما للاستخدام اليومي على المنطقة الحساسة وممكن تكتفي ب 3 مرات بس في الاسبوع حسب احتياجك, خدي كمية على ايدك ودلكي بيها المنطقة لمدة دقيقة, وبعدين اغسليها بالمية.

روتين العناية بالمنطقة الحساسة عشان تحافظي عليها صحية

روتين العناية بالمنطقة الحساسة
روتين العناية بالمنطقة الحساسة

مقالات متعلقه

اهم نصايح لنضافتك الشخصية لازم تعرفيها

اهم نصايح لنضافتك الشخصية لازم تعرفيها

نصايح النضافة الشخصية اللي لازم كل بنت تعملها

نصايح النضافة الشخصية اللي لازم كل بنت تعملها

روتين العناية بالمنطقة الحساسة عشان تحافظي عليها صحية

روتين العناية بالمنطقة الحساسة عشان تحافظي عليها صحية