تحدي شرب المية لمدة 30 يوم! ولاحظي التغييرات على صحتك وبشرتك

بقلمريهام محمود فيصحة visibility707

كلنا عارفين قد ايه شرب المية مهم جدا للصحة والبشرة وان ليها تأثير ايجابي جدا علينا, لكن المشكلة اللي بتقابلنا اننا مش بنعرف نشرب كمية مية كفاية خلال اليوم واللي هي ال 8 كوبايات تقريبا, عشان كده النهاردة هنساعدك في المهمة دي وهنقولك تحدي شرب المية لمدة 30 يوم, وازاي تقسمي كمية المية, وهنتعرف على تجربة حقيقية لبلوجر مشيت على التحدي ده ونتايج تجربتها على مدار الشهر.

تحدي شرب المية لمدة 30 يوم:

1- كوباية المية (1):

هتكون اول ما تصحي من النوم على طول.

2- كوباية المية (2):

تاني كوباية قبل الفطار ب 30 دقيقة.

3- كوباية المية (3):

بعد الفطار بساعة.

4- كوباية المية (4):

قبل وجبة الغدا ب 30 دقيقة.

5- كوباية المية (5):

بعد الغدا بساعة

6- كوباية المية (6):

اثناء وقت شرب اي مشروب ليكي سواء شاي او قهوة او اي حاجة.

7- كوباية المية (7):

قبل وجبة العشا ب 30 دقيقة.

8- كوباية المية (8):

قبل النوم على طول.

تحدي شرب المية
تحدي شرب المية

كده يبقى ال 8 كوبايات مية اللي المفروض تشربيهم في اليوم اتقسموا على مدار اليوم, كرري نفس النظام يوميا لمدة شهر.

ونحط في اعتبارنا بردوا ان المشرويات زي القهوة والشاي والعصاير والفواكه فيها نسبة من المية كمان, ومهم جدا تقسيم المية بشكل منتظم يعني متشربيش مثلا كمية المية مرة واحدة, لازم لاموضوع يكون منظم بالشكل اللي احنا قولناه كده.

نصايح عامة:

حاولي تقللي من القهوة والشاي والمشروبات الغازية, والافضل انك تتجنبيهم.

تقدري تمشي على التحدي ده من غير ما اي تغيير في نظامك الغذائي او تمارين.

متشربيش كمية المية مرة واحدة, قسميهم بنفس النظام اللي قولناه فوق.

تعالوا نعرف نتايج التحدي من تجربة حقيقية مشيت على النظام ده.

تحدي شرب المية
تحدي شرب المية

1- نتايج الاسبوع الاول:

هي بتقول اول اسبوع ظهرت بثور صغيرة على الوش, وده معناه ان الجسم بدأ يتخلص من السموم اللي فيه عن طريق البثور دي, لكن البثور اختفت لوحدها من غير ما تسيب اثر خلال ايام, هتبدأي تحسي بليونة في المفاصل وسهولة في الحركة, وغالبا الصداع المزمن هيبدأ يختفي او يقل بشكل كبير في نهاية الاسبوع الاول من التحدي.

2- نتايج الاسبوع التاني:

هيبدأ الجلد لونه يبقى موحد, وهتختفي كتير من البقع والتصبغات في البشرة, والتجاعيد والخطوط الرفيعة هتبدأ تقل عن قبل كده, ريحة النفس هتبدأ تتحسن بسبب شرب المية وبسبب التقليل من شرب الشاي والمكيفات.

3- نتايج الاسبوع التالت:

هتبتدي الهالات السودا انها تختفي, والتجاعيد والخطوط هتبدأ تقل اكتر والبشرة هتبقى مشدودة بشكل كبير جدا, لان المية بتساعد على تجديد خلايا الجلد, وبتساعد على ترطيبه بشكل كبير جدا, ده غير ان شرب المية بالكمية دي هيحسسك بالشبع ويخليكي تاكلي اقل, وده هيساعدك على خسارة الوزن.

4- نتايج الاسبوع الرابع:

مع نهاية الاسبوع الرابع, هتبدأي تحسي انك اكتر رشاقة وليونة وصحة وحيوية, وهتحسي مع نهاية التحدي انك صغرتي 10 سنين من ناحية الصحة هتتحسن, والبشرة كمان هتتحسن جدا وهتحسي انها اصغر, ومش انتي بس اللي هتلاحظي التغيير بانتهاء التحدي, صاحبة التجربة قالت ان كل اللي حواليها كمان لاحظوا عليها التغيير.

تحدي شرب المية

فوايد صحية عامة لشرب المية:

– شرب المية هيحسن اداء العقل, ويخلي استجابته اسرع, هتساعدك على التفكير والتركيز بشكل احسن.

– هيبطء من عملية الشيخوخة, وهيخلي بشرتك اصغر زي ما قولنا لان المية بتساعد على ترطيب البشرة, وهتحافظ عليها صحية, وكمان بتحافظ على العضلات.

– هتساعد على تقوية جهاز المناعة, لان شرب كمية كافية من المية بيحسن من اداء الكبد والكلى, ودي الاجهزة المسئولة عن تخليص الجسم من السموم الضارة والملح من الدم, والمية بتساعد على الحفاظ على مستوى ال PH, وبتقوي المناعة ضد تكون حصى الكلى وغيرها من الامراض, وبيمنع آلام الجسم الصداع.

– بتساعد على التقليل من خطر الاصابة بأزمة قلبية, عن طريق منع الدم من التجلط, وبتساعد على خفض ضغط الدم.

– بتقوي العضم, لانها بتساعد على اعادة بناء الغضاريف, وده هيخلي المفاصل تتحرك بسهولة ويبقى فيها ليونة اكتر.

– المية زي ما قولنا هتساعد الجسم على التخلص من السموم الضارة اللي موجودة في الاعضاء الحيوية, وده هيخلي الجسم نضيف وهيساعد على تقليل دهون البطن, ده غير ان المية هتقلل الشهية وتملى المعدة وبالتالي ده هيساعد على خسارة الوزن.

– هتحسن عملية التمثيل الغذائي, بغض النظر عن النظام الغذائي اللي انتي ماشية عليه.

6 حاجات هتحصل لجسمك لما تبدأي تشربي عصير الكرفس كل يوم الصبح

فوايد عصير الكرفس الصحية