أفضل انواع البرفيوم بتدوم فترة طويلة

بقلمريهام محمود فيمكياج visibility221

البرفيوم ليه سحر خاص, ويعتبر انعكاس لشخصيتك, لكن الموضوع مش بيقف عند كده بس, لكن الريحة من اكتر الحاجات اللي بتشد وبتثبت في الذاكرة, يعني انتي من ريحة البرفيوم بتاعك تسيبي انطباع اول حلو ومتتنسيش, ولو انتي لسه بتدوري على برفيوم يناسب ذوقك وفي نفس الوقت يدوم فترة طويلة, هنقولك النهاردة من خلال موضوعنا أفضل انواع البرفيوم تختاري منها اللي يناسبك.

أفضل انواع البرفيوم بتدوم فترة طويلة:

1- برفيوم Viktor & Ralf Flowerbomb:

لو انتي بتحبي ريحة الورد والاعشاب العطرية والروايح الفريش, البرفيوم ده هيناسبك جدا لانه مزيج من الشاي الاخضر, البرغموت, الياسمين, الفريزيا, الورد, والاوركيد, مع لمسة من المسك والباتشولي, وعلى الرغم ان سعرها يعتبر غالي لكن هي من الانواع اللي ثباتها عالي جدا ومناسبة للمناسبات الخاصة والسهرات.

أفضل انواع البرفيوم
أفضل انواع البرفيوم

2- برفيوم Yves Saint Laurent Black Opium:

برفيوم من ايف سان لوران, ريحتها مزيج من القهوة والفانيليا, والنوع ده مناسب اوي للخروجات اليومية بالليل لو عايزة تجربي حاجة جريئة ومختلفة, وكمية قليلة جدا منها هتكفي وهتستمر معاكي طول الليل لان ريحتها قوية.

أفضل انواع البرفيوم
أفضل انواع البرفيوم

3- برفيوم Marc Jacobs Fragrances Daisy Eau So Fresh:

 “ديزي” واحدة من انواع برفيوم مارك جاكوب الاكتر شعبية, ومفضلة عند معظم البنات, لان ريحتها منعشة وفريش جدا بمزيج من روايح الزهور والفواكة, مناسبة جدا للخروج اليومي بالنهار لان ريحتها انثوية خفيفة.

أفضل انواع البرفيوم

4- برفيوم Chanel Coco Mademoiselle Eau De Perfume:

كوكو مدموزيل من شانيل من اكتر انواع البرفيوم المميزة جدا, هي مزيج من الفواكه الحمضية الحاده مع لمسة من ريحة الزهور والمسك والفانيليا والباتشولي.

أفضل انواع البرفيوم

5- برفيوم Tom Ford Black Orchid:

لو بتحبي ريحة المسك القوية, يبقى توم فورد بلاك اوركيد هو البرفيوم المناسب ليكي, هو مزيج من المسك مع الكمأة السودا, الايلنج, مع لمسة من البرغموت, والتوت الاسود, وكمية قليلة منه هتكون كافية وهتدوم معاكي فترة طويلة حتى في حر الصيف لان ريحته قوية جدا, ومناسب جدا للخروج بالليل والمناسبات الخاصة.

أفضل انواع البرفيوم

6- برفيوم Lancome La Vie Est Belle:

برفيوم لا في من لانكوم, هو مزيج من الياسمين والبرتقان والباتشولي مع لمسة من التوت الاسود والكمثرى, بيدوم طول اليوم, ومثالي جدا للخروج بالنهار وبالليل يعني مناسب لكل الاوقات, ومناسب جدا للبنات اللي سنهم صغير.

أفضل انواع البرفيوم

7- برفيوم Victoria’s Secret Bombshell Eau De Perfume:

فيكتوريا سيكريت بومشيل, برفيوم مثالي جدا للصيف, ومناسب لكل الاعمار, هو مزيج من ريحة الفاوانيا مع الفواكة والفانيليا اوركيد.

أفضل انواع البرفيوم

8- برفيوم Gucci Bloom Eau De Perfume:

برفيوم بسيط وانيق عبارة عن مزيج من مسك الروم, والياسمين, وريحة زهر العسل, ريحته قوية, ومناسب لكل الاعمار, ولاي وقت في السنة, لو بتدوري على برفيوم انثوي انيق ده هيكون الاختيار المناسب ليكي.

أفضل انواع البرفيوم

9- برفيوم Burberry Eau De Perfume:

عطر كلاسيكي مميز, مزيج من الخوخ والمشمش والفانيليا والمسك, مع لمسة من المسك وخشب الصندل والكمثرى, يعني مزيج رائع جدا من الفواكة مع ريحة المسك مع ريحة خشب الصندل المميزة.

أفضل انواع البرفيوم

10- برفيوم Bvlgari Eau De Perfume Au The Blanc:

البرفيوم مزيج من الزهور والمسك مع لمسة من الحمضيات والشاي الابيض, والميزة في النوع ده انه مناسب للجنسين يعني ينفع رجالي وحريمي, ومناسب للخروج بالليل وبالنهار.

أفضل انواع البرفيوم

11- برفيوم Miss Dior Blooming Bouquet:

ميس ديور بلومينج من ديور, هو برفيوم مزيج من ريحة الورد, الفاوانيا, البرجموت, المسك, ومناسب لكل الاوقات, ولكل الاعمار من اول المراهقات لحد السن الكبير, وكمية قليلة منه هتكون كافية وهتدوم طول اليوم.

12- برفيوم Jessica Simpson Fancy Love Eau De Perfume:

البرفيوم مزيج من ريحة الزهور والمسك مع الاوراق العشبية, ومناسب جدا للربيع والصيف, والبرفيوم مناسب جدا للبنات اللي بيحبوا الروايح المختلفة والغريبة.

13- برفيوم Versace Bright Crystal Absolu:

البرفيوم مزيج من ريحة الفاوانيا والورد مع بذور الرمان, والمزيج ده بيعمل ريحة منعشة وفريدة جدا, ومناسب جدا للمناسبات الخاصة.

14- برفيوم Philosophy Amazing Grace Eau De Toilette:

من انواع البرفيوم الخفيفة اللي بتتكون من مزيج من روايح الزهور مع ريحة الحمضيات, مناسب جدا للربيع والصيف, ومناسب للسن الصغير او سن الشباب اكتر.

15- برفيوم The Body Shop White Musk Eau De Toilette:

عطر كلاسيكي مخملي من ذي بودي شوب, مثالي جدا لكل الاوقات بالليل والصبح, وبيتميز بريح المسك الخفيفة مش القوية اوي, مع لمسة من الفانيليا.

16- برفيوم Cartier Baiser Vole Eau De Perfume:

بيحتوي على مزيج من الزنبق مع الحمضيات, والبرفيوم مثالي جدا للربيع والخريف والشتا, وبيدوم فترة طويلة, ومثالي جدا ليكي لو بتحبي انواع البرفيوم الكلاسيكية, ومناسب للخروج الصبح وبعد الضهر.

نصايح عند وضع البرفيوم:

– احنا دايما متعودين لما بنحط البرفيوم على منطقة المعصم بنفرك ايدينا الاتنين في بعض, لكن الطريقة دي غلط لان الاحتكاك ده بيغير ريحة البرفيوم, افضل طريقة انك ترشيه وتسيبيه على البشرة من غير فرك.

– متحطيش البرفيوم على الهدوم, المفروض يتحط على البشرة مباشرة قبل ما تلبسي هدومك.

– متحطيش كمية برفيوم كبيرة عشان متبقاش الريحة نفاذه زيادة عن اللزوم, رشات خفيفة على المناطق الدافية في الجسم هتكون كافية جدا.

– لما تروحي تشتري اي برفيوم, جربي ريحته الاول رشي رشه وسيبيه 20 دقيقة تقريبا على البشرة لحد ما ريحته تظهر كويس, وبعدها تقدري تقرري وترجعي تشتريه.

– اختاري اكتر من نوع برفيوم, ينفع لاوقات مختلفة بالليل والصبح وللمناسبات, او تختاري نوع من الانواع اللي تنفع لكل الاوقات.

نصايح ازاى تختارى البرفيوم perfume المناسب ليكى

اعرفى معانا نصايح ازاى تختارى البرفيوم perfum المناسب ليكى
اعرفى معانا نصايح ازاى تختارى البرفيوم perfum المناسب ليكى