طريقة عمل نوتيلا براونيز بمكونين اتنين بس
النهاردة جايبين لكل بنات حوا اسهل واسرع وصفة حلويات ممكن تعمليها وهي نوتيلا براونيز, كل اللي انتي محتاجاه للوصفة هما مكونين اتنين بس, يعني مش هتكلفك وكمان مش هتاخد منك اي وقت لو عايزة حاجة حلوة سريعة وسهلة.
نوتيلا براونيز:
المكونات:
– كوباية كبيرة شوكولاتة نوتيلا.
– 4 بيضات كبار.
الطريقة:
1- سخني الفرن على 170 درجة تقريبا.
2- اكسري البيض واخفقيه في العجان لحد ما يبقى خفيف وكريمي ولونه اصفر فاتح, تقريبا حوالي من 6 – 8 دقايق.
3- سيحي النوتيلا في الميكروويف لو متوفر عندك لمدة 15 ثانية, ولو مش متوفر ممكن تسيحيها على حمام مية سخنة.
4- بعد ما النوتيلا تسيح وتبقى سايله وكريمي, ضيفيها للبيض, واضربيهم مع بعض تاني.
5- هاتي الصينية بتاعتك حطي فيها ورق زبدة, وصبي فيها خليط النوتيلا وساويه كويس.
6- دخلي الصينية في الفرن لمدة من 25 – 30 دقيقة.
7- وكده يبقى البراونيز بتاعنا جاهز, طلعيه من الصينية وقطعية مربعات, وقدميه.