بالصور أفكار تنسيقات ستايلات محجبات للسفر مريحة وعملية

آية حسان
آية حسان
10501

لما تكوني هتسافري لساعات طويلة 5 ساعات أو أكتر، صعب تلبسي حاجة فورمال او كلاسيك لانها هتبقى غير مريحة بالمرة ومش هتبقى عملية،  في ايام السفر لازم تهتمي ان لبسك يكون مريح وخفيف لأقصى درجة عشان يساعدك في الحركة والتنقلات خصوصا لو كنتي محجبة لان الحجاب بيحتاج طبيعة لبس معينة، في مالقال ده هنقولك بالصور أفكار تنسيقات ستايلات محجبات للسفر مريحة وعملية، خلينا نعرفهم سوا 

بالصور أفكار تنسيقات ستايلات محجبات للسفر مريحة وعملية

لما تقرري تنزلي تعملي شوبينج للسفر، خلي في بالك دايما ان  ستايلات المحجبات للسفر مش بالضرورة تكون محصورة في التيشيرتات والبنطلونات الكاجوال وبس، لكن دلوقتي بقى في ستايلات كتيرة ومختلفة ممكن تستلهمي منها أكتر من لوك لستايلك خلال السفر، ممكن تستبدلي الجينز بالبنطلونات القماش الواسعة مع تيشيرت مخطط او كاررديجان واسع وحجاب مناسب وسنيكرز ، ممكن كمان تعملي pajama style set  أو ترينينج للخروج بخطوط جلد في البنطلون وتيشيرت سادة وشوز جري.

مفيش حاجة هتبقى أشيك ومريحة أكتر من جامبسوت من قطعة واحدة او اوفرسايز تيشيرت بلون مميز لأن القطع دي بتعتبرمن القطع المهمة اللي لازم تكون في دولابك لو بتسافري كتير، ممكن الجامبسوت تكون من بستايل الكاكي من خامة القطن مع حزام جلد و صندل صيفي كاجوال عشان تجددي من ستايلاتك في السفر. 

كمان من الستايلات اللي ممكن تكون مثالية ومريحة أثناء السفر هي القطع العملية، زي الجامبسوت زي ما قلنا والـ cargo pants او الجيبات بنقشات مختلفة زي الـ tiger print او النقشات الفلورال و نقشة السلاسل اللي بتعتبر موضة جدا دلوقتي مع شنطة خفيفة لأوراقك المهمة والفلوس وكارديجان وسنيكرز مناسبين ولون حجاب من اختيارك، وعشان تعملي لوك أنثوي أكتر جربي تلبسي دريس قطن من ألوان فاتحة زي درجات ألوان النيود وألوان الباستيل مع زراير من قدام و صندل بخيوط او starpy sandals. 

جربي كمان تلبسي قطع معمولة من خامات ضد البلل وضد التجعد او يعني مابتتكرمش ولا تحتاج تتكوي عشان تفضلي محافظة على شياكة اللوك بتاعك اطول فترة ممكنة من غير ما يتبهدل او شكله يتغير. 

شوفي معانا كمان دليل الحجاب: الستايلات المختلفة للفات الحجاب وازاي تلبسيها

مقالات متعلقه

نصايح للوك شتوي كاجوال وانيق بالحجاب

نصايح للوك شتوي كاجوال وانيق بالحجاب

افكار ستايلات للمحجبات تستوحي منها اللوك بتاعك في الصيف

افكار ستايلات للمحجبات تستوحي منها اللوك بتاعك في الصيف

افكار ستايلات للمحجبات مناسبة للجامعة

افكار ستايلات للمحجبات مناسبة للجامعة