ازاي تستخدمي زيت حبة البركة لنمو الشعر وعلاج الصلع

بقلمريهام محمود فيشعر visibility793

مشكلة تساقط الشعر من المشاكل اللي كل البنات تقريبا بيعانوا منها, والطبيعي اننا نفقد يوميا من 50 – 100 شعرة, لكن لو المعدل زاد عن كده المفروض تبدأي تقلقي وتدوري على حل للمشكلة لان حلها في وقت بدري مش بس هيساعد على التخلص من المشكلة ولكن كمان هيعيد نمو شعرك اللي فقدتيه, والنهاردة في المقال بتاعنا هنتعرف مع بعض على فوايد ووصفات طبيعية من زيت حبة البركة لنمو الشعر “والمعروف كمان بزيت الحبة السوداء او زيت الكمون الاسود”, وازاي انه ممكن يساعدك على التخلص من مشكلة تساقط الشعر واعادة نموه وعلاج الصلع.

فوايد زيت حبة البركة للشعر:

1- الحفاظ على صحة فروة الراس:

زيت حبى البركة بيحتوي على خصائص مضادة للالتهابات ومضادة للفطريات والجراثيم ومضادة للفيروسات, ومسكنات بتساعد على الحفاظ على صحة فروة الراس, وبيعالج مشاكل زي قشرة الشعر, الصدفية, والاكزيما, وبيساعد كمان في الحفاظ على ترطيب فروة الراس وتحقيق التوازن في انتاج الزيوت.

2- تحفيز نمو الشعر:

زيت حبة البركة بيحتوي على النيجيلون والثيموكينون, والاتنين يعتبروا من مضادات الهيستامين القوية, وعادة بتتوصف مضادات الهستامين للمرضى اللي بيعانوا من الثعلبة, ويعتبر استخدام زيت حبة البركة طريقة آمنة للاستفادة من مضادات الهيستامين لاعادة نمو الشعر من غير ما تحتاجي تاخدي ادوية.

3- منع تساقط الشعر:

دي تعتبر من اكبر الفوايد لزيت حبة البركة, لانه من افضل المكونات اللي ممكن تستخدميها لعلاج تساقط الشعر, زيت حبة البركة بيحتوي على اكتر من 100 عنصر غذائي مختلف اللي تعتبر مصادر غنية لتغذية بصيلات الشعر, وبالتالي ده هيقلل من التساقط وهيرجع للشعر صحته.

4- منع الشيب:

زيت حبة البركة معروف بفعاليته في منع وعكس اللون الابيض, لانه بيحتوي على حمض اللينوليك اللي بيمنع استنزاف خلايا الاصباغ في بصيلات الشعر, وده بيخليه فعال جدا كمان للاشخاص اللي بيعانوا من البهاق.

5- ترطيب الشعر:

الزهم هو الزيت الطبيعي اللي بتنتجه فروة راسك عشان تحافظ على رطوبة شعرك وتغذيته, لكن مش كل الاشخاص فروة راسهم بتنتج نفس كمية الزهم, وده اللي بيخلي نوع الشعر يختلف من حد للتاني ما بين الجاف والدهني, زيت حبة البركة هنا بيساعد على الحفاظ على انتاج الزيت على فروة راسك, وده بيضمن ان الشعر يحافظ على رطوبته من غير ما يبقى دهني اوي او مزيت.

زيت حبة البركة غني بالاحماض الامينية الدهنية, اللي بتساعد على الحفاظ على الرطوبة في شعرك, وبالتالي بيمنع الهيشان وبيخليه سهل التعامل معاه.

6- بيمنع تلف الشعر:

الجذور الحرة ممكن تسبب تلف في فروة الراس والشعر, وزيت حبة البركة بيحتوي على مضادات الاكسدة اللي بتمنع اثار الجذور الحرة, وده بيحافظ على صحة شعرك وفروة الراس وبيعالج التلف.

7- تعزيز الدورة الدموية:

زيت حبة البركة بيحتوي على الاوميجا 3 و 6 جزئيات حيوية بتحفز الدورة الدموية, وده بيساعد على تعزيز نمو الشعر بسرعة خلال اسابيع.

تقدري تستخدمي زيت حبة البركة لوحده, او مع مكونات تانية عشان تزودي من فاعليته, دلوقتي هنشوف مع بعض مجموعة وصفات طبيعية من زيت حبة البركة لمنع تساقط الشعر وتعزيز نموه.

زيت حبة البركة لنمو الشعر
زيت حبة البركة لنمو الشعر

وصفات زيت حبة البركة لنمو الشعر ومنع التساقط:

1- وصفة زيت حبة البركة:

المكونات:

2 معلقة كبيرة زيت حبة البركة:

الطريقة:

1- حطي زيت حبة البركة على كفك وافركي الكفين في بعض شوية بحيث انه الزيت يبقى دافي.

2- دلكي الزيت على فروة الراس, وركزي على الاماكن اللي فيها فراغات اكتر.

3- مجرد ما فروة الراس كلها تبقى متغطية بالزيت, دلكي الزيت على الشعر كله من الجذور للاطراف.

4- سيبي الزيت على الشعر من 30 دقيقة لساعة, وبعدها اغسليه بالشامبو العادي بتاعك.

كرري الوصفة من 2 – 3 مرات في الاسبوع.

زيت حبة البركة لنمو الشعر
زيت حبة البركة لنمو الشعر

2- وصفة زيت حبة البركة وزيت الزيتون:

المكونات:

1 معلقة كبيرة زيت حبة البركة.

1 معلقة كبيرة زيت زيتون.

الطريقة:

1- في بولة صغيرة اخلطي زيت حبة البركة مع زيت الزيتون.

2- دلكي الخليط على فروة الراس كويس, وعلى الشعر كله من الجذور للاطراف.

3- سيبيه من 30 دقيقة لساعة, وبعدها اغسليه بالشامبو.

كرري الوصفة من 2 – 3 مرات في الاسبوع.

الوصفة دي مناسبة جدا لاصحاب الشعر الدهني والمختلط, زيت الزيتون مكون ممتاز جدا لتنعيم الشعر, وعلاج تساقط الشعر, علاج انقسام اطراف الشعر, وزيادة نمو الشعر, وزيت الزيتون لما يتخلط مع زيت حبة البركة ممكن انه يساعد على علاج قشرة الشعر, وبيحافظ على نضافة فروة الراس بنسبة 100%.

زيت حبة البركة لنمو الشعر

3- وصفة زيت حبة البركة وزيت جوز الهند:

المكونات:

1 معلقة كبيرة من زيت حبة البركة.

1 معلقة كبيرة من زيت جوز الهند.

الطريقة:

1- امزجي زيت حبة البركة مع زيت جوز الهند وسخنيهم مع بعض على النار لمدة ثواني لحد ما يبقى دافي بس.

2- دلكي الخليط على فروة الراس لمدة 15 دقيقة, وبعدين دلكي الشعر كله لحد الاطراف.

3- سيبي الخليط على الشعر لمدة 30 دقيقة, وبعدها اغسليه بالشامبو.

كرري الوصفة من 2 – 3 مرات في الاسبوع.

الوصفة دي مناسبة للشعر العادي, زيت جوز الهند بيحتوي على خصائص بتخليه يدخل لجوه الشعر والبصيلات بعمق وتغذيتها بالمغذيات اللازمة, ولما بيتخلط مع زيت حبة البركة بيزود فعاليته في علاج تساقط الشعر.

زيت حبة البركة لنمو الشعر

4- وصفة زيت حبة البركة وزيت الخروع:

المكونات:

1 ½ معلقة كبيرة زيت حبة البركة.

½ معلقة كبيرة من زيت الخروع.

الطريقة:

1- في طبق صغير اخلطي زيت حبة البركة مع زيت الخروع.

2- دلكي الخليط على فروة الراس كويس, وبعدين دلكي بيه الشعر كله لحد الاطراف.

3- سيبيه لمدة من 30 دقيقة لساعة, وبعدها اغسليه بالشامبو.

كرري الوصفة من 2 – 3 مرات في الاسبوع.

الوصفة دي مثالية جدا للشعر الجاف, زيت الخروع معروف بخصائصة المعززة لنمو الشعر, وغني بخصائص مضادة للفطريات والجراثيم, وكمان غني بفيتامين E والمعادن والبروتينات واحماض اوميجا 1 و 2 الدهنية, وده بيساعد على زيادة كثافة الشعر, ولما بيتخلط مع زيت حبة البركة, بيساعد على منع تساقط الشعر وتعزيز نمو الشعر بشكل صحي وسريع.

زيت حبة البركة لنمو الشعر

5- وصفة زيت حبة البركة والليمون:

المكونات:

عصير ليمونة.

2 معلقة كبيرة زيت حبة البركة.

الطريقة:

1- دلكي فروة الراس بعصير الليمون, وسيبيه 15 دقيقة, وبعدين اغسليه بشامبو خفيف.

2- سيبي الشعر ينشف بعد الغسيل, وبعدها دلكي زيت حبة البركة على فروة الراس لمدة 10 دقايق, وبعدين ادهني الشعر كله بالزيت لحد الاطراف.

3- سيبي الزيت على الشعر طول الليل, واغسليه تاني يوم الصبح بالشامبو.

كرري الوصفة من 1 – 2 مرة في الاسبوع.

الليمون غني بفيتامين C وده بيساعد على زيادة مستويات الكولاجين في فروة الراس, ومحتوه الحمضي كمان بيوازن الرقم الهيدروجيني لفروة الراس, ومع ذلك متخليهوش على الشعر اكتر من 15 دقيقة بس لانه ممكن يسبب الجفاف للفروة, كمان اتجنبي الوصفة دي لو فروة راسك حساسة لان عصير الليمون ممكن يسبب تهيج واحمرار, والوصفة دي تعتبر مثالية للشعر الدهني.

6- وصفة زيت حبة البركة والعسل:

المكونات:

½ كوباية من زيت جوز الهند.

1 معلقة كبيرة عسل.

1 معلقة كبيرة زيت حبة البركة.

فوطة دافية.

الطريقة:

1- اخلطي المكونات كلها مع بعض لحد ما يتكون عندك خليط سلس وناعم.

2- دلكي الخليط على فروة الراس كويس, وبعدين ادهني الشعر كله لحد الاطراف.

3- غطي شعرك بفوطة دافية عشان الشعر يمتص المكونات بشكل اكبر والماسك يجيب نتيجة احسن.

4- سيبيه على الشعر من 20 دقيقة لساعة, وبعدين اغسليه بالشامبو.

كرري الوصفة مرة واحدة في الاسبوع.

العسل يعتبر مرطب طبيعي للشعر, وبيحافظ على رطوبة الشعر وتنعيمه, وممكن كمان تشربي خليط عبارة عن كوباية مية مضاف ليها معلقة صغيرة من زيت حبة البركة ومعلقة كبيرة عسل, الطريقة دي من العلاجات المعروفة جدا لعلاج تساقط الشعر, بالاضافة ان ليه كمان كتير من الفوايد الصحية.

7- وصفة زيت حبة البركة والحلبة:

المكونات:

1 ½ معلقة كبيرة زيت حبة البركة.

1 معلقة كبيرة من بذور الحلبة.

2 معلقة كبيرة من زيت جوز الهند.

الطريقة:

1- اطحني الحلبة لحد ما تبقى بودر, او ممكن تجيبي من العطار حلبة مطحونة جاهزة.

2- اخلطي زيت حبة البركة وزيت جوز الهند مع الحلبة المطحونة, لحد ما تتكون عندك عجينة قوامها معقول, ولو حسيتي ان الخليط سميك اوي ممكن تضيفي عليه شوية مية عشان تخففية.

3- سيبي الخليط على جنب لمدة ساعة.

4- حطي الخليط على فروة الراس والشعر وسيبيه من 20 – 30 دقيقة, بعدها اغسليه بشامبو خفيف او شامبو طبيعي, وسيبي الشعر ينشف بشكل طبيعي.

كرري الوصفة مرة واحدة في الاسبوع.

زيت جوز الهند والحلبة لما بيتجمعوا مع بعض يعتبروا علاج فعال جدا لمشاكل الشعر زي تساقط الشعر, والشعر الخفيف, وبيساعد على لمعان وتقوية الشعر, الحلبة تعتبر مصدر كبير للبروتين والنيكوتين اللي بيعزز نمو الشعر, والليسيثين اللي بيخلي الشعر قوي وصحي, والوصفة دي بتغذي جذور الشعر وبتحسن صحة فروة الراس.

ولان زيت حبة البركة تقيل ومش بسهولة بيروح من الشعر, افضل طريقة عشان تتخلصي من كل اثار الزيت من على شعرك, انك تغسليه بشامبو خالي من الكبريتات مرتين في الاسبوع, ده هيخلي فروة راسك نضيفة وخالية من اي زيوت زيادة.

وعلى الرغم ان زيت حبة البركة يعتبر مالوش اثار جانبية, ولكن الافضل برضه انك تختبريه على جزء صغير قبل الاستخدام لانه ممكن يسبب حساسية شديدة لبعض الاشخاص, او يسبب ظهور بثور على الفروة.

كمان ممنوع للحوامل يستخدموا الزيت لو جلدك حساس اوي, الافضل استشارة الدكتور قبل استخدمه.

8 طرق ديتوكس لفروة الراس هتخلي شعرك ينمو كثيف وصحي

طرق ديتوكس لفروة الراس