روتين العناية بالبشرة للعروسة قبل يوم الفرح

بقلمريهام محمود فيبشرة visibility313

اي عروسة قبل يوم فرحها بتبقى عايزة تحضر بشرتها لليوم ده عشان تبقى صافية ونضرة وخالية من اي عيوب, والنهاردة احنا هنساعد كل عرايس بنات حوا في المهمة دي وهنقولك روتين العناية بالبشرة للعروسة قبل يوم الفرح.

روتين العناية بالبشرة للعروسة:

الروتين ده هبتدأي فيه قبل الفرح بشهر على الاقل, هيساعدك ان بشرتك يوم الفرح تبقى نضرة وصحية, وخالية من العيوب.

1- الخطوة الاولى: ابدأي يومك بمشروب تبييض البشرة:

عصير الجزر والبنجر يعتبر واحد من اقوى المشروبات اللي بتساعد تبييض البشرة والحصول على بشرة متوهجة بشكل طبيعي.

المكونات:

½ ثمرة بنجر متوسطة الحجم متقشرة.

4 حبات جزر.

¼ بوصة من الزنجبيل.

عصير ½ ليمونة.

½ كوباية مية.

طريقة التحضير:

هاتي الخضار اغسليه كويس وقشرية, وقطعيه قطع صغيرة, حطي كل الخضار في الخلاط, وضيفي لهم عصر الليمون, والمية, واضربيهم مع بعض كويس, وكده يبقى مشروب تبييض البشرة جاهز.

اشربيه كل يوم الصبح اول ما تقومي من النوم على الريق.

روتين العناية بالبشرة للعروسة
روتين العناية بالبشرة للعروسة

2- الخطوة التانية: اشربي شاي اخضر:

ابدأي بشرب اخضر كل يوم, الشاي الاخضر مش بس هيساعدك على التخلص من الوزن الزيادة, لكن كمان هيخلي بشرتك تبان اصغر.

اتأكدي من شرب كوباية شاي اخضر بعد كل وجبة, ومتشربيش الشاي الاخضر ابدا على معدة فاضية, لازم يكون بعد الوجبة.

روتين العناية بالبشرة للعروسة
روتين العناية بالبشرة للعروسة

3- الخطوة التالتة: سكراب للجسم:

سكراب الجسم مهم جدا عشان تتخلصي من كل الجلد الميت اول باول, اعملي السكراب ده مرتين في الاسبوع.

المكونات:

2 معلقة كبيرة من زيت جوز الهند.

1 معلقة كبيرة من زيت الزيتون.

¼ كوباية قهوة.

¼ كوباية سكر.

1 معلقة كبيرة ملح البحر.

طريقة التحضير:

اخلطي كل المكونات مع بعض, وكده يبقى سكراب الجسم جاهز عندك, رطبي الجسم الاول بمية سخنة عشان تفتحي المسام, وخدي من السكراب, وابدأي اعملي تدليك للجسم من تحت لفوق في حركات دائرية لمدة 10 دقايق وبعدها اغسلي الجسم.

روتين العناية بالبشرة للعروسة

4- الخطوة الرابعة: ماسك البشرة:

ماسك الافوكادو لتغذية وترطيب البشرة:

المكونات:

اخلطي ½ ثمرة افوكادو مهروسة, مع 1 معلقة صغيرة عسل, و1 معلقة صغيرة من زيت اللوز الحلو, امزجي المكونات كلها مع بعض, حطي الخليط على البشرة وسيبيه لمدة 15 دقيقة, وبعدين اغسليه, ممكن تكرري الماسك ده من 2 – 3 مرات في الاسبوع.

ماسكات للهالات السودا:

– هاتي شريحتين خيار حطيهم في التلاجة لمدة 30 دقيقة, وبعدين طلعيهم وحطيهم على عينكي لمدة 15 دقيقة, بعدها اغسلي وشك بالمية الباردة, وامسحيه بقطنة مبللة بمية الورد, كرريها من 2 – 3 مرات في الاسبوع.

– هاتي شريحتين بطاطس, حطيهم على العين لمدة 15 دقيقة, وبعدها اغسلي بشرتك وامسحيها بقطنة ومية ورد.

ماسكات لتفتيح البشرة:

– اخلطي 2 معلقة دقيق, مع معلقة عصير طماطم, امزجيهم مع بعض كويس, حطي الخليط على البشرة لمدة 15 دقيقة, وبعدها اغسلي البشرة بالمية الفاترة.

– اخلطي 1 معلقة عصير ليمون, مع 2 معلقة عسل, امزجي المكونات مع بعض كويس, حطي الخليط على البشرة لمدة 10 دقايق, وبعدين اغسليه بالمية الفاترة.

ماسك لترطيب البشرة:

اخلطي معلقة زيت لوز حلو, مع معلقة زيت زيتون, ومعلقة زيت جوز هند, معلقة زيت عباد الشمس, امزجي الزيوت مع بعض كويس, ادهني بشرتك بالخليط ده كل يوم قبل النوم واغسليه الصبح, هيرطب البشرة وينعمها جدا.

ماسك لشد البشرة وازالة الاجهاد وبهتان البشرة:

اخلطي بياض بيضة, مع 1 معلقة عصير ليمون, امزجيهم مع بعض كويس, حطي الخليط على البشرة لمدة 10 دقايق لحد ما ينشف ويشد الوش, وبعدها اغسليه بمية فاترة, كرري الماسك مرتين في الاسبوع.

روتين العناية بالبشرة للعروسة

نصايح اضافية:

– نامي كويس, خدي ساعات كافية من النوم يوميا.

– اشربي مية كتير, على الاقل 8 كوبايات في اليوم.

– حاولي تخصصي وقت للرياضة كل يوم, او تمارسي يوجا عشان تخرجي نفسك من الضغط والتوتر.

– كلي اكل صحي, حاولي تبعدي على قد ما تقدري عن الاكلات السريعة والغير صحية, واعتمدي على الاكل الصحي, وكلي خضار وفاكهة كتير.

– متنسيش ترطيب البشرة, بعد غسيل البشرة بالغسول رطبيها بالكريم المرطب المناسب.

– رطبي الجسم بعد الشاور باللوشن, او ممكن تستخدمي الزيوت الطبيعية زي زيت اللوز الحلو او زيت جوز الهند, هيرطبوا الجسم وكمان هيساعدوا على التفتيح.

– رطبي شفايفك كل يوم قبل النوم بزبدة الكاكاو.

مستحضرات التجميل الاساسية للعروسة اللي حتحتاجيها في بيتك

مستحضرات التجميل الاساسية للعروسة
مستحضرات التجميل الاساسية للعروسة