موضة الجاكيت الطويل Long Coat للمحجبات في الخريف وأفكار إزاي تلبسيه

آية حسان
آية حسان
3763

مع كل موسم جديد بتبدأ الموضة تتغير، وبما ان الخريف بدأ خلاص ومعاه بتبدأ تريندات جديدة تظهر في عالم الأزياء، في المقال ده هنعرفك على تريند أو موضة الجاكيت الطويل Long Coat للمحجبات في الخريف وأفكار إزاي تدخليه في تنسيقات مختلفة للستايل بتاعك

موضة الجاكيت الطويل Long Coat للمحجبات في الخريف وأفكار إزاي تلبسيه

النوع ده من الجاكيت هتلاقيه متوفر في خامات متعددة زي الصوف والكشمير والجلد وكمان التريكو، وطبعا بألوان مختلفة لكن بيغلب عليه درجات البني والبيج، المميز في النوع ده من الجاكيت انه تقدري تلبسيه بسهولة وفي كل مرة هيطلع شكله حلو وشيك من غير مجهود كبير، كل اللي محتاجه تعمليه هو انك تلبسي بنطلون بلون مناسب مع تيشيرت ، أو قميص ، أو بلوزة تحت الجاكيت أو الـ coat وبكده هتكوني خلصتي.

إزاي تختاريه؟ 

اختاري الجاكيت يكون طوله قبل منطقة كعب الرجل بحاجة بسيطة، ده هيخليكي تباني أطول من طولك المعتاد لو لبستي الجاكيت مع شوز بكعب مناسب، وعشان تتأكدي انه الجاكيت مقاسك ومش ضيق احضني نفسك بإيديكى الاتنين لو حسيتي انه في ضيق او شد عند الكوع يبقى انتي كده محتاجة مقاس أكبر. 

كمان الجاكيت الطويل بيعتبر استثمار حلو جدا لفلوسك مهما كان تمنه مرتفع، لأنه قطعة واحدة بتقدري تلبسيها في تنسيقات وستايلات كتيرة سواء كاجوال او كلاسيك وبالليل أو بالنهار، غير كده بيعتبر قطعة ملابس أساسية في دولابك للخريف والصيف عشان تدفيكي في أيام البرد مع إنخفاض درجة الحرارة. 

اعرفي معانا كمان اكتر ستايلات جاكيت تريندي لموسم الشتا

مقالات متعلقه

ستايلات موضة للخريف والشتا السنة دي

ستايلات موضة للخريف والشتا السنة دي

قطع تريندي لموسم الخريف السنة دي

قطع تريندي لموسم الخريف السنة دي

7 قطع تريندي للخريف في 2022

7 قطع تريندي للخريف في 2022