6 طرق تشغلي بيهم الهرمونات اللي بتساعد على حرق الدهون

ريهام محمود
ريهام محمود
6872

دايما بنسمع وبنقرا ان هرمونات الجسم هي المسئولة عن حرق الدهون, لكن الحيلة اللي معانا النهاردة هي انك ازاي تشغلي الهرمونات اللي انتي عايزاها, وتوقفي الهرمونات اللي مش عايزاها تشتغل, وده اللي هنعرفة مع بعض من خلال المقال بتاعنا هنقولك طرق تنشيط الهرمونات لحرق الدهون.

طرق تنشيط الهرمونات لحرق الدهون:

1- الهرمون اللي بيخليكي تحسي بالجوع:

الجريلين هو الهرمون اللي بيبعت رسالة للعقل انك جعانة, وده معناه ان ده وقت الاكل, لكن الحقيقة المثيرة للاهتمام ان تقليل السعرات الحرارية بيحفز او بيزود انتاج الجريلين, وحتى مع المشي على نظام غذائي منخفض السعرات الحرارية لمدة 12 شهر, هيفضل برضه مستواه مرتفع, وده واحد من الاسباب ليه الانظمة منخفضة السعرات الحرارية مش بتجيب نتيجة على المدى الطويل.

تنشيط الهرمونات لحرق الدهون 1
تنشيط الهرمونات لحرق الدهون 1

المفروض تعملي ايه:

عشان تحلي مشكلة هرمون الجريلين, اللي هيساعدك على ده هي تمارين الكارديو, زي الجري, رفع الاثقال, الملاكمة كل تمارين القلب او التمارين القوية اللي بترفع مستوى ضربات القلب, وفي اجهزة كتير بتقيس معدل ضربات القلب, لكن اكيد طبعا لو انتي بتتمرني في البيت مش هتكون متوفرة, عشان كده في طريقة اسهل لمعرفة معدل ضربات القلب اللي فعلا بيحرق الدهون, لو مع التمارين بتتفسي بقوة اوي لكن في نفس الوقت قادرة نك تتكلمي لكن متقدريش تغني, يبقى كده انتي وصلتي لمعدل ضربات القلب عند المستوى الصح بتاعها اللي هيحرقلك الدهون.

تنشيط الهرمونات لحرق الدهون 1 1

2- الهرمون اللي بيقولك انك المفروض تاكلي اقل:

لحسن الحظ ان جسمنا كمان بينتج هرمونات تقول للمخ انه الجسم محتاج سعرات حرارية اكتر واكل اقل, وهرمون الليبتين واحد من الهرمونات دي, والهرمون ده بتنتجه الخلايا الدهنية, لكن بعد ارتفاع الليبتين عند نقطة معينة جسمنا بيوصل لمرحلة مقاومة لليبتين, وهنا المخ مش بيقدر يقرا الاشارات بتاعته ومش هيقول لجسمك انك تبطلي اكل.

تنشيط الهرمونات لحرق الدهون 2
تنشيط الهرمونات لحرق الدهون 2

المفروض تعملي ايه:

الحل بسيط, كلي الاطعمة اللي بتحتوي على نسبة عالية من مضادات الاكسدة لانها بتزود من حساسية الليبتين, والاطعمة الغنية بمضادات الاكسدة كتير جدا, منها التوت الاسود, الخرشوف, الفاصوليا الحمرا, البروكلي, الفراولة, التفاح الاحمر, القراصيا, القرنفل, الكريز, الصنوبر, العنب الاحمر, المكسرات, التوت الاحمر, الخضروات الورقية اللي لونها اخضر غامق, البطاطا, الخضروات اللي لونها برتقاني, الشاي, الحبوب الكاملة, البقوليات, السمك.

تنشيط الهرمونات لحرق الدهون 2 1

3- الهرمون اللي بيمتص السكر:

الانسولين مهم جدا للجسم, لانه بينظم مستويات السكر في الدم وبيساعد على التعافي بعد ممارسة الرياضة, والجسم بينتج الانسولين لما بناكل كربوهيدرات وبيساعد الخلايا على امتصاص الجلوكوز, والجلوكوز ده بيستخدم في الطاقة اللي محتاجها الجسم, لكن لو الجسم اخد كمية جلوكوز اكتر من احتياجه هتتحول لدهون وبالتالي الوزن هيزيد.

تنشيط الهرمونات لحرق الدهون 3
تنشيط الهرمونات لحرق الدهون 3

المفروض تعملي ايه:

الحل بكل بساطة انك تمدي جسمك بالكربوهيدرات من الحبوب الكاملة والخضروات والفواكة اللي بتحتوي على نسبة منخفضة من السكر (GI), وكل ما انخفض معدل السكر في الدم, هيتم اطلاق السكر في الدم ببطء وكل ما زاد الوقت اللازم لاستخدامه, وده مش معناه انك تمشي على نظام غذائي صارم, كل اللي انتي نحتاجة تعمليه بس انك تستبدلي الاطعمة اللي بتحتوي على نسبة عالية من السكر (GI) بالاطعمة المنخفضة في السكر, على سبيل المثال, استبدلي الارز الابيض بالارز البني, استبدلي الشوفان الفوري بالشوفان التقليدي الملفوف rolled oats.

تنشيط الهرمونات لحرق الدهون 3 1

4- الهرمون اللي بيقول لجسمك انه يحرق دهون:

هو هرمون الاديبونيكتين اللي بيتم انتاجه في الجسم عن طريق الخلايا الدهنية, والحلو في الهرمون ده انه بيزود من حساسيتنا للانسولين وبيشجع اجسامنا على حرق الدهون على شكل طاقة, وده يمكن يكون غريب ان الهرمون ده بيجي من الدهون وبيحرق الدهون, وجسمنا هيبقى وزنه اقل كل ما ارتفع مستوى الاديبونيكتين. 

تنشيط الهرمونات لحرق الدهون 4
تنشيط الهرمونات لحرق الدهون 4

المفروض تعملي ايه:

عشان نرفع مستوى الاديبونيكتين ده بيجي من خلال التحرك كتير اثناء اليوم, وانك تدخلي في نظامك الغذائي الاطعمة الغنية بالدهون غير المشبعة الاحادية, زي الاسماك, المكسرات, الافوكادو, زيت الزيتون, كمان اكل كميات قليلة من الكربوهيدرات في وجبة العشا من الحاجات اللي بتزود من انتاج الاديبونيكتين.

تنشيط الهرمونات لحرق الدهون 4 1

5- الهرمون اللي بيستخدم الدهون:

الجلوكاجون هو هرمون بيشتغل بطريقة عكسية تماما مع الانسولين, والجلوكاجون بيساعد على تكسير الكربوهيدرات والدهون المتخزنة وبيستخدمها للحصول على طاقة, وكل ما زاد الجلوكاجون في الجسم كل ما قل حجم الجسم.

تنشيط الهرمونات لحرق الدهون 5
تنشيط الهرمونات لحرق الدهون 5

المفروض تعملي ايه:

عشان تزودي مستوى الجلوكاجون, دخلي في نظامك الغائي الاطعمة اللي بتحتوي على نسبة عالية من البروتين والكربوهيدرات, زي السمك, اللحوم, السي فوود, التوفو, المكسرات ودي تعتبر امثلة بسيطة لقايمة طويلة من الاطعمة.

تنشيط الهرمونات لحرق الدهون 5 1

6- الهرمون اللي بيقلل الشهية:

وهو هرمون الايبينيفرين, والمعروف باسم الادرينالين, لما بنحس بالعواطف القوية اللي بتحتاج رد فعل سريع زي الخوف او الغضب, الجسم بيطلق الهرمون ده اللي بيتسمى بهرمون القتال او هرمون الطيران.

الهرمون ده في الاساس بيتم اطلاقه في الجسم في مواقف خاصة جدا لما المخ بيقولنا اننا محتاجين رد فعل قوي او سريع, والهرمون بيشجع الجسم انه يستخدم الدهون المتخزنة كطاقة, وكمان بيقلل من الشهية عشان يخلي الجسم مستعد لردود الافعال للعمل بشكل اسرع.

تنشيط الهرمونات لحرق الدهون 6
تنشيط الهرمونات لحرق الدهون 6

المفروض تعملي ايه:

افضل طريقة صحية لزيادة هرمون الايبينيفرين هي ممارسة تمرين الفاصل الزمني عالي الكثافة.

هو عبارة عن تمرين قصير نوعا ما, مدته مبتزدش عن 30 دقيقة, بشكل عام هو مزيج من تمارين الكارديو القصيرة, من 30 ثانية لدقيقة, بحيث انك تعملي الحد الاقصى من المجهود في التمرين وبعدين تاخدي راحة بوقت متساوي مع وقت التمرين, يعني مثلا 30 ثانية او دقيقة جري, تعملي بعدها دقيقة مشي ببطء لمدة دقيقة.

لو معندكيش وقت كفاية, مافيش مشكلة الموضوع بسيط ممكن تمارسي تمارين تاباتا لمدة 4 دقايق.

تنشيط الهرمونات لحرق الدهون 6 1

تمارين الكارديو لحرق الدهون بشكل سريع جدا .. اعرفيهم معانا

تمارين الكارديو
تمارين الكارديو

مقالات متعلقه

دايت القلب لمدة 3 ايام: هيساعدك تخسي 4 كيلو مع الاطعمة الصحية للقلب

دايت القلب لمدة 3 ايام: هيساعدك تخسي 4 كيلو مع الاطعمة الصحية للقلب

7 اطعمة ابعدي عنهم تماما لو بتحاولي تخسري وزن

7 اطعمة ابعدي عنهم تماما لو بتحاولي تخسري وزن

وصفات لسد الشهية وتخسيس الوزن

وصفات لسد الشهية وتخسيس الوزن