افضل فيتامينات لصحة ونضارة البشرة المفروض متهمليهاش
الفيتامينات او المعروفة بالمكملات الغذائية ليها تأثير ايجابي على الجسم من جوه ومن بره, ولما بيكون في نقص فيتامين بيبان اول حاجة على الجلد وبشرة الوش والرقبة, نقص الفيتامينات بيخلي البشرة شاحبة وباهتة وبتفقد نضارتها, ومن اكتر الفيتامينات اللي ممكن الجسم يعاني من النقص فيها هي فيتامين C, لانه بيكون مش من السهل الحصول على الفيتامين ده بشكل كافي من خلال الاكل بس بانتظام, ونقس الفيتامينات عموما مش بيأثر على البشرة بس لكن كمان على الاعضاء الداخلية ووظايف الجسم, عشان كده مهم جدا اننا نعوض النقص ده عشان نمد الجسم بالفيتامينات اللي محتاجها, والنهاردة من خلال موضوعنا هنتعرف مع بعض على افضل فيتامينات لصحة البشرة ونضارتها المفروض تهتمي بالحصول عليها.
افضل فيتامينات لصحة البشرة:
هنعرف مع بعض حوالي 11 نوع فيتامين اساسية وضرورية جدا لتحفيز نمو وتجديد الجلد والحفاظ على صحته ونضارته.
1- فيتامين A :
– الريتينول “فيتامين A” بيساعد على علاج حب الشباب, وبيحسن قدرة الجلد على امتصاص اي منتجات او مراهم مستخدمة للعناية بالبشرة.
– بيظهر الجلد, وبينظم الغدد الدهنية, وبالتالي بيقلل من افراز الدهون الزيادة اللي ممكن تسد المسام وتسبب حب الشباب.
– بيحسن من وظايف طبقات الجلد, وبيضمن نمو وتجديد الجلد بشكل طبيعي.
– بيحمي الجلد من الجفاف.
– بيحسن الدورة الدموية في البشرة, وبالتالي ده بيزود من انتاج الكولاجين وبيأخر الشيخوخة والتجاعيد.
– بيجدد خلايا الجلد.
– بيساعد على القضاء على البقع الغامقة.
الاطعمة الغنية بفيتامين A:
الكبدة, الجزر, القرع, البطاطا, الطماطم, البيض, منتجات الالبان, السمك, الفلفل الاحمر, الخضروات الورقية اللي لونها اخضر غامق, الخس, الشمام, المشمش المجفف, الاعشاب الجافة ( البقدونس – الزعتر – البردقوش – الشبت ).
2- فيتامين B1 او الثيامين:
– الثيامين بيساعد على مكافحة شيخوخة الجلد.
– بيحتوي على مضادات اكسدة قوية اللي بتساعد على تقليل الجذور الحرة اللي بتضر البشرة وبتسبب التجاعيد.
– بيقلل من البقع المرتبطة بالعمر.
الاطعمة الغنية بفيتامين B1:
الكبدة, اللبن المجفف, الشوفان, البرتقان, البيض, البسلة, الارز, المكرونة, الخبز, الحبوب, الدقيق, المكسرات ( الفستق – البندق – الكاجو – الفول السوداني – المكسرات البرازيلي ), السمك, القرع, الفاصوليا, البذور خصوصا السمسم وبذور القرع وبذور الشيا.
3- الريبوفلافين او فيتامين B2:
– الريبوفلافين بيساعد على تحسين الجهاز التنفسي.
– بيساعد على زيادة التمثيل الغذائي.
– بيحسن لون البشرة.
– بيحافظ على نعومة ونضارة البشرة.
الاطعمة الغنية بالريبوفلافين:
الاسماك, اللحوم, الفراخ, الكبدة, البيض, منتجات الالبان, الخرشوف, الافوكادو, الزبيب, الشطة, الفاصوليا, البسلة, المشروم, المكسرات, البقدونس, القرع, البطاطا, المرمرية, البروكلي, براعم بروكسل, السبانخ, الجرجير, الخبز بالحبوب الكاملة, نخالة القمح “الردة”.
4- فيتامين B5:
– فيتامين B5 او حمض البانتوثنيك بيساعد على التخلص من التجاعيد.
– مرطب للبشرة.
– مضاد للالتهابات, وبيساعد على الحفاظ على صحة الجلد ونضارتها.
– بيأخر ظهورالتجاعيد, وعلامات التقدم في العمر, والخطوط الرفيعة على البشرة.
– بيمنع ظهور البقع الغامقة, والتصبغات الجلدية.
– بينشط خلايا البشرة, بيساعد على تجديد الجلد, وبيساعد على التئام الجروح.
– بيعالج المشاكل الجلدية زي حب الشباب.
– بيعالج حساسية الجلد.
الاطعمة الغنية بفيتامين B5:
المشروم, الكرنب, القرنبيط, البقوليات, سمك السلمون, البيض, الخميرة, اللبن, المكسرات, منتجات الالبان, البيض, فول الصويا, القمح, الفول السوداني, بذور عباد الشمس, الحبوب الكاملة, الذرة, الفراولة, اللحوم, الكبدة, البروكلي, البطاطا.
5- فيتامين B6:
– فيتامين B6 او البيريدوكسين بيساعد في علاج كتير من المشاكل الجلدية زي الاكزيما وحب الشباب عشان هنلاقيه بيدخل في كتير من منتجات العناية بالبشرة.
– بيمنع مشكلة حب الشباب في الوش والجسم بشكل فعال.
– بيحسن من الدورة الدموية, وبيساعد على تغذية البشرة.
– بيحتوي على نسبة عالية من مضادات الاكسدة اللي بتساعد على تحسين تدفق الدورة الدموية وتنشيطها, وده بيساعد على منع ظهور التجاعيد والخطوط الرفيعة.
– بيسيطر على افراز الزيوت الزيادة على البشرة.
– بيحمي البشرة من الاشعة فوق البنفسجية الضارة, وبيحسن من صحة البشرة وبيحميها من من التلف وسرطان الجلد الناتج عن التعرض للاشعة فوق البنفسجية الضارة.
– بيساعد على تفتيح البشرة لانه بيحتوي على خصائص بتساعد على تبييض الجلد مع الاستمرار, وازالة البقع, وحب الشباب, والتصبغات الجلدية وتوحيد لون البشرة.
– بيقوي خلايا الجلد.
– بيمنع انتفاخ البشرة والشحوب والبهتان, وبيجدد الجلد.
– بيساعد على ترطيب وتنعيم البشرة.
– بيحمي البشرة من الجفاف.
الاطعمة الغنية بفيتامين B6:
منتجات الالبان من اللبن والبيض والجبن, اللحوم الحمرا, الفراخ, سمك التونة, سمك السلمون, الخضروات الورقية اللي لونها اخضر غامق زي السبانخ, اللفت, الافوكادو, البطاطس, البطيخ, الموز, الفواكة الحمضية زي البرتقان والليمون والكيوي والجريب فروت, المكسرات, البذور, الحمص, الحبوب الكاملة, حليب الصويا, الكبدة, الجزر.
6- فيتامين B9:
– فيتامين B9 او حمض الفوليك يعتبر سلاح رائع جدا لمحاربة حب الشباب.
– بيحافظ على رطوبة الجلد وبيمنع جفاف البشرة.
– بيحافظ على نضارة البشرة, وبيخلصها من الشوائب والعيوب, وبيزود من مرونة الجلد.
– بيمنع علامات التقدم في العمر والشيخوخة المبكرة, لانه بيساعد على تحفيز انتاج الكولاجين اللي بيحافظ على نضارة وشباب البشرة.
– بيساعد على توحيد لون البشرة وازالة التصبغات الجلدية.
الاطعمة الغنية بفيتامين B9:
الخضروات الورقية الخضرا ( السبانخ – الجرجير – الكرنب ), الفواكه الحمضية, البيض, البروكلي, البقوليات, البابايا, براعم بروكسل, المكسرات, البذور, البنجر, الافوكادو, الكبدة البقري, الحبوب الكاملة, جنين القمح, الموز, عصير الطماطم.
شوفي من هنا افضل 5 فيتامينات بتساعد على منع حب الشباب.
7- فيتامين C:
– فيتامين C او حمض الاسكوربيك بيساعد على زيادة انتاج الكولاجين لتجديد البشرة والحفاظ على شبابها.
– حماية البشرة من اضرار اشعة الشمس زي حروق الشمس, والجذور الحرة, وسرطان الجلد.
– التقليل من التجاعيد وعلامات التقدم في السن.
– بيساعد على التئام الجروح بسرعة.
– بيحمي البشرة من تكون البقع الغامقة والتصبغات الجلدية, وبيساعد على تفتيح الاماكن الغامقة زي بقع العمر والنمش.
– تحسين صحة البشرة وزيادة مرونتها.
الاطعمة الغنية بفيتامين C:
الشمام, الكيوي, المانجا, الاناناس, البابايا, الفراولة, التوت البري, التوت الازرق, الفواكة الحمضية بشكل عام, البطيخ, البروكلي, براعم بروكسل, القرنبيط, الفلفل الاخضر والاحمر, الخضروات الورقية الخضرا, البطاطا, الطماطم وعصير الطماطم, القرع, الجوافة, الاعشاب الطازة زي البقدونس والزعتر.
8- فيتامين D:
– بيحافظ على البشرة في حالتها المثالية.
– بيمنع الشيخوخة المبكرة.
– بيساعد على علاج الصدفية, وحكة الجلد.
– بيحتوي على خصائص مضادة للالتهابات القوية بتساعد على علاج الحروق, وبيعالج تلف الجلد, وعلامات التمدد.
– بيساعد على علاج الاكزيما.
– بيساعد على علاج حب الشباب.
الاطعمة الغنية بفيتامين D:
اللبن قليل الدسم, حليب الصويا, البيض وخصوصا الصفار, الجبن, سمك السلمون, التونة, الحبوب, المشروم, السردين, الكبدة البقري.
9- فيتامين E:
– بيحافظ على نعومة ومرونة البشرة.
– فيتامين E او التوكوفيرول بيحمي البشرة من الاشعة فوق البنفسجية الضارة واثارها زي حروق الشمس والحكه.
– بيحتوي على خصائص مكافحة للشيخوخة.
– بيساعد على التقليل من فرط التصبغ.
– علاج ندبات حب الشباب.
– بيسرع من التئام الجروح.
– التقليل من الحكه وحساسية الجلد.
الاطعمة الغنية بفيتامين E:
المكسرات, البذور, السبانخ, الزيوت النباتية ( زيت الزيتون – زيت جوز الهند – زيت دوار الشمس ), الافوكادو, الكيوي, المانجا, البرقوق المشمش, الزيتون, اللحوم الحمرا, سمك السلمون, الجمبري, الفلفل الاحمر الحلو, اللفت, البنجر, البروكلي, الخردل الاخضر.
10- فيتامين K:
– بيساعد على التخلص من تصبغات البشرة.
– بيساعد على منع تورم الجلد.
– بيساعد على التخلص من الالتهابات والاحمرار وحب الشباب.
– بيساعد على زيادة مرونة الجلد.
– بيقلل من الهالات السودا حوالين العين.
– بيساعد على مكافحة التجاعيد.
– بيساعد على علاج الكدمات والقضاء عليها بسرعة.
الاطعمة الغنية بفيتامين K:
الخضروات الورقية الخضرا, فول الصويا, براعم بروكسل, الكرنب, البروكلي, منتجات الالبان المخمرة, الخوخ, الخيار, الريحان المجفف, زيت الزيتون, الفاكهة المجففة, القرنفل, الشطة, المسطردة, البيض.
11- فيتامين H:
– فيتامين H او البيوتين بيساعد على ترميم الجلد.
– بيساعد على تحسين صحة الجلد.
– بيساعد على منع امراض جلدية زي حب الشباب, الصدفية, الحكه, الطفح الجلدي, والالتهابات الجلدية.
الاطعمة الغنية بفيتامين H:
الخميرة, صفار البيض, منتجات الالبان, البقوليات, الخضروات الورقية الخضرا, القرنبيط, المشروم, المكسرات وزبدة المكسرات, بذور دوار الشمس, الجزر, الكبدة, والكلاوي, السمك, الحبوب الكاملة, البطاطا, الطماطم, البصل.
8 علامات هيدهالك جسمك تقولك ان عندك نقص فيتامينات..وازاي تعوضيه بالاكل
