افكار لمكياج العروسة تناسب كل الاذواق ولكل الوان البشرة

ريهام محمود

في

1077

اختيار المكياج في ليلة العمر خطوة مهمة جدا عشان تبقى كل عروسة طالعة بلوك حلو ومرتاحة وتبقى حابه شكلها في اليوم ده, وتبقى ذكرى حلوة طول العمر, عشان كده النهاردة من خلال موضوعنا هنساعدك في مهمة اختيار المكياج, وهنشوف مع بعض مجموعة افكار لمكياج العروسة, هتناسب كل الاذواق تقدري تختاري منها اللي يناسبك, وكمان لكل لون بشرة هتلاقي اللوك اللي يليق عليها.

افكار لمكياج العروسة:

1- ايشادو بيلمع مع شفايف نيود:

في اللوك الاول معانا المكياج اعتمد على الايشادو اللامع مع شفايف باللون النيود او بلون طبيعي, واللوك ده ناعم جدا ومناسب للعروسة اللي مش بتحب الوان الروج الغامقة او بالالوان الفاقعة او القوية.

2- مكياج بدرجات البينك:

اللوك ده اعتمد على درجات البينك في المكياج كله, الايشادو بدرجات البينك من الغامق للفاتح, والروج بدرجة البينك الفاتح, اللوك ده كمان مناسب ليكي جدا لو بتحبي اللوك الناعمة.

3- مكياج اليجانت:

لوك مكياج اليجانت او انيق, تقدري تعتمدي على لوك بيلمع او مات مع لمسة لمعة حسب اللي بتفضليه اكتر, اهم حاجة اختيار الالوان وتناسقها مع بعض بشكل انيق وجذاب.

4- شفايف باللون الاحمر:

لو بتحبي اللوك الجريء والمميز يبقى اللوك ده هيناسبك جدا, هتعتمدي فيه على الوان ايشادو بدرجات طبيعية ونيود, مع روج احمر ناري.

5- مكياج معدني:

اللوك هنا كله اعتمد على الالوان المعدنية او الميتاليك, ودرجات الالوان دي مناسبة جدا للبشرة الخمرية والسمرا والبشرة الدافية عموما.

6- التركيز على العيون:

هنا التركيز على مكياج العيون وابرازها اكتر حاجة في اللوك, عشان كده في اللوك ده الاعتماد كان على الشفايف بألوان نيود وطبيعية عشان تكون العيون هي اللي عليها كل التركيز في الوش.

7- الايشادو الازرق:

اللون الازرق في مكياج العيون من الالوان التريندي جدا, وفي اللوك ده هنلاقي لمسة ايشادو باللون الازرق في مكياج العيون.

8- الايلاينر الاسود:

في اللوك ده التركيز على رسمة الايلاينر باللون الاسود.

9- مكياج ستروبنج:

الستروبنج من الحاجات التريندي جدا في عالم المكياج, وهو اضاءة الوش واظهار الملامح باستخدام الهايلايتر, واحنا اتكلمنا عنه قبل كده بالتفصيل, وازاي تعمليه, والمكياج ده مناسب جدا للعرايس اللي بتحب اللوك الطبيعي اوي.