أكتر 5 أبراج اجتماعيين وبيحبوا الحياة.. اعرفي انتي منهم ولا لاء

آية حسان
آية حسان
4243

بتحسي انك شخص اجتماعي ومايقدرش يعيش من غير الناس؟ ايامك كلها خروجات ومقابلات ومابتحبيش قعدة البيت، ولا بالعكس بتحسي نفسك شخص بيتوت وبتنزعجي من الناس تير، لو كانت اجابتك أيوة على السؤال الأول يبقى انتي أكيد واحدة من مواليد الابراج اللي هنتكلم عليها دلوقتي، كل برج وليه صفات بتميزه، لكن مش كل الابراج اجتماعية. في المقال ده هنقولك أكتر 5 أبراج اجتماعيين وبيحبوا الحياة.. اعرفي انتي منهم ولا لاء..

أكتر 5 أبراج اجتماعيين وبيحبوا الحياة.. اعرفي انتي منهم ولا لاء

في الاول لازم نذكر انه غم ان اصحاب الابراج دي عفويين واجتماعيين وكلهم نشاط وحيوية، لكن حبهم للناس وارتباطهم بالحياة الاجتماعية بيخلي صعب عليهم جدا انهم يعتمدوا على نفسهم في انهم يسلوا نفسهم او يقضوا وقت لوحدهم، لانهم فورا بيحسوا بالوحدة والملل، فمعظم الوقت انشطة هادية زيت التأمل والقراءة وسماع المزيكا لوحدكمثلا ممكن تحسيها صعبة وانك مش قادرة تعمليها، عشان كده لو كنتي من بنات أبراج الجوزاء، الأسد، الميزان ، القوس أو الدلو فالحياة الاجتماعية هي الانسب لك، خلينا نقولك ليه .. 

الجوزاء:

رغم انك ممكن تستغربي لكن برج الجوزاء بيعتبر هو الفراشة الإجتماعية بامتياز، هما اللي اخترعوا الروابط الاجتماعية وبيحبوا النا جدا رغم حذرهم منهم طول الوقت، برج الجوزاء نشيطين بشكل كبير و بيتكلموا طول الوقت في اي وقت واي حاجة ولول سافروا مكان بيحبوه هيستخسروا حتى انهم يناموا وهيحبوا يقضوا طول الوقت في حفلات وخروجات. 

الجوزاء
الجوزاء

الأسد :

برج المتفاخرين إجتماعيا، بتحكمه الشمس فدايما تلاقي مواليد برج الاسد مليانين بالغرور واحساسهم الزايد بنفسهم. وزيهم زي الشمس بيحبوا دايما يبقوا متشافين ووجودهم متلاحظين ول الوقت، عشان كده التجمعات الاجتماعية بتعتبر فرصتهم الافضل لانهم يتكلموا ويتفاخروا بنفسهم.

الأسد
الأسد

الميزان :

دايما متحمسين لمقابلة ناس جديدة بيقدرا يوازنوا بين العقل والعاطفة اللي هما الكفتين اللي بيحكموا اي علاقة، عشان كده روابطهم وعلاقاتهم الاجتماعية بالناس من حواليهم دايما ناجحة وقوية، تكوين الصداقات الجدبدة هي هوايتهم المفضلة. 

الميزان
الميزان

القوس :

أصحاب الشخصية الكبيرة والقوية، المواليد من بنات برج القوس معروفين بصوتهم العالي و طاقتهم المتجددة وشخصيتهم المغامرة، مفيش حاجة بتحجم طاقتهم ولا تقتل شغفهم، مواليد برج القوس كائنات إجتماعية بامتياز لان دي بتعتبر أفضل طريقة لعمل علاقات جديدة لأنهم مايقدروش يعيشوا من غير الناس فس حياتهم، وطريقتهم المفضلة في صنع ذكريات طويلة المدى وانهم يعيشوا تجارب جديدة كل يوم. 

القوس
القوس

الدلو: 

بيعرفوا ازاي يجمعوا الناس، قدراتهم القيادية وحبهم للناس بيخليهم يقدروا يقنعوا اي حد بسهولة انه يقابلهم ويقضي وقت معاهم، وبيحبوا يعرفوا اكبر عدد من الناس على قد ما يقدروا رغم انهم ممكن احيانا قليلة يميلوا للعزلة. 

الدلو
الدلو

اعرفي معانا كمان اغرب الصفات الموجودة في شخصيتك حسب برجك

مقالات متعلقه

ايه اللي محتاجة فعلا تلغيه من حياتك حسب برجك

ايه اللي محتاجة فعلا تلغيه من حياتك حسب برجك

اغرب الصفات الموجودة في شخصيتك حسب برجك

اغرب الصفات الموجودة في شخصيتك حسب برجك

ايه هى الهدايا المناسبة لكل شخص حسب برجه

ايه هى الهدايا المناسبة لكل شخص حسب برجه