7 استخدامات مذهلة لمحلول العدسات في المكياج

ريهام محمود
ريهام محمود
في
مكياج
5474

هل فكرتي قبل كده ان محلول العدسات اللاصقة ممكن يكون ليه استخدام في المكياج؟ الحقيقة ان هو فعلا ليه طرق مختلفة لاستخدامة, وبنات حوا زي ما دايما بتحب تشارككم الحيل والنصايح الجديدة, النهاردة هنقولكم على 7 استخدامات لمحلول العدسات للمكياج.

استخدامات لمحلول العدسات للمكياج:

1- تصليح الماسكارا الجافة:

لو اشتريتي ماسكارا غالية وبعد فترة لقتيتها نشفت, هتعملي ايه في الحالة دي؟ بعض الاشخاص بيضيفوا لها زيت اطفال او مية عشان يرجعوا قوامها تاني, ولكن ده مش الحل الافضل لانها ممكن تسيح الماسكارا.

في الحالة دي الحل هيكون في محلول العدسات, ضيفي 5 نقط من المحلول في الماسكارا, ولو الماسكارا بقالها كذا شهر وجافة اوي ضيفي لها 8 نقط من المحلول هيساعد انه يرجع لها القوام بتاعها, بس خلي بالك انك متزوديش في كمية المحلول لانه ممكن يخلي الماسكارا سايلة اوي وتبوظ منك.

استخدامات لمحلول العدسات للمكياج 1
استخدامات لمحلول العدسات للمكياج 1

2- اظهار لون الايشادو:

لو دايما بتحسي ان الايشادو بتاعك لونه باهت ومش زاهي, وعايزة اللون يبقى كثيف ومشرق اكتر وتظهريه.

ببساطة بلي فرشة الايشادو بمحلول العدسات, وبعدين خدي من الايشادو وطبقيه على العيون, لكن خلي بالك انك متبليش الفرشة بمحلول زيادة, عشان ميسيحش الايشادو, يادوب بس خلي الفرشة رطبه بالمحلول هيظهر لون الايشادو اكتر.

استخدامات لمحلول العدسات للمكياج 2
استخدامات لمحلول العدسات للمكياج 2

3- تصليح الايلاينر السائل:

لو الايلاينر السائل بتاعك نشف تقدري كمان تستخدمي محلول العدسات عشان تصلحيه بكل سهولة.

كل اللي هتعمليه حطي 3 نقط من محلول العدسات للايلاينر السائل, وامزجيها كويس معاه وهتحصلي على تركيبة ايلاينر رطبة وكريمية, وهتقدري ترسمي بيه بسهولة خو متساوي على العين.

استخدامات لمحلول العدسات للمكياج 3
استخدامات لمحلول العدسات للمكياج 3

4- اعملي بيه لون ايلاينر خاص بيكي:

لو عايزة تجربي الايلاينر الملون, والميزانية بتاعتك مش سامحة انك تشتري, او عايزة تجربي اللون الاول قبل ما تشتريه, جربي الحيلة المذهلة دي.

كل اللي هتعمليه اخلطي لون الايشادو المفضل بتاعك مع شوية من محلول العدسات في اي علبة صغيرة نضيفة عندك, وبكده هيبقى عندك ايلاينر سائل بلون مشرق وكثيف وانتي اللي مختاراه وعملاه بنفسك, تقدري تختاري اي لون انتي عايزاه من اول الاخضر, الازرق, البينك, لحد الاسود, وتحوليه بكل سهولة بالمحلول لايلاينر, والاكتر كمان انك تقدري تستخدمي الايشادو المكسور عندك مع المحلول تعملي بيه الايلاينر, يعني لو عندك ايشادو اتكسر هتقدري تستفادي منه وتحوليه لايلاينر بخطوة واحدة.

استخدامات لمحلول العدسات للمكياج 4
استخدامات لمحلول العدسات للمكياج 4

5- تنضيف خط المية على العين لاظهار الايلاينر اكتر:

لو الايلاينر او الكحل بيطلع شكله باهت وممل على عينك وعايزة تظهريه استخدمي الحيلة دي.

كل اللي هتعمليه اغمسي قطعة قطن في محلول العدسات, وامسحي بيه خط المية بتاع العين او “Waterline” وهو الخط اللي بيكون جوه الجفن اللي تحت, وسيبي المحلول لمدة ثواني لحد ما العين تجف تماما, وبعدين طبقي الايلاينر او الكحل بتاعك عشان يبقى يظهره مشرق اكتر.

استخدامات لمحلول العدسات للمكياج 5

6- لتصليح لغبطة الايشادو:

لو وانتي بتحطي الايشادو اتلغبط منك, ومش هتقدري تغسليه عشان متوبوظيش باقي المكياج, في الحالة دي تقدري تستخدمي محلول العدسات.

اغمسي قطعة قطن في المحلول وامسحي بيها الايشادو.

استخدامات لمحلول العدسات للمكياج 6

7- للتخلص من المكياج الزائد:

لو لاحظتي بعد ما خلصتي المكياج بتاعك انك في تراكم مكياج زيادة على وشك وخصوصا عند منطقة خط الفك, رطبي قطعة قطن بمحلول العدسات وامسحي المكياج الزيادة.

استخدامات لمحلول العدسات للمكياج 7

مقالات متعلقه

7 حيل مكياج محتاجة تعرفيهم هتحسن مكياجك

7 حيل مكياج محتاجة تعرفيهم هتحسن مكياجك

خدعة فعالة بالآيلاينر ترفعي بيها الجفون المترهلة في 3 ثواني

خدعة فعالة بالآيلاينر ترفعي بيها الجفون المترهلة في 3 ثواني

7 حيل تجميلية مفيدة هتساعدك توفري فلوسك

7 حيل تجميلية مفيدة هتساعدك توفري فلوسك