اعرفي بالصور أفكار ستايلات فورمال بالحجاب للمكتب والـ business wear

أغلبية الستات والبنات اللي بيشتغلوا بيفضلوا ان الـ outfit بتاعهم في الشغل يكون عملي ومريح لكن كمان شيك، لانه بيعزز الصورة الذهنية عنهم وكمان بيزود من ثقتهم في نفسهم، والموضوع ممكن يبقى مش سهل لو كنتي بتدوري على ستايلات فورمال او عملية تتماشى مع الحجاب لأنك في الحالة دي بتحتاجي وقت أكبر للتنسيق والاختيار، عشان كده احنا قررنا نسهل الموضوع عليكي اكتر.. في المقال ده هنقولك على صور و أفكار ستايلات فورمال بالحجاب للمكتب تسهل عليكي الإختيار، خلينا نبدأ على طول .. 

اعرفي بالصور أفكار ستايلات فورمال بالحجاب للمكتب والـ business wear

النقشات الكلاسيك زي المخطط راجعة بقوم في موضة الملابس الفورمال للموسم ده، وكمان البدلة الفورمال من ألوان مختلفة يعني زي انه يكون البنطلون بلون فاتح والبلايزر بلون اغمق أو العكس، ممكن كمان تتخلي عن البنطلون وتجربي تلبسي بلايزر مع قميص سادة على جيبة ، أو تجربي تدمجي ستايلات الكاجوال مع الفورمال بأنك تلبسي البدلة الفورمال مع سنيكرز وحجاب بلون مناسب او تتخلي عن القميص الفورمال تحت البدلة وتستبدليه بتيشيرت كاجوال عشان تضيفي لمسة من العفوية على اللوك بتاعك وتكسري حدة الرسمية شوية.

جربي تلبسي البدلة الفورمال بتنسيقات وألوان مختلفة وافتكري دايما انه مش معنى الفورمال انك تلبسي غوامق وترتبطي بالأسود والكحلى والرمادي، ممكن تلبسي فورمال بدرجات زاهية زي البينك او البيبي بلو وكمان تقريبا كل درجات الباستيل بتطلع شكلها حلو جدا مع الستايل ده من الفورمال او الـ Business wear، افضلي جربي لحد ما توصلي للستايل الخاص بيكي وشاركينا اللوك بتاعك، واعرفي معانا كمان ازاي تتألقي بالحجاب وتلبسي الوان مختلفة ومميزة