5 طرق مختلفة لفرق الشعر..واعرفي ايه الفرق المناسب لشكل وشك

ريهام محمود
ريهام محمود
في
شعر
7258

مش ضروري عشان تغيري في اللوك بتاعك انك تصبغي شعرك او تستخدمي اكسسوارات للشعر, اوقات ممكن تغيير بسيط جدا يعملك ريفريش وتجديد للوك بتاعك, والنهاردة هنشارك مع بنات حوا طرق فرق الشعر باكتر من ستايل مختلف, واعرفي ايه الفرق المناسب لشكل وشك.

طرق فرق الشعر:

1- الفرق من النص:

ده تقريبا الفرق التقليدي الكلاسيكي, واللي موجود من زمان جدا ويعتبر من ستايلات السبعينات, الستايل ده في فرق الشعر مناسب لاي مناسبة واي وقت وكمان لاي شكل وش,, وعشان تعمليه ويطلع معاكي مظبوط استخدمي طرف المشط الرفيع, لان لو استخدمتي اسنان المشط ممكن يحصل تشابك للشعر.

طرق فرق الشعر 1
طرق فرق الشعر 1

2- فرق مايل:

الفرق المايل, من الستايلات اللي بتساعد على تنحيف الوش العريض, وعشان تعملي الفرق ده بسهولة, ابدأي الفرق من اول الزاوية الخارجية للحاجب وامشي بالفرق للجنب التاني, والفرق ده مناسب مع لم الشعر عشان يبان, ممكن تعملي كحكة او ديل حصان.

طرق فرق الشعر 2
طرق فرق الشعر 2

3- الفرق العميق من الجنب Deep side part:

ده بيكون فرق من الجنب ولكن اكتر من الفرق الجانبي العادي, بتاخدي شعر اكتر على جنب واحد, ولو انتي صاحبة وش مدور الفرق ده هيناسبك جدا, بس جيبي الشعر على الوش شوية زي ما هو باين في الصورة اللي قدامنا, وكمان مناسب لصاحبة الوش على شكل قلب.

طرق فرق الشعر 3
طرق فرق الشعر 3

4- الفرق المتعرج Zigzag part:

الفرق ده مناسب لاي شكل وش, ومن الستايلات اللي بتدي حجم اكبر لجذور الشعر, وتقدري تتحكمي في الزجزاج تعمليه اجزاء كبيرة او صغيرة حسب ما تفضلي.

طرق فرق الشعر 4

5- الفرق من الجنب:

ده الفرق من الجنب العادي, ومن الستايلات كمان اللي بتليق على اي شكل وش, وعشان تعملي فرق كاجوال اكتر استخدمي صوابعك في فرق الشعر بدل المشط, والفرق عادة بيكون من منتصف الحاجب, والطريقة دي كمان ليها ميزة انها ممكن تدي حجم اكبر للشعر الخفيف.

طرق فرق الشعر 5

الادوات اللي محتاجاها:

عشان الفرق يطلع معاكي مظبوط, اول حاجة رطبي شعرك شوية, واعملي الفرق اللي تختاريه, وبعدين حطي موس على الجذور, وبعدها استخدمي مشط على الجذور عشان تقدري تتحكمي فيها اثناء تجفيفها بالسيشوار.

طرق فرق الشعر 6

شوفي بالفيديو ستايلات مختلفة لفرق الشعر:

مقالات متعلقه

4 ستايلات مختلفة للشعر باستخدام المكواة

4 ستايلات مختلفة للشعر باستخدام المكواة

10 تسريحات شعر صيفية مثالية لايام الصيف الحر

10 تسريحات شعر صيفية مثالية لايام الصيف الحر

9 طرق تقصي بيهم القوصة ال Curtain لكل اطوال الشعر

9 طرق تقصي بيهم القوصة ال Curtain لكل اطوال الشعر