6 اختلافات بين انك تحبي شخص وانك تبقي واقعة في حبه!

بقلمريهام محمود فيحب visibility388

الحب الحقيقي مبيحصلش في لحظة, لكن بيفضل يكبر ويزيد مع الوقت, ويتطور مع المرور بحاجات كتير مع شريكك من حزن وضحك ومشاكل يعني العلاقة بتمروا فيها بحاجات كتير مع بعض, وانك تحبي شخص وانك تبقي واقعة في حبه هي مشاعر تقريبا شبه بعض ولكن مع بعض الاختلافات الرئيسية, وده اللي هنعرفه النهاردة من خلال موضوعنا هنقولك الفرق بين حب شخص وانك تقعي في حبه.

الفرق بين حب شخص وانك تقعي في حبه:

مبدئيا كده خبير العلاقات “كيمي سوجنلي” بيقول الوقوع في حب شخص ده بيجي من الافتنان والتملك والهوس بالشخص, لكن من ناحية تانية حب الشخص, بيتجاوز الوجود المادي, يعني هتحبي انك تشوفي الشخص ده بينجح, بتبقي شايفة عيوبه, بتبقي قادرة تشوفي مستقبل علاقتكم مع بعض, وانتوا الاتنين بتحفزوا وتشجعوا وتلهموا بعض.

وفي كتير من الاوقات الاشخاص مش بيعرفوا يفرقوا ما بين انهم بيحبوا شخص او انهم واقعين في حبه, لان طبيعي الانسان لما بيكون في حالة حب بيدخل في حالة ارتباك ومبيعرفش يفرق, ولكن لحسن الحظ ان في شوية اختلافات مهمة ممكن انها تساعدك تعرفي وتفرقي هل هو مجرد حب, او انك واقعة في حب الشخص ده.

1- حب شخص ما بيكون اختيار:

لو واقعة في حب شخص ده بيكون شيء لا ارادي, يعني ممكن تكوني بتحبيه وانتي مش عارفة بتحبيه ليه او مافيش اسباب معينة, ولكن لما تكوني بتحبيه هيكون اختيار وفي الحالة دي هتبذلي مجهود عشان تفضلي تحبيه والعلاقة تستمر, يعني هو الشخص اللي بتختاريه عشان تحافظي على حبك ليه.

لما تحبي شخص ما, بتكوني محتاجة انك تكوني جزء من حياته بطريقة ما, ومش لانك عايزة تمتلكي الشخص ولكن لانك انتي اللي عايزة تديه جزء من حياتك, لان حب شخص ما سواء انتي او هو كل طرف بيبقى شايف ان الطرف التاني من حقه يمتلك جزء من التاني.

لكن لما تقعي في حب شخص انتي مش هيكون عندك اختيار, وممكن تقعي في حب شخص لا تتوقعيه, لان الوقوع في الحب مش اختيار.

2- لما تقعي في حب شخص هتديه الاولوية:

لما تحبي شخص, هتحبي انك تشوفيه اكيد في احسن حال ودايما هتتمني له الافضل, ولكن لما تقعي في حبه ده معناه انك هتبذلي اقصى ما عندك عشان تساعديه على النجاح, وتخلي ليه هو الاولوية وبتحطيه قبلك في كل حاجة وبتساعديه في تحقيق اهدافه, وده هيكون حلو لو هو كمان بيتعامل معاكي بنفس الطريقة وبيعمل معاكي نفس اللي بتعمليه عشانه.

الوقوع في حب شخص بيخليكي بتفكري بعقلك بشكل اقل, وبتحطي احتياجاته ورفاهيته هو قبلك انتي, وبتكوني مستعدة لتقديم تضحيات عشانه بطريقة مش بتعمليها حتى مع افضل صديق ليكي او لاي شخص تاني بتحبيه او قريب منك.

الفرق بين حب شخص وانك تقعي في حبه
الفرق بين حب شخص وانك تقعي في حبه

3- الوقوع في الحب بيدوم للابد:

بيعدي علينا اشخاص كتير في حياتنا ممكن نحبهم, وعادة ممكن مع الوقت ومرور السنين الحب ده ينتهي.

الحب ممكن انه يروح مع الوقت ويختفي, ولكن الوقوع في الحب بيدوم للابد حتى لو الشخص ده مش موجود في حياتك دلوقتي, هتفضلي تفتكري المشاعر اللي كانت بينكم وهتفضلي تحبيه لباقي حياتك.

ولكن “الوقوع في الحب مش شرط انه يدوم فترة طويلة وده لانه زي ما قولنا في البداية بيكون قايم على الافتتان بشخص او الشهوة او الهوس بالطرف التاني بشكل ما” لانه اكيد لكل قاعدة شواذ.

4- الوقوع في الحب معناه انك دايما بتهمك سعادة الطرف التاني:

لما تحبي شخص ما هتبقي عايزاه اكيد سعيد ولكن بتكوني عايزاة يفضل معاكي انتي طول الوقت يعني سعادته مرتبطة بوجودك, ولكن لما تقعي في حب شخص سعادته هو بتكون ليها الاولوية حتى لو مش في المكان اللي انتي موجودة فيه او سعادته مش مرتبطة بسعادتك, يعني بتكوني مستعدة انك تقدمي تضحية انه يكون موجود في المكان اللي هو حاسس فيه بالسعادة والامان حتى لو مش معاكي انتي.

وعادة لما هتحبي شخص حب حقيقي بيكون جواكي رغبة انك تحققي له الافضل ليه باي شكل, حتى لو كان الافضل بالنسبة له انه ميكونش في علاقة معاكي.

وبتكوني شايفة ان تحقيق حياة سعيدة ومتوازنة معناها انك لما تقعي في حب شخص ما تبقي عارفة انه ممكن يقضي وقت بعيد عنك, ومتقبله ده.

الفرق بين حب شخص وانك تقعي في حبه
الفرق بين حب شخص وانك تقعي في حبه

5- الوقوع في الحب ثابت مش مندفع:

لما تحبي شخص ما ده ممكن يكون بشكل سريع مع اندفاع في المشاعر, ومع الوقت ممكن انها تقل او تبدأ تختفي, يعني علاقة بتبقى زي النار بتولع بسرعة وبتنطفي كمان بسرعة.

ولكن لما تقعي في حب شخص ما, فالمشاعر مش بتظهر فجأة ولا بتختفي بسرعة, الوقوع في الحب معناه ان عواطفك هتفضل موجودة باستمرار, وهتحسي دايما بحب بيزيد ومستمر مش هيختفي مع الزمن.

6- الوقوع في الحب معناه حياة مشتركة:

لما تحبي شخص ما, هتلاق الموضوع دايما بيدور حوالين اللي الطرف التاني بيخليكي تحسي بيه, واللي المفروض تقدميه قصاد المشاعر اللي هو بيقدمهالك, يعني بتستني الفعل عشان تعملي رد فعل, ولكن الوقوع في الحب عكس ده تماما, مشاعرك كلها بتدور حوالين انتي عايزاه هو يحس بايه ناحيتك, وانكوا تبقوا مع بعض ويبقى شريك حياتك, مافيش حد منكم بيملك التاني ولكن بتفكروا ازاي تبنوا حياة مشتركة مع بعض.

فكرة الشراكة او الحياة المشتركة دي هي اساس العلاقة الحقيقية, يعني مش مجرد جزء من علاقة الحب, ولكن هي اللي بيقوم عليها كل حاجة, شريك معناها انكم هتوصلوا دايما لحلول وسط بينكم, معناها انك هتتخطوا عقبات الحياة وكل طرف عارف ان ليه سند او ضهر يعتمد عليه ومش هيخاف طول ما هو معاه.

في النهاية ممكن يكون الحب والوقوع في حب شخص ما الشعور بيكون متشابه, ولكن ببساطة لو ركزتي في المشاعر دي بالحاجات اللي احنا قولناها هتقدري تفرقي بينهم.

ومعرفة الفرق ما بين الحب والوقوع في الحب ممكن يساعدك في كتير من العلاقات في حياتك, ويخلي اجتياز علاقة او التنقل بين علاقة والتانية اسهل.

6 اشارات تقولك ان الشخص ده بيحبك .. و 6 اشارات تقولك انه بيستغل مشاعرك

علامات تبين لك مشاعر شريكك