4 حيل تطوري بيها ستايلك في الصيف بسهولة

آية حسان
آية حسان
829

ماحدش فينا بياخد باله دولابه محتاج ايه فعلا الا لما في مرحلة تغير الفصول، ساعتها لما بنيجي نقيس الهدوم اللي كانت متشالة بنلاحظ التغييرات اللي حصلت في جسمنا وكمان النواقص الي موجودة في الدولاب ولازم تتعو عشان الفصل الجديد، لكن التعويض ده مش بالضرورة يكون معناه انك تدفعي فلوس كتير عشان تشتري قطع جديدة، اعرفي معانا في المقال ده بخطوات بسيطة 4 حيل تطوري بيها ستايلك في الصيف بسهولة

4 حيل تطوري بيها ستايلك في الصيف بسهولة

دايما اعتمدي على اكتر شوز مريح ممكن تلبسيه 

الصيف هو أكتر وقت بيكون اختيار الشوز الصحيح فيه حاجة مهمة جدا جدا، ده مش معناه انك تختاى الشوز او الصندل اللي شكله حلو، لكن معناه انك تختاري الشوز المريح. مهم تفتكري دايما انك لو لابسة شوز مش مريح رجلك هتوجعك وهتتعوري ورجلك هتورم وهتعرق بشكل شديد بسبب الحرارة العالية، وده معناه انه حتى لو الصندل المفضل عندك شكله تحفة لو كان مش مريح استغني عنه مهما كان التمن وروحي لأكتر شوز ممكن يبقى مريح والبسيه.

دايما اعتمدي على اكتر شوز مريح ممكن تلبسيه

دايما اعتمدي على اكتر شوز مريح ممكن تلبسيه

اهتمي ببشرتك 

تاني حيلة من حيل تطوري بيها ستايلك في الصيف هي انك تهتمي ببشرتك، البشرة الصحية هتخليكى حلوة أيا كان اللي انتي لابساه خصوصا في الصيف، لازم تفضل بشرتك رطبة خلال الصيف وده مهم لجسمك كله مش للبشرة بس عشان جسمك بيفقد السوايل بنسبة كبيرة خلال أيام الحر، لازم تتأكدي كمان انك بتاكلي كويس وبتاخدي كفايتك من المعادن والفيتامينات عشان بشرتك تفضل صحية مش في الصيف بس لكن طول السنة. 

اهتمي ببشرتك
اهتمي ببشرتك

اعتمدي في لبسك على خامات زي اللينين و القطن 

الخامات اللي زي اللينين والقطن بتعتبر من أفضل الخاما تالللا لازم تعتمدي عليها في اختيارك لملابسك في الصيف،خصوصا في الأيام اللي بتبقى فيها درجة الحرارة ونسبة الرطوبة عالية، الخامات دي هتخلي بشرتك تنفس لأنها بتسمح بمرور الهواء وده هيخليكي تحسي بالانتعاش طول فترة لبسك ليها، مشكلتهم الوحيدة انهم ممكن مايداروش البقع اللي بيسببها العرق. 

اعتمدي في لبسك على خامات زي اللينين و القطن
اعتمدي في لبسك على خامات زي اللينين و القطن

استغلي قطع الملابس اللي عندك 

لما هنيجي نتكلم عن الموضة والفاشون فكل حاجة متاحة، عشان كده انك تطوري من ستايلك مش معناه ابدا انك تدفعي مبالغ كبيرة في شراء هدوم جديدة، لازم تعرفي تستغلي قطع الملابس اللي عند أصلا، ظبطي المقاسات وقصري وطولي و غيري من التطريز او الستايل وتنسيقت الألوان، كل دي أفكار تقدري تطوري بيها كل القطع اللي في دولابك و من غير ما تتكلفي كتير، ماتتسرعيش وترمي اي هدوم عندك الا لما تفكري شوية هل ممكن تنفع تتغير و نطور من شكلها ولا لاء.

استغلي قطع الملابس اللي عندك
استغلي قطع الملابس اللي عندك

اعرفي كمان حيل سرية لو عايزة تطلعي بلوك حلو في اسرع وقت 

مقالات متعلقه

نصايح وأفكار ازاى يبقى لبسك على الموضة وتريندي من غير ما تصرفى فلوس كتير

نصايح وأفكار ازاى يبقى لبسك على الموضة وتريندي من غير ما تصرفى فلوس كتير

Ankle Boots collection من دار أزياء Aldo للشتاء السنة دي

Ankle Boots collection من دار أزياء Aldo للشتاء السنة دي

5 حيل لتغيير اللوك سهلة وبسيطة هيخلوا شكلك يبان أحلى.. اعرفيهم واستفيدي منهم

5 حيل لتغيير اللوك سهلة وبسيطة هيخلوا شكلك يبان أحلى.. اعرفيهم واستفيدي منهم