روتين تفتيح البشرة: 5 طرق مذهلة لاستخدام الليمون لتبييض البشرة

بقلمريهام محمود فيبشرة visibility456

الليمون من اكتر المكونات المعروفة بتأثيرها الفعال في تفتيح البشرة, لانه بيحتوي على حمضالاسكوربيك, اللي بيساعد على تقشير البشرة بشكل طبيعي, وبيساعد على تفتيح البشرة, كمان فعال جدا في منع البقع الغامقة من البشرة, والنهاردة من خلال المقال بتاعنا هنقولك على 5 طرق لاستخدام الليمون لتبييض البشرة.

الليمون لتبييض البشرة:

1- الليمون كغسول للبشرة:

المكونات:

1 معلقة كبيرة زبادي كامل الدسم.

1 معلقة صغيرة عسل.

1 معلقة صغيرة عصير ليمون.

الطريقة:

في طبق او بوله صغيرة اخلطي الزبادي مع العسل وعصير الليمون, وامزجيهم كويس مع بعض, وكده الغسول يبقى جاهز عندك.

احتفظي بيه في التلاجة, وتقدري تستخدميه كل يوم الصبح كغسول للبشرة.

اول حاجة اغسلي بشرتك بمية دافية عشان تفتحي المسام, حطي المنظف على الوش كله, مع تجنب المنطقة اللي حوالين العين,  سيبيه لمدة دقيقتين, واغسليه بالمية العادية مع التدليك في حركات دائرية اثناء الغسيل.

الليمون لتبييض البشرة
الليمون لتبييض البشرة

2- تونر الليمون:

المكونات:

1 معلقة كبيرة جليسرين.

1 معلقة كبيرة عصير ليمون.

2 معلقة كبيرة مية ورد.

الطريقة:

اخلطي المكونات كلها مع بعض, صبي الخليط في ازازة ببخاخ ورجيها كويس عشان تخلطي كل المكونات مع بعض, وكده يبقى التونر جاهز.

رشي البشرة منه يوميا بعد غسيل الوش بالغسول.

الليمون لتبييض البشرة
الليمون لتبييض البشرة

3- كريم الليمون للتفتيح:

المكونات:

1 معلقة صغيرة من بشر قشر الليمون.

1 معلقة صغيرة نشا.

2 معلقة كبيرة عصير ليمون.

1 معلقة صغيرة زيت لوز حلو.

الطريقة:

هاتي طبق او بوله صغيرة حطي فيها قشر الليمون, وضيفي لها النشا وعصير الليمون, سخني الخليط ده على حمام مية سخنة لمدة 5 دقايق مع التقليب المستمر عشان عشان ميبقاش فيه اي كتل, لحد ما الخليط ناعم وسلس معاكي.

دلوقتي صفي الخليط على مصفى صغيرة عشان تتخلصي من قشر الليمون, بعد ما تصفي الخليط ضيفي زيت اللوز الحلو, وقلبيهم مع بعض كويس, كده يبقى كريم التفتيح جاهز عندك للاستخدام.

احفظيه في اي علبة فاضية عندك واستخدمي ككريم مرطب ولتفتيح البشرة.

الليمون لتبييض البشرة

4- سكراب الليمون:

المكونات:

½ عصير ليمونة.

2 معلقة كبيرة سكر.

1 معلقة كبيرة عسل.

الطريقة:

في طبق صغير اخلطي عصير الليمون مع السكر والعسل, قلبي المكونات مع بعض, وكده يبقى السكراب جاهز, الليمون والسكر بيساعدوا على تقشير البشرة والعسل بيحافظ على رطوبة الجلد.

قبل ما تعملي السكراب اتأكدي ان بشرتك مغسولة ونضيفة وجافة, اول حاجة خدي كام نقطة من زيت الزيتون دلكي بيها بشرتك.

دلوقتي خدي السكراب حطيه على الوش كله ودلكيه على البشرة بخفه في حركات دائرية من 2 – 3 مرات, وبعدين سيبيه على البشرة لمدة 5 دقايق وبعدها اغسليه بالمية.

تقدري تستخدمي السكراب ده مرتين في الاسبوع.

الليمون لتبييض البشرة

5- ماسك الليمون والكركم:

المكونات:

½ معلقة صغيرة عصير ليمون.

1 معلقة صغيرة كركم بودر.

1 معلقة صغيرة لبن.

الطريقة:

هاتي طبق صغير اخلطي فيه كل المكونات مع بعض, قلبيهم مع بعض كويس, افردي الخليط على بشرتك كلها بالتساوي وسيبيه لمدة 15 دقيقة, بعدها اغسليه بمية فاترة.

تقدري تكرري الماسك ده من 2 – 3 مرات في الاسبوع.

الكركم يعتبر كمان من المكونات الطبيعية الفعالة جدا في تفتيح البشرة, وبيساعد كمان على علاج كل البقع الغامقة خلال اسابيع.

وبكده نكون خلصنا روتين تفتيح البشرة باستخدام الليمون, انتظمي علي استخدام الغسول, والتونر, والكريم بشكل يومي, والسكراب والماسك خلال الاسبوع, مع الاستمرار هتلاحظي الفرق على بشرتك.

ازاي تستخدمي زيت جوز الهند في تفتيح البشرة بشكل سريع وفعال

تفتيح البشرة بزيت جوز الهند
تفتيح البشرة بزيت جوز الهند