ترتيب وضع منتجات العناية بالبشرة عشان تديكي افضل النتايج

بقلمريهام محمود فيبشرة visibility196

عشان منتجات العناية بالبشرة تجيب معاكي افضل النتايج, يبقى لازم تعرفي استراتيجية تطبيق المنتجات على البشرة لو عايزاها تبقى فعالة, وده اللي هنعرفه النهاردة من خلال موضوعنا هنقولك ترتيب وضع منتجات العناية بالبشرة.

ترتيب وضع منتجات العناية بالبشرة:

كقاعدة عامة, ابدأي الاول بوضع المنتجات الاخف, والمائية, وبعدها حطي الكريمات الاتقل واخر حاجة الزيوت, ودلوقتي هنقولكم بالخطوات حسب نصايح اكبر اتنين من دكاترة الجلدية, ترتيب المنتجات وتحطيها امتى.

1- الخطوة (1): التقشير والتنضيف:

اول حاجة تعمليها اول ما تصحي من النوم, انك تغسلي بشرتك بالغسول, ودكاترة الجلدية بينصحوا لو انتي من اصحاب البشرة الجافة, استخدمي غسول خفيف مع مكونات مرطبة زي السيراميد او الجليسرين او الزيت, اللي بيساعد على تهدئة البشرة وتنضيفها من غير ما يسبب جفافها.

بالنسبة لصاحبات البشرة المعرضة لحب الشباب والدهنية, استخدمي غسول رغوي يكون بيحتوي على مكونات زي حمض الجليكوليك او حمض الساليسيليك.

ومرة واحدة في الاسبوع تعملي تقشير قبل الغسول لازالة خلايا الجلد الميتة لانها بتسد مسام البشرة وتخلي الجلد ميمتصش المكونات النشطة اللي في المنتجات وبالتالي مش هيستفاد بيها, والتقشير قبل الغسول ممكن انه يساعد في ترطيب بشرتك ويخليها مستعدة لباقي روتين العناية بالبشرة.

ترتيب وضع منتجات العناية بالبشرة
ترتيب وضع منتجات العناية بالبشرة

2- الخطوة (2): التونر او الايسنس:

بمجرد تنضيف البشرة, هتكون الخطوة التانية هي التونر او الايسنس essence “هو تونر كريمي ومرطب اكتر”, التونر العادي استخدميه لو بشرتك دهنية, ولكن النوع التاني اللي هو الايسنس هيكون مناسب ليكي لو بشرتك جافة.

التونر كمان من الحاجات اللي بتساعد على التخلص من خلايا الجلد الميت, دايما دوري على التونر اللي بيحتوي على مكونات زي حمض الجليكوليك, عشان يوازن البشرة, لكن متستخدميش منها كتير عشان متسببيش جفاف البشرة.

وبدل التونر ممكن تستخدي الايسنس, بيساعد على تحسين امتصاص البشرة للسيروم والكريمات, بيقلل من الخطوط الرفيعة والتجاعيد وبيحسن من ملمس البشرة الغير متساوي, وعلى عكس التونر العادي اللي ممكن تحطي منه كام نقطة على قطعة قطن وتمسحي بيها البشرة, النوع ده ممكن تحطي منه كام نقطة على اطراف صوابعك, ودلكيه على البشرة بخفه لحد ما تمتصه.

ترتيب وضع منتجات العناية بالبشرة
ترتيب وضع منتجات العناية بالبشرة

3- الخطوة (3): كريم العين:

قبل استخدام اي منتجات تانية على البشرة, دكاترة الجلدية بينصحوا بوضع طبقة من كريم العين الاول, لان المنطقة دي هي اكتر منطقة حساسة في الوش, وعشان متتعرضش لاي مكونات تانية قاسية ومش مناسبة الافضل تبدأي بيها, لان كريم العين بيحمي المنطقة دي من اي مكونات قاسية تانية هتحطيها على وشك.

ترتيب وضع منتجات العناية بالبشرة

4- الخطوة (4): اي علاجات او وصفات موضعية:

العلاجات او الوصفات الطبية هي اكتر المنتجات اللي بتحتوي على مكونات نشطة فعالة, واكيد عايزة انها تشتغل كويس على بشرتك وتديكي نتايج كويسة, يعني على سبيل المثال لو بتستخدمي علاج لحب الشباب, حطيه على المناطق اللي فيها حبوب الاول عشان يجيب معاكي افضل النتايج.

5- الخطوة (5): وضع السيروم مضاد للاكسدة او الريتينول:

دلوقتي تيجي خطوة السيروم, والافضل انك تستخدمي سيروم للنهار وسيروم ليلي قبل النوم, والسيروم مهم جدا قبل وضع الكريم المرطب لانه بيساعد على الترطيب وتقليل الخطوط الرفيعة, دوري دايما على السيروم اللي بيحتوي على مكونات زي فيتامين C, للتفتيح ويعتبر افضل سيروم للاستخدام النهاري تحت المرطب, او تستخدمي الريتينول اثناء الليل قبل النوم لتقليل التجاعيد والخطوط الرفيعة.

6- الخطوة (6): وضع المرطب او الصن بلوك:

دلوقتي الخطوة الاخيرة وهي المرطب اللي بتحافظ على الرطوبة جوه الجلد, ودكاترة الجلدية بينصحوا بوضع المرطب والجلد رطب شوية عشان تحافظي على رطوبة البشرة بقدر الامكان.

خلال فترة النهار ممكن تستخدمي مرطب بيحتوي على الاقل على SPF 30, عشان تحمي بشرتك من الشمس, ولو هتستخدمي مرطب خالي من عامل الحماية من الشمس, يبقى حطي الصن بلوك بعد المرطب, لانه لو حطتيه قبل المرطب ممكن المكونات اللي في المرطب تعطل عمل المكونات اللي في واقي الشمس وتغير الخصائص بتاعته, وده هيلغي فعاليته في حماية البشرة من الشمس, حطي المرطب الاول واستني 10 دقايق او اكتر وبعدين حطي الصن بلوك.

روتين تفتيح البشرة: 5 طرق مذهلة لاستخدام الليمون لتبييض البشرة

الليمون لتبييض البشرة