8 حاجات غلط بتعمليهم بعد الجيم بتخلي التمرين ميعملش النتيجة المطلوبة

ريهام محمود
ريهام محمود
في
صحة
12146

التمارين الرياضية بتساعد على تحسين صحتنا بشكل عام, لكن في كتير ممكن يكونوا بيقعوا في غلطات بعد التمرين ممكن انها تخلي الرياضة اقل فعالية او تأثير ومتوصلناش للنتيجة المتوقعة او المطلوبة, وده اللي هنعرفه النهاردة مع بعض من خلال اكتر 8 غلطات ممكن يكون في كتير بيعملهم بعد التمرين.

غلطات بعد التمرين:

1- التهدئة السلبية “Passive cool-down”:

التهدئة السلبية, معناها انك تفضلي في راحة تامة او متتحركيش خالص بعد التمرين, زي مثلا تقعدي على الكنبة, تتفرجي على التليفزيون, تمددي على السرير لفترة من الوقت, العلماء شافوا ان ده مش مفيد لان جسمك بيحاول التعافي بعد التمرين والمجهود وبيعمل ده بشكل تدريجي, عشان كده بدل كده المفروض انك تعملي تهدئة نشطة, بمعنى ان جسمك محتاج لحركة بسيطة بعد التمرين, ممكن تعملي اي حاجة في البيت, تلعبي مع طفلك.

غلطات بعد التمرين 1
غلطات بعد التمرين 1

2- مش بتاكلي بعد التمرين:

التمارين بتخلي الياف العضلات تتمدد وبتستخدم الجليكوجين لتغذية جسمك, عشان كده ضروري انك تجددي اللي بتخسريه اثناء التمرين بسرعة بعد التمرين, جربي انك تاكلي وجبة بتتكون من البروتين وكمية صغيرة من الكربوهيدرات, بعد التمرين بمدة مش اكتر من 30 دقيقة, والبروتين مش هيساعدك بس على شفاء العضلات لكن كمان هتمدي جسمك بالسعرات الحرارية اللي محتاجها لاستعادة مستويات الجليكوجين وتقدري انك تكملي يومك من غير ما تحسي بالتعب والارهاق, ممكن تاكلي فاكهة ولبن او لحوم.

غلطات بعد التمرين 2
غلطات بعد التمرين 2

3- بتنسي الترطيب بشكل صح:

الجسم بيستخدم المية عشان يقوم بكل الوظائف البيولوجية,  عشان كده ضروري جدا انك تعوضي المية اللي خسرتيها اثناء التمرين, وعلى الرغم ان مشروبات الطاقة مفيدة الى حد ما قبل التمرين عشان تديكي طاقة للتمارين, لكن الدراسات اثبتت ان بترفع معدلات ضربات القلب وضغط الدم والجلوكوز في الدم, وكل الحاجات دي مش هتخلي جسمك يرجع لمستوياتة الفسيولوجية الطبيعية بسرعة بعد التمرين, عشان كده الافضل انك تستغني عن مشروب الطاقة قبل التمرين عشان تحافظي على كل الفوائد الصحية اللي اكتسبتيها اثناء التمرين, واكتفي بالمية بس اثناء وبعد التمرين.

غلطات بعد التمرين 3
غلطات بعد التمرين 3

4- مش بتلبسي ملابس دافية بعد التمرين:

اثناء التمرين كل المجهود اللي بتعمليه بيرفع حرارة الجسم الطبيعية, لكن بعد التمرين جسمك بيبدأ انه يرجع لطبيعته من كل الضغوط اللي مر بيها اثناء التمرين, والجسم بيكون في حالة انه ممكن يتعرض لاي حاجة بسهولة ودفاعاته بتكون منخفضة, عشان كده بعد التمرين بننصك تلبسي حاجة خفيفة اوس فوق اللبس اللي كنتي بتتمرني بيه ده هيقلل خطر تعرضك لنزلات البرد او لفيروس, لو انتي بتتمرني عشان تحافظي على صحتك وتقوي جهاز مناعتك, يبقى ضروري بعد التمرين تلبسي ملابس تحسسك بالدفا, وخصوصا في فصل الشتا, لحد ما تحسي ان جسمك رجع لدرجة حرارتة الطبيعية.

غلطات بعد التمرين 4
غلطات بعد التمرين 4

5- مش بتعملي ستريتشينج:

الستريتشينج او التمدد يعتبر جزء من التعافي بعد التمرين, عشان تقللي من وجع العضلات وتصلبها, ضروري جدا انك تعملي تمارين تمدد بعد ما تخلصي التمارين بتاعتك, والدراسات  اثبتت انه التمدد كمان بيحسن من مرونتك, وده هيضمن لك اداء افضل كل تمرين وتحقيق اقصى استفادة منه.

غلطات بعد التمرين 5

6- مش بتاخدي شاور:

زي ما قولنا بعد التمرين درجة حرارة الجسم بتبقى اعلى من الطبيعي, عشان كده بننصحك انه بعد التمرين تاخدي شاور بمية باردة, المية الباردة هتساعدك على عملية شفاء العضلات, هتقلل من وجع العضلات, وهتساعد على اعادة بناء العضلات بشكل اسرع, وده هيخليكي جاهزة لتمرين افضل في اليوم اللي بعده, بالاضافة ان التمارين بتساعد على تحسين البشرة وبتخليها صحية اكتر, ولكن لو مخدتيش شاور بعد التمرين هتخلي البكتيريا اللي ناتجة من العرق تتكاثر بسرعة على بشرتك وتضرها.

غلطات بعد التمرين 6

7- التوتر زيادة عن اللزوم:

حاولي بعد الجيم او التمارين انك تسترخي, لان الاجهاد هيأثر على روتين يومك كله, وهيخليكي مش قادرة انك تمارسي تمارين في الايام اللي بعد كده ومتكمليش في التمارين او تكسلي, عشان كده هيكون مفيد جدا لو بعد التمرين قضيتي وقت مع عيلتك او اصحابك او ممارسة هواية لخفض مستويات التوتر.

غلطات بعد التمرين 7

8- بتاخدي ايبوبروفين لالتهاب العضلات:

تأثير بناء كتلة اعضلات بعد الجيم هيروح بعد تناول الايبوبروفين, وده معناه انك هتمحي كل اللي عملتيه اثناء التمرين وكأنك معملتيش حاجة وهتضيعي كل مجهودك, وافضل طريقة عشان تتخلصي من التهاب او الم العضلات بعد التمرين انك تعملي مساج للعضلات.

غلطات بعد التمرين 8

افكار وجبات تأكليها بعد التمرين

افكار وجبات تأكليها بعد التمرين
افكار وجبات تأكليها بعد التمرين

مقالات متعلقه

افضل 8 وجبات خفيفة بعد التمرين لانقاص الوزن وزيادة العضلات

افضل 8 وجبات خفيفة بعد التمرين لانقاص الوزن وزيادة العضلات

10 نصايح صحية سهلة هيفرقوا معاكي

10 نصايح صحية سهلة هيفرقوا معاكي

10 نصايح ممكن تنقذ حياتك في يوم

10 نصايح ممكن تنقذ حياتك في يوم