بالخطوات وصفة مافن فطيرة التفاح او الـ Apple Pie Muffins السهلة والسريعة
وصفة مافن فطيرة التفاح او الـ Apple Pie Muffins السهلة والسريعة بتعتبر من أحلى الوصفات الحلوسات الجديدة اللي ممكن تعمليها لفطار سريع الصبح او كسناك تاخديه معاكي الشغل، وكمان حلوة في اللانش بوكس للأولاد في المدرسة، سريعة وسهلة وبمكونات غير مكلفة، خلينا نقولك الخطوات على طول
بالخطوات وصفة مافن فطيرة التفاح او الـ Apple Pie Muffins السهلة والسريعة
وقت التحضير
40 دقيقة.
المقادير
كوبايتين وربع دقيق متعدد الأغراض
ملعقة أكل بيكينج بودر
نص ملعقة صغيرة ملح
بيضة
كوباية لبن
نص كوباية زبدة سايحة
ملعقة أكل من خلاصة الفانيليا
كوباية ونص سكر بني
كوبايتين تفاح متقطع
ملعقة قرفة مطحونة
الخطوات
1- سخني الفرن على 190 درجة مئوية وادهني 12 ورقة من ورق الكب كيك او ورق المافن بالزبدة ورصيهم في القالب المخصص.
2- في طبق كبير امزجي كوبايتين وربع من الدقيق مع البيكينج بودر والملح وقلبيهم كويس، في بولة تانية أصغر امزجي البيضة مع اللبن ونص كوباية من الزبدة السايحة والفانيليا وكوباية ونص من السكر البني وقلبي كويس لحد ما السكر يدوب ويختفي. ضيفي المزيج ده على مزيج الدقيق و ضيفي عليهم التفاح المتقطع وقلبي كل المكونات كويس مع بعضها ، وصبي من المزيج في قوالب الكبك كيك او المافن لحد الآخر.
3- في بولة تانية صغيرة امزجي نص كوباية صغيرة من السكر البني وتلت كوباية من الدقيق مع القرفة وبعد كده ضيفي عليهم ملعقتين من الزبدة السايحة واضربيهم كلهم مع بعض بالشوكة، ورشي من الخليط ده على المافن.
4- اخبزيها في الفرن لمدة 25 دقيقة في الفرن المسخن مسبقًا ، أو لحد لما تضغطي على المافن من فوق تنزل لتحت وترتفع مرة تانية كده تبقى اكتلمت النضج.
إقتراح التقديم :
ممكن ترشي عليها سكر بودرة وتحطي جنبها شرائح من التفاح المتقطع للتزيين، اعرفي معانا كمان طريقة عمل كيكة الجبنة اليابانية الهشة بالخطوات والفيديو
