علاج طبيعي هيخلصك من فرط تصبغ البشرة وندبات حب الشباب والبقع الغامقة

بقلمريهام محمود فيبشرة visibility330

لو بتعاني من فرط تصبغ البشرة, وندبات حب الشباب, والبقع الغامقة, وفي نفس الوقت تعبتي من الخلطات ومش عارفة تنتظمي على ايه ولا ايه ومحتارة ما بين الماسكات, النهاردة هنقولك على علاج طبيعي لمشاكل البشرة دي وهي عبارة عن ماسك واحد لكل نوع بشرة هيعالج لك كل المشاكل مع بعض وهيديكي نتايج مذهلة.

علاج طبيعي لمشاكل البشرة:

1- ماسك للبشرة الجافة / والعادية:

المكونات:

6 معالق صغيرة عصير بطاطس.

2 معلقة صغيرة عرقسوس بودر.

طريقة التحضير:

هاتي البطاطس ابشريها ناعم, واضغطي عليها على مصفى عشان تطلعي منها العصير بتاعها, خدي من العصير ده 6 معالق صغيرة, وضيفي عليهم العرقسوس, قلبيهم مع بعض كويس لحد ما تتكون عندك عجينة تقدري تفرديها على الوش لو حسيتي انها سميكة اوي ممكن تضيفي عصير بطاطس تاني لحد ما القوام يتظبط معاكي, افردي الخليط على الوش وسيبيه لمدة من 20 – 25 دقيقة, وبعدين اغسليه بالمية العادية.

العرقسوس بيساعد على علاج تغير لون البشرة وبقع العمر والبقع الغامقة, وكمان علاج الهالات السودا حوالين العين, ولما تجمعي ما بين العرقسوس وعصير البطاطس, الاتنين مع بعض بيعملوا مزيج فعال جدا في علاج كل البقع الغامقة على البشرة, لان البطاطس بتتحكم في انتاج الميلانين اللي بيسبب اسمرار وتصبغ الجلد والبقع, عشان كده هتساعدك على علاج البقع وهتمنعها انها ترجع تاني.

علاج طبيعي لمشاكل البشرة
علاج طبيعي لمشاكل البشرة

2- ماسك للبشرة الحساسة:

المكونات:

2 معلقة صغيرة من دقيق الارز.

2 معلقة صغيرة من جل الالوفيرا.

3 معالق صغيرة من عصير البطاطس.

طريقة التحضير:

في طبق صغير اخلطي كل المكونات مع بعض, لحد ما تتكون عجينة قوامها مناسب, افردي الخليط على البشرة وسيبيه حوالي 20 دقيقة او لحد ما ينشف, وبعدين اغسليه بالمية.

ممكن تستخدمي دقيق ارز جاهز من عند العطار او تطحني الارز العادي في الخلاط وتنخليه.

الخليط ده بيساعد عى تنضيف البشرة, وبيزيل كل طبقة الجلد الميتة, وبيساعد على تجديد خلايا البشرة, يعني هيبني بشرة جديدة خالية من اي عيوب او شوائب.

علاج طبيعي لمشاكل البشرة
علاج طبيعي لمشاكل البشرة

3- ماسك للبشرة الدهنية:

المكونات:

2 معلقة صغيرة من دقيق الحمص.

3 معالق صغيرة من عصير البطاطس.

½ معلقة من عصير الليمون.

طريقة التحضير:

في طبق اخلطي كل المكونات مع بعض, قلبيهم كويس لحد ما تتكون عندك عجينة بقوام مناسب, حطي الخليط على البشرة وسيبيه لحد ما ينشف, وبعدين اغسليه بالمية العادية.

الليمون من المكونات الرائعة جدا للبشرة الدهنية اللي بتساعد على تبييض البشرة وازالة البقع الغامقة, وخليط الليمون مع عصير البطاطس بيكونوا مزيج فعال جدا لازالة كل البقع الغامقة والتصبغات من البشرة.

روتين تفتيح البشرة: 5 طرق مذهلة لاستخدام الليمون لتبييض البشرة

الليمون لتبييض البشرة