أفضل انواع الهايلايتر لاضاءة الوش

ريهام محمود
ريهام محمود
في
مكياج
23417

كتير لما بنتكلم عن اي لوك مكياج, بيكون من ضمن الخطوات هو الهايلايتر, والهايلايتر هو اللمسة النهائية اللي بتدي اضاءة للوش وبتظهر ملامح الوش اكتر وبتبرزها, والنهاردة من خلال المقال بتاعنا هنتعرف على أفضل انواع الهايلايتر.

أفضل انواع الهايلايتر:

1- هايلايتر NARS:

ماركة NARS من الماركات المميزة جدا, ومن الانواع اللي بتدي لوك طبيعي ولمعان مش زيادة عن اللزوم للبشرة, كل اللي هتعمليه حطيه على البشرة بفرشة ناعمة لاضاءة طبيعية ناعمة, او بفرشة صلبة فلات لاضاءة اقوى.

أفضل انواع الهايلايتر 1
أفضل انواع الهايلايتر 1

2- هايلايتر بينيفت Benefit high beam satiny pink liquid highlighter:

بينيفت كمان من الماركات المعروفة, بتقدم لنا نوع هايلايتر سايل.

أفضل انواع الهايلايتر 2
أفضل انواع الهايلايتر 2

3- هايلايتر اربن ديكاي Naked illuminated:

اربن ديكاي بيدي اضاءة بلون دافي للوش, ومثالي جدا لتطبيقه على عضمتين الخد “بيدي تقريبا نفس تأثير البرونزر”, وعلى عضمة الرقبة والكتفين.

أفضل انواع الهايلايتر 3
أفضل انواع الهايلايتر 3

4- هايلايتر ديور Diorskin nude luminizer shimmering glow powder:

نوع هايلايتر بودر من ديور ناعم جدا على البشرة, ومتوفر منه درجات مناسبة لكل الوان البشرة.

أفضل انواع الهايلايتر 4
أفضل انواع الهايلايتر 4

5- هايلايتر انستازيا بفرلي هيلز Anastasia Beverly hills sugar glow kit:

الميزة في النوع ده انه اربع درجات هايلايتر مع بعض في علبة واحدة, يعني تقدري بلمسة واحدة من الفرشة للاربع الوان مع بعض تعملي اضاءة مميزة ودافية مناسبة لاي لون بشرة.

أفضل انواع الهايلايتر 5
أفضل انواع الهايلايتر 5

6- هايلايتر تو فيسد Too faced love light highlighter in ray of light:

بيدي لمعان طبيعي وناعم من غير ما يبين انه بيلمع اوي او فيه زيوت, ودرج لونه الروز جولد مناسبة جدا للبشرة من المتوسطة للسمرا, العيب الوحيد للنوع ده ان تركيبته شفافة اوي, بس ممكن تحلي المشكلة دي برشة من سبراي مثبت للمكياج فوقيه لو عايزة لمعة واضحة اكتر.

أفضل انواع الهايلايتر 6
أفضل انواع الهايلايتر 6

7- هايلايتر NYX strobe of genius highlighting palette:

النوع ده بيجي في بالته فيها اكتر من لون, هتلاقي اللون الشامبين, ودرجات الدهبي ثلاثية الابعاد, البالته فيها 7 درجات مختلفة في الكثافة والالوان, وده معناه انك هتلاقي الدرجة المناسبة للون بشرتك, التركيبة بتاعته ناعمة جدا وبتتطبق بسلاسة على البشرة.

أفضل انواع الهايلايتر 7
أفضل انواع الهايلايتر 7

8- هايلايتر كريمي NARS the multiple in south beach:

نوع تاني من NARS بس بتركيبة كريمي مش بودر, على شكل ستيك وبيتحط على البشرة بسهولة اكتر, بيدي لمعة طبيعية, والافضل متحطيهوش بالستيك على البشرة مباشرة لانه ممكن يأثر على المكياج اللي تحته, الافضل تحطيه بسفنجة مكياج او فرشة.

أفضل انواع الهايلايتر 8
أفضل انواع الهايلايتر 8

9- هايلايتر ماك MAC extra dimension skinfinish highlighter in beaming blush:

بيدي لمعة طبيعية ناعمة, كل اللي هتعمليه باستخدام فرشة كبيرة طبقيه على الاماكن اللي عايزة تبرزيها, هتلاقي منه الدرجات الدافية والروز اللي تمشي مع البشرة السمرا, والدرجات اللي تمشي كمان مع البشرة البيضا.

أفضل انواع الهايلايتر 9
أفضل انواع الهايلايتر 9

10- هايلايتر هدى بيوتي Huda beauty 3D highlighter palette:

بالتة هدى بيوتي بتحتوي على 4 درجات هايلايتر, ممكن تستخدمي كل درجة لوحدها او تعملي مزيج ما بين ال 4 درجات وتستخدميهم مع بعض على البشرة لاضاءة مميزة.

أفضل انواع الهايلايتر 10
أفضل انواع الهايلايتر 10

11- هايلايتر كريمي من ماك MAC strobe cream in pinklite:

نوع هايلايتر كريمي من ماك بيدي اضاءة قوية وفي نفس الوقت مش اللمعة اللي بتعمل لوك زيتي او دهني للبشرة وبيبان طبيعي.

أفضل انواع الهايلايتر 11

12- هايلايتر ماك دهبي MAC mineralize skinfinish in gold deposit:

هايلايتر دهبي بلون دافي جدا, ومن الالوان المناسبة اكتر للبشرة السمرا, لان الدهبي بيبرز البشرة الدافية اكتر وبيظهرها.

أفضل انواع الهايلايتر 12

13- هايلايتر ميبيلين Maybelline master chrome metallic highlighter in molten peach:

هايلايتر من ميبيلين بلون خوخي دهبي عميق, مناسب للبشرة السمرا, بيتميز بنعومتة وسهولة تطبيقه على البشرة.

أفضل انواع الهايلايتر 13

14- هايلايتر Wet n Wild megaglo highlighting powder in blossom glow:

هايلايتر بيدي اضاءة ناعمة وطبيعية, هنلاقي منه درجات مناسبة لكل الوان البشرة من اول البينك الفاتح اوي المناسب للبشرة البيضا, والالوان الدهبي الدافية المناسبة للبشرة السمرا, وهتلاقي منه بالته فيها 4 درجات مع بعض.

أفضل انواع الهايلايتر 14

15- هايلايتر E.L.F long wear baked highlighter in apricot glow:

متوفر بدرجات الخوخي والدهبي المناسبين لكل الوان البشرة.

أفضل انواع الهايلايتر 15

16- هايلايتر لوريال L’Oreal paris true match lumi liquid illuminator in golden:

هايلايتر سائل من لوريال باللون الدهبي, مناسب للبشرة السمرا وصاحبة الاندرتون الدافي والاصفر.

أفضل انواع الهايلايتر 16

اماكن وضع الهايلايتر:

– منتصف الجبهه.

– عضمة الحاجبين.

– الزاوية الداخلية للعين.

– فوق عضمة الخدين.

– جسر الانف “منتصف الانف”.

– قوس كيوبيد.

– الدقن.

أفضل انواع الهايلايتر 18

مقالات متعلقه

على طريقة Huda beautyازاى الأنف يبان أصغر بالمكياج  في 3 خطوات بس

على طريقة Huda beautyازاى الأنف يبان أصغر بالمكياج في 3 خطوات بس

14 غلطة بتعمليهم لما تيجي تحطي الهايلايتر

14 غلطة بتعمليهم لما تيجي تحطي الهايلايتر

بالفيديو: ازاى تعملى Makeup لكل يوم من الـ Drugstore فى 10 دقايق

بالفيديو: ازاى تعملى Makeup لكل يوم من الـ Drugstore فى 10 دقايق