5 نصايح ازاي تعملي مكياج البحر صح عشان تطلعي بلوك حلو في كل مكان

آية حسان
آية حسان
في
مكياج
2059

اهتمامك بشكلك الحلو في كل مكان حتى على البحر لكن لازم تعرفي تعملي لوك مظبوط اعرفي معانا بخطوات بسيطة 5 نصايح ازاي تعملي مكياج البحر صح بسهولة، خلينا نبدأ على طول .. 

5 نصايح ازاي تعملي مكياج البحر صح عشان تطلعي بلوك حلو في كل مكان

1- ابتعدي عن مستحضرات التجميل السائلة : 

حتى لو انتي متعلقة بالميك اب السائل او الكريمي، لازم تستغني عنهم لما تيجي تعملي مكياج البحر وتستبدليهم بأدوات تانية أساسها بودر أكتر، لأن لو استخدمتي المكياج الكريمي او اللي اساسه بيعتمد على السوايل زي الزيوت ده هيخلي المكياج معرض اه يسيح ويخلي وشك يلمع بنسبة أكبر كل لما تنزلي المياة او تقعدي على الشط في الشمس، لكن حاجات زي الفاونديشن و الـ baking powder بتتشرب اي عرق او لمعة وهتخلي مكياجك اهدى واللوك بتاعك يفضل مطفي ومات لوقت أطول خلال النهار ، وهتقدري بسهولة تلاقي مكياج اساسه بيعتمد على الباودر تستبدلي بيه المكياج اللي اساسه زيت و كريم بكل سهولة لمعظم الحاجات اللي بتحتاجيها زي الماسكارا والبلاشر والايلاينر او على الاقل أهمها زي الفاونديشن والبرايمر. وماتنسيش تستخدمي فاونديشن يكون فيه معامل حماية من الشمس على الأقل SPF 50 . عشان يحمي بشرتك من اشعة الشمس الضارة والمباشرة. 

2- قللي مكياج العيون : 

تاني حاجة مهم تعرفيها عن ازاي تعملي مكياج البحر هي انك لازم تقللي مكياج العيون على قد ما تقدري، لان كل ما تقللي ده هيمنع مكياج عينيكي من انه يسيح او يتكتل وكمان مش مناسب للبحر انه مكياج عينيكي يبقى تقيل او واضح جدا لان ده هيبوظ اللوك بتاعك كله، جربي تستغني عن الماسكارا لانه على الاغلب بسبب نزول البحر واشعة الشمس المباشرة هتلاقي الماسكارا ساحت اول ما تلمسي المياة، بدل كل ده اتني رموشك باستخدام آداة تني الرموش عشان تديها طول أكتر وسخني آداة الرموش بالسيشوار قبل ما تستخدميها. 

اما بالنسبة للآيلاينر، عشان تمنعى التكتلات خلال يومك على البحر جربي تحطى الايلاينر على الحافة الداخلية لجفنك وخط مدمع العين، لما هتحطي الآيلاينر على المناطق دي مش هيبقى واضح أوي لكن هيبرز عينك ويجملها وحتى لو حصلت تكتلات مش هتبقى واضحة اوي و هيخلي عينيكي واضحة بشكل طبيعي طول اليوم، ممكن تستخدمي كمان powder eyeshadow كبرايمر قبل ما تستخدمي الآيلانر.

ازاي تعملي مكياج البحر 1
ازاي تعملي مكياج البحر 1

قللي مكياج العيون

3- استخدمي مستحضرات كلها waterproof : 

تالت نصيحة معانا عشان تعرفي ازاي تعملي مكياج البحر هي انك تستخدمي مستحضرات كلها ووتربروف ومضادة للمياة، كل مرة تروحي البحر اشتري مكياج كله ووتربروف، دي خطوة بديهية ومهمة جدا عشان تمنعي الرطوبة والمياة من انها تخرب مكياجك ، مهم جدا تخلي مكياج عيونك كله مضاد للمياة خصوصا الماسكارا و الفاونديشن والبرونزر. 

استخدمي مستحضرات كلها waterproof
استخدمي مستحضرات كلها waterproof

4- ماتنسيش الـ sun screen : 

المكياج من غير sun screen ماينفعش، السن سكرين مهم جدا مش بس لانه هيحمي بشرتك من الشمس، لكن كمان هيحمي مكياجك من انه يسيح او يكتل ومهم كمان انه اي حاجة تستخدميها في مكياجك تكون على الاقل SPF 20 عشان توفري حماية كافية من اشعة الشمس لبشرتك. 

ازاي تعملي مكياج البحر 2
ازاي تعملي مكياج البحر 2

5- خليكي في الألوان النيود Nude  : 

اليوم اللي هتقضيه على البحر مش افضل يوم تجربي فيه ستايلات ولا تريندات لان جو وطبيعة البحر هتفرض عليكي طبيعة لوك معين تعمليه، عشان كده خليكي في الالوان النيود لان هي الانسب للنهار و لطبيعة الجو على البحر عشان تطلعي بلوك طبيعي وهادي مناسب للنهار، روحي للألوان القريبة من لون بشرتك و LIP GLOSS او LIP STICK بلون ترابي هادي او بدرجات الينك القريبة للون شفايفك. وممكن بسهولة بالالوان دي تعمل لوك كامل او FULL COVERGAE من غير اي قلق. 

خليكي في الألوان النيود Nude
خليكي في الألوان النيود Nude

شوفي هنا صور لستايلات تلهمك .. 

اعرفي معانا كمان 11 نصيحة تجنن للتصوير بموبايلك على البحر

مقالات متعلقه

5 اوقات تستغني فيهم عن كريم الاساس وتستخدمي بداله BB كريم

5 اوقات تستغني فيهم عن كريم الاساس وتستخدمي بداله BB كريم

5 افكار لمكياج يومي طبيعي

5 افكار لمكياج يومي طبيعي

خطوات عمل مكياج نهاري خفيف

خطوات عمل مكياج نهاري خفيف