10 طرق مضمونة هتنقذك من حر الصيف بالليل وتوفرلك نوم مريح
في الصيف مع درجات الحرارة العالية بنلاقي صعوبة في النوم بالليل, لو انتي مش متوفر عندك تكييف او مش بتحبي تنامي على التكييف في طرق تانية بسيطة ممكن تساعدك تتغلبي على حر الصيف وتخليكي تنامي نوم مريح, وده اللي هنعرفة النهاردة مع بعض من خلال السطور الجايه هنقولك طرق تنقذك من حر الصيف وتوفرلك نوم مريح وهادي.
طرق تنقذك من حر الصيف:
1- اتأكدي من تدفق الهوا:
التهوية هي المفتاح عشان تحافظي على برودة المكان اللي انتي نايمة فيه, لو نايمة على مروحة خليها قدام شباك مفتوح, بحيث السرير يكون بين الشباك والمروحة, ده هيساعد على الحفاظ على تدفق الهوا في المكان.
2- غيري ملايات السرير:
ولما بنقول “غيري” ملايات السرير يعني “استبدليها” بملايات تكون خفيفة وبألوان فاتحة, عشان ده هيساعد انها تعكس الضوء والحرارة بدل ما تمتصه, فلو انتي بتستخدمي ملايات بتحافظ على الحرارة في الشتا, في الحالة دي مش هتكون مناسبة للاستخدام الصيفي.
3- استخدمي مخدات اصغر:
زي النقطة اللي فاتت لو المخدات على السرير تصميمها معمول عشان تدفيكي في الشتا, سواء في الحجم او الخامات, في الحالة دي انتي محتاجة تستبدليها بمخدات صيفي, وده مهم جدا لراسك لانها هتسخن وانتي نايمة ومش هتعرفي تنامي, عشان كده الافضل تختاري مخدات بحجم اصغر ومتينة او ثابتة, ممكن تجربي تنامي على مخدات الكنبة.
4- البسي لبس مريح:
لو هتلبسي لبس النوم او بيجامة, اتأكدي انها خفيفة ومرنة وواسعة عشان تساعدك على الحفاظ على برودة الجسم.
5- خلي سريرك بارد:
في اشخاص كتير في الشتا بيستخدموا اربة او ازازة مية سخنة عشان تدفيهم وهما نايمين, في الصيف بقى هنعمل العكس ممكن تستخدمي نس الطريقة بالمية السقعة, او تنامي على ملايات لسه مغسولة بمية سقعة, او ترشي السرير رشات خفيفة بمية سقعة, تقدري تستخدمي اي طريقة منهم.
6- اعرفي نقط التبريد في الجسم:
غالبا اشخاص كتير لما بيتعبوا او بيحسوا بسخونية بيستخدموا كمادات مية سقعة عشان ينزلوا الحرارة, الخدعة البسيطة دي هتساعدك في ايام الحر حتى لو مكنتيش مريضة, لانه مهم جدا انك تحافظي على الراس بارد, لكن ده مش معناه برضه انك تتجاهلي الجزء اللي تحت من الجسم, قبل النوم حطي رجلك تحت المية السقعة, ده هيساعد نقط النبض في القدمين انها تحافظ على برودتها وتقلل من حرارة الجسم, ولو معندكيش مشكلة تنامي بشعر مبلول ممكن تغسلي شعرك بمية باردة وتنامي بيه مبلول ده كمان هيوفرلك الراحة اثناء النوم, كل اللي هتعمليه بس انك تاخدي شاور بارد قبل النوم.
7- خلي جسمك منخفض:
مجرد ما الهوا الدافي او السخن يرتفع في الهوا, فهنا الارض هتكون اكتر برودة من سريرك, فحاولي تخلي نفسك مرتاحة, ممكن تنامي في كيس للنوم, او مرتبة على الارض بدل السرير.
8- غطي الشباك:
افتحي الشباك وخلي عليه ستارة او شييت عشان يمنع دخول الشمس, وفي اشخاص بيستخدموا شييت يكون رطب عشان يوفرلهم هوا بارد اكتر, واتأكدي من استخدام نوع ستاير كويسة, وفي بالفعل ستاير خاصة تصميمها معمول لمنع الحرارة انها تدخل من الشباك ممكن تعتمدي على النوع ده.
9- خلي بالك من اكلك قبل النوم:
متاكليش قبل النوم مباشرة, وخلي الوجبات الكبيرة قبل النوم بوقت كافي, وهنقولك حقيقة مختلفة شوية عن المتوقع ان الاطعمة الباردة زي الايس كريم او البطيخ لما تاكليها هتديكي راحة مؤقتة بس في الحر, لكن الاكل الحراق او السبايسي ممكن يكون سلاح سري ضد الحرارة لكتير من الاشخاص, لان العرق اللي بينتج عن الاطعمة الحراقة او الحارة والغنية بالتوابل ممكن انه يساعد على تهدئة الجسم اثناء الحرارة, لكن اكيد كل شخص جسمه بيكون ليه ردود فعل مختلفة من الاطعمة الغنية بالتوابل, عشان كده لازم تكوني حريصه لما تجربي الموضوع ده لانه بيختلف من جسم للتاني.
10- اعملي تكييف خاص بيكي:
لو مش متوفر عندك تكييف, تقدري تعملي فكرة بسيطة جدا بالمروحة كبديل للتكييف, بكل بساطة تقدريي تحطي طبق فيه تلج قدام المروحة العادية بتاعتك, اثناء ذوبان التلج المروحة هتطلعلك هوا بارد جاي من برودة التلج اللي قدامها.
يا ترى ايه الافكار الذكية اللي بتستخدموها عشان تحافظوا على البرودة اثناء الحر والصيف؟ شاركونا افكارهم.
