افكار ستايلات للبس الليجينج
الليجينج من القطع المناسبة لكل بنت, ومناسب انك تلبسيه تقريبا في كل الاوقات وطول السنة, لانه عملي جدا, يعني يعتبر من القطع اللي المفروض تكون اساسية وعندك منه اكتر من واحد في دولابك, والنهاردة من خلال موضوعنا هنشوف مع بعض افكار ستايلات للبس الليجينج تختاري منها اللي يناسبك.
افكار ستايلات للبس الليجينج:
ليجينج اسود مع تيشرت موف, وطبعا تكملي اللوك بالشوز والاكسسوارت زي ما هو باين قدامنا في الصورة كده اللوك كامل.
توب بنفسجي مع ليجينج اسود, وسكارف ابيض, واللوك ده مناسب اوي للخريف.
اعملي لوك شتوي بتنسيق سويتر ابيض مع ليجينج اسود وفوقيهم جاكيت اسود, وكملي اللوك بال Hunter boot.
الليجينج الجلد من القطع اللي لسه تريندي وموضة معانا السنة دي, ممكن تعملي لوك بالليجينج الجلد الاسود مع تانك توب.
ممكن تنسقي الليجينج الاسود مع سويتر رمادي وجاكيت جينز.
لو عايزة لوك مختلف وعايزة تغيري من الليجينج الاسود, ممكن تختاري فلورال ليجينج وتنسقيه مع شيميز اخضر.
لوك سهل وعملي جدا, نسقي تيشرت ازرق فاتح مع الليجينج الاسود.
ممكن تنسقي الليجينج الاسود مع شيميز واسع, واللوك ده مناسب جدا للجامعة.
تقدري تنسقي الليجينج الاسود مع كارديجان ابيض طويل.
ستايل تاني بالكارديجان بس هنا كارديجان نيود مع الليجينج الاسود وتوب ابيض, اللوك ده كمان مناسب للجامعة ولخروجاتك الصبح.
لو مش عايزة لوك بألوان فاتحة, ممكن تعتمدي على اللوك ده وتنسقي الليجينج الاسود مع كارديجان رمادي طويل.
لوك تاني بالكارديجان باللون البيج في بني مع الليجينج الاسود.
ممكن تنسقي لوك بألوان محايدة زي اللي قدامنا ده ليجينج اسود مع توب رمادي, وتظهري اللوك وتنوريه بسكارف احمر.
كارديجان مطبوع برسومات هندسية مع ليجينج اسود وتوب نبيتي.
لوك بسيط من توب باللون الجملي الفاتح مع الليجينج الاسود.
الليجينج كمان من القطع المناسبة جدا للجسم, ممكن تلبسي الليجينج الاسود وتنسقي معاه تانك توب.
توب بنيتي مع ليجينج اسود, وعموما مع الليجينج الاسود تقدري تلبسي اي لون, يعني مافيش لون مش هيمشي عليه.
لوك مناسب للشغل, ليجينج اسود مع توب رمادي, وبليزر اسود.
توب ازرق فاتح مع الليجينج الاسود, وكملي اللوك بالاكسسوارات المناسبة, يعتبر لوك مناسب لكل الاوقات.
توب بيبلوم رمادي مع ليجينج اسود, مناسب جدا للخروج بالليل.