شكل صوباعك الابهام ممكن يقولك ايه عن شخصيتك!
شكل ايدينا ممكن تكشف كتير عننا, حتى شكل الصوابع نفسها ممكن تقولنا كتير عن شخصيتنا, وبشكل خاص الصوباع الابهام, لانه شكله فريد ومختلف عن باقي صوابع الايد, والخطوط بتاعته هي اللي متحكمة في خط اليد, والنهاردة من خلال موضوعنا هنقولك ازاي تعرفي شخصيتك من شكل ابهامك.
ازاي تعرفي شخصيتك من شكل ابهامك:
1- الابهام شكل حرف A:
لو تقسيمة الصوباع الابهام متساوية زي ما هو باين قدامنا في الصورة كده, فده معناه ان انتي شخص متوازن بتحاولي انك تلاقي السلام والامان حواليكي, والاشخاص اللي الابهام بتاعهم بالشكل ده في العادة بيكونوا هاديين, وجيدين في التكلم, وبيعرفوا يدرسوا او يوصلوا المعلومة للي قدامهم بشكل جيد, وكل خبراتك بتكون نابعة من تجاربك الشخصية في الحياة.
دايما اصدقائك او اهلك والناس اللي حواليكي بيحتاجوا اهتمامك ونصيحتك لانك دايما بتظهري تعاطف كبير جدا مع اللي حواليكي.
2- الابهام على شكل حرف B:
لو الجزء اللي فوق من الابهام اكبر او اطول من الجزء التاني, ده معناه ان انتي شخصية مكرسه حياتك لافكارك واهدافك, ومش بتحسي بالرضا بسهولة, لانك بتحبي كل حاجة مثالية ومنظمة اوي, ودايما بيكون في حياتك حاجة عايزة تحققيها.
في بعض الاحيان ممكن توصلي لمرحلة الهوس بفكرة معينة, ولكن دايما بتلاقي طريقة لتحقيق النجاح, ودايما بتاخدي خطوات واجراءات عملية عشان توصلي للي انتي عايزاه, الناس اللي حواليكي بيحترموكي لانك دايما صادقة وقد كلمتك.
3- الابهام على شكل حرف C:
لو الجزء اللي تحت من الابهام اكبر من الجزء اللي فوق يعني عكس الشكل اللي فات, ده معناه ان شخصيتك بتتحمل الصعوبات في العمل Hard worker, ويمكن الحياة مش دايما بتديكي طريقة سهلة للنجاح, لكن انتي بتكوني عندك القدرة انك تتغلبي على العقبات ودايما هتلاقي الطريق الصح, الاشخاص اللي شكل ابهامهم كده بيتميزوا بالثقة والذكاء, وبيستخدموا دايما ذكائهم لتحقيق احلامهم واهدافهم.
دايما افكارك بتكون واضحة ومافيش حاجات كتير ممكن تربكك او تلغبطك عن اهدافك, وعشان كده دايما بيتم تقديرك في شغلك كشخص موثوق فيه.
4- الابهام المرن:
اعملي الابهام في وضع “Thumbs up”لو لقيتي شكل صوباعك الابهام مرن, ده معناه ان انتي شخصية عاطفية واكتر تعبير عن الاشخاص اللي الابهام بتاعهم مستقيم, والابهام اللي بالشكل ده معروف كمان باسم ابهام هيتشكر, والاشخاص اللي ابهامهم بالشكل ده بيتأقلموا بسهولة مع اي ظروف حواليهم ومع اي بيئة جديدة.
انتي شخصية مبدعة وفنانة جدا, ومنفتحة على العالم وعندك فضول دايما تعرفي حاجات جديدة, دايما مخك بيلاقي طرق ممتعة ومثيرة للاهتمام لحل المشاكل وتحقيق الاهداف.
5- الابهام المستقيم:
اعملي الابهام بتاعك في وضع “Thumbs up”, لو لقيتي شكل الابهام مستقيم ومش مرن زي الشكل اللي فات, فده معناه انك شخص عنيد وبيحب السيطرة, وممكن بعض الاشخاص يشوفوكي انك شخص صعب, ولكن اللي حواليكي بيكونوا معجبين بيكي لانك دايما شخص بيوفي بوعده, ويقدروا يعتمدوا عليه.
ودايما الاشخاص اللي حواليكي هتلاقيهم بيحاولوا انهم يستفيدوا منك او يستغلوا ثقتك وانك قد كلمتك, ولكن في الغالب انتي بتقدري تحللي كل حاجة على طول, وبتاخدي القرارات والاختيارات الصح من غير ما تضري نفسك.
يا ترى انتي شكل ابهامك اي واحد من اللي احنا قولناهم؟ قولي لنا وشاركينا انتي اي نوع منهم وهل فعلا وصفنا شخصيتك صح ولا لا.
ازاي قعدتك ممكن تكشف شخصيتك !
